/image%2F0692203%2F201307%2Fob_4a4629c514317bd0331e885ab787edb4_ostal.JPG)
PUBLICACIONS NOVÈLAS DE L’IEO-AUDE
PUBLICACIONS NOVÈLAS DE L’IEO-AUDE
• TOT A L’ENCÒP, cronicas Papieròt menerbés 2017-19 dins La Semaine du Minervois d’Alan Roch, colleccion Vendémias
Lo cronicaire del Papieròt menerbés capita, setmana aprèp setmana, d’èsser tot a l’encòp : espepissaire de l’actualitat, cercaire de provèrbis, critic literari, esportiu afogat, conselhièr gastronomic, joglaire de mots e formulas, romegaire patentat, umorista ironic, obrièr de la lenga nòstra,...
Las 3 annadas de cronicas son represas per tematicas : L’anar dels jorns (actualitat, la part mai importanta) ; Agach critic (sus libres, espectacles) ; Mots e provèrbis (creacion de provèrbis autentics e jòcs de lenga) ; Contes e racontes ; En mai (suplements)
* Un libre de 208 paginas ;15x21 cm ; Vendémias, n° 84 ; 13 € (+ 3 € de mandadís)
De comandar a : IEO-Aude BP 51042 11860-Carcassona Cedex
/image%2F0692203%2F20201230%2Fob_ae1f65_tot-a-lencop-coberta.jpeg)
• TÈ… VE !, d’Andrieu Clamenç
« Tè...Ve ! » : dins aquel libre (coll. Vendémias) d’un centenat de paginas, Clamenç-umorist de lenga occitana i presenta los tèxts dels esquèchs de sos quatre darrièrs espectacles : Mesclum, Clics d’òc, Tè...Ve !, Òc-limpià. Aqueles 78 esquèchs foguèron jogats sus l’empont. Trachan de l’actualitat la mai larga de 2015 a 2018.
* 104 paginas ; 10 € ; de comandar 10 € + 4 € de pòrt a : André Clément– 326, Avenue de l’Europe – Résidence Vert Parc – Bâtiment A2 – 34170 Castelnau-le-Lez.
• LA CRAB’ESTELA, de Sòfia Jacques-Serano, un conte pels pichons e pels grands dins unnUn libre de 16 paginas, illustrat per Pascala Théron (Farfadet, N° 43)
Cossí nasquèt la bodega ? Sòfia Jacques-Serano conta cossí aquò se passèt un còp èra… Cossí una craba venguèt un instrument de musica, qun ròtle joguèron dins l’istòria una fada-mitona, lo pichon Tiston e l’ors Pèdescauç ?
En mai de legir lo libre, podètz escotar l’istòria dita per Sòfia Jacques-Serano e Isabèla François, amb las musicas de la Sòfia, dins un enregistrament d’Ives St-Germain : en podcast (mercé a RCF-Pays d’Aude e sa cronica occitana Als 4 Vents : https://rcf.fr/vie-quotidienne/ un-conte-de-sophie-jacques-autour-de-la-boudegue) o en vos procurant lo CD de l’enregistrament
* Lo libre : 5 € (+ 2 € de mandadís) ; lo libre e lo CD : 8 € (+ 2 € de mandadís).
De comandar a : IEO-Aude BP 51042 11860-Carcassona Cedex
/image%2F0692203%2F20201230%2Fob_790aba_crab-estela-coberta.jpeg)
