AG DE L'IEO-AUDE (30/03/2019)

AG DE L'IEO-AUDE (30/03/2019)

• Una amassada generala es totjorn un moment important de la vida d'una associacion. Las aderentas e los aderents de l'IEO-Aude son convidats a prene part a l'acamp que se tendrà aqueste dissabte 30 de març de matin a l'ostal Sirventés (79, la Trivala, a Carcassona) :
- acuèlh dels participants, tre 9 h
- trabalhs de l'AG a 9 h30 amb lo rapòrt d'activitat de 2018, presentat per la secretària Fabiana Albèrt ; lo rapòrt financièr, presentat pel clavaire Joan-Loís Fabre ; la programacion per 2019 tocant, en particulièr, l'animacion e l'edicion pel president Alan Roch ; un temps de discutida e de questions divèrsas.

• L'adesion e lo pagament de l'escotisson es un biais clar d'exprimir son sosten e sa
participacion a l'accion d'una associacion. Los ancians aderents qu'an pas encara pagat se pòdon metre a jorn e totas las personas interessadas pòdon rejónher l'IEO-Aude :

Escotisson 2019 : 30 € ; coble, associacion : 38 € ; jove, caumaire : 12 €

amb sosten a una estructura locala : 40 € ; coble, associacion : 50 € ; jove, caumaire : 16 €

Notar l'associacion locala que vos interèssa : País de Carcassona – Fasètz la Lenga en Cabardés – Esperasan – Grussan – La Redòrta – Narbona – Quercorb 

Mandar vòstre chèc a l'òrdre d'IEO-Aude a : IEO-Aude BP 51042 11860 - Carcassonne Cedex o menatz-lo dissabte de matin.

Alan Roch