Overblog Suivre ce blog
Administration Créer mon blog
occitan-aude.over-blog.com

LO CALENDIÈR OCCITAN DEL MES DE MARÇ DE 2017

28 Février 2017 , Rédigé par Mirelha

LOS TEMPS FÒRTS DEL MES DE MARÇ

Fasètz la Lenga en Cabardés : tres moments bèls en març per clavar la quinzenada : la quina a Argon (dimècres 1èr), los contes de la Maria-Odila Dumeaux (divendres 3, Mossolens) e lo concèrt del grop polifonic Corou de Berra (dissabte 4, a Vilagalhenc)
La Serada, del dissabte 4, al Palais del Trabalh de Narbona, amb Los Sulfataires Occitans
Contes e paraulas amb Alan Roch : Ases e Cavals a la Barbacana (divendres 10), Lo boçut que voliá faire lo torn de França (Castèlnau d'Ari, divendres 10)
Los contes de Pèire Pos, meses en scèna pels Calandrons de Carcassona, al Teatre municipal (dimars 14, 14h30)
Lo Festenal de Canet d'Aude, amb En çò dels Clescamòls pel FRJEP de Fabresan (divendres 17) e una granda serada amb Cristian Almerge, La Sauze, Mans de Breish, Patric (dissabte 18)

• E pel mes d'abril, reservatz tre ara (e tant que n'i a) las plaças pel concèrt de Nadau a Vilamostausson lo dissabte 22 d'abril : Billetteries à Carcassonne : près de la place Carnot, Mercerie La Boutonnerie, 3 rue Victor Hugo ; Plateau de Grazailles, Boucherie del Païs, rue Buffon ; billetterie à Villemoustaussou : les 21 - 23 - 28 - 30 Mars salle Brassens de 17h à 18h30 ; par correspondance (17 € la place ; chèque à l'ordre de Circul'Anim et enveloppe affranchie pour le retour) : Circul'Anim chez Danielle Sarran-Lot 43 rue Antoine Armagnac 11 620 Villemoustaussou

LO CALENDIÈR OCCITAN DEL MES DE MARÇ DE 2017

* fins al 5 de març :
- Bram, Les Essa(r)ts : mòstra de fotografias de Bernard Bouchard
le mercredi de 11h à 18h et du jeudi au dimanche de 13h à 18h Les Essar[t]s - espace arts et cultures Avenue Georges Clemenceau 11150 Bram Tél : 04 68 24 40 66

* fins al 2 d'abril :
- Limós : Carnaval amb las sortidas de Las Codenas e los Estabosits (4/03) ; Los Arcadians (5/03) ; los Mainatges e Los Copin's (lo 11) ; lo Pont Vièlh (lo 12) ; Los Remenilhs e los Infialurs d'Achille (lo 18) ; Lo Tivòli (lo 19/03) ; las Estèlas e los Canalhons (los 24) ; los Afogats e Carnavals del monde lo 25/03) ; lo Carnaval de totas las bandas (lo 26/03, de 10h a 19h) ; los mainatges de las escòlas (lo 27 e lo 28) ; concors de travestits mainatges (lo 29) ; los retirats (lo 31) ; Los Joves e los Limosencs (lo 1/04) ; Monte-Cristò, Nuèit de la Blanqueta e Jutjament (lo 2/04)

* fins al 1èr de mai :
- Cassaignes, Le Chantier : exposition Trait(s) d'union - Christian Hadengue (peinture), Tony Cassius (sculpture), Martine Trouïs (peinture- gravure)
 et Claude Amaouche (gravure) (14h30-18h30, les vendredis-samedis-dimanches ; sur RdV : 06.74.52.24.71)

* fins al 31 de mai :
- Caunas de Menerbés : Exposition "Marbres de Caunes et d'Occitanie", du 4 février au 31 mai 2017 en l'abbaye de Caunes (Plein tarif : 5.00 €). Ouverture : tlj : 10h-12h, 14h-18h.

* fins al 19 de junh :
- París, Museum d'istòria naturala : mòstra Espèces d'ours ! http://www.mnhn.fr/fr/visitez/agenda/exposition/especes-ours

* fins al 30 de junh :
- Archius Departamentals d’Aude (diluns-dijòus : 8h30-17h30 ; divendres : 8h30-16h30) : mòstra Occitan, Occitania

* fins al 4 de març :
- Fasètz la Lenga en Cabardés : la quinzenada
dimècres 1èr de març, Argon, Ostal de Cabardés : 21h : quina en occitan
divendres 3 de març, Mossolens, sala Combes : 18h30 : talhièr ; 21h : serada-contes amb Maria-Odila Dumeaux
dissabte 4 de març, Vilagalhenc, sala polivalenta : 21h : concèrt Corou de Berra
http://fasetz-la-lenga-en-cabardes.over-blog.com/

* dijòus 2 :
- Carcassona, Mediatèca, Grain d'Sel, 18 h : Hommage à Daniel Fabre : présentation de Daniel Fabre et de ses travaux (JP Piniès et Sylvie Sagnes) ; lecture de textes de Daniel Fabre (Clémentine Garnier) ; extraits filmés d'entretiens avec Daniel Fabre.

* del 2 al 4 :
- Besièrs : Al còr de la rica programacion del festenal Cont'o'folies portat per la MJC de Besièrs, los contaires occitans seràn un còp de mai a l'onor amb dos rendètz-vos :
• dijòus 2 de març a 18h30 al CIRDOC : Contes del placard – Florant Mercadier Entrada gratuita sus reservacion (secratariat@cirdoc.fr / 04.67.11.85.10)
• dissabte 4 de març a 20h30 a la MJC de Besièrs (13 Bd Du-Guesclin, 34500 Besièrs) : Tifa-Tifa ! – Malika Verlaguet, acompanhada per Frédo Mascaro. Entrada paganta (6€ aderents MJC / 7€ non-aderents : reservacions alprèp de la MJC de Besièrs al 04 67 31 27 34)
- Lagarriga (Tarn) a prepaus d'Occitania
• jeudi 2 mars à 20h30 : conférence sur l’Occitanie : sa culture, son histoire... par Bernard Vernières
• vendredi 3 mars, à la salle des fêtes : 21h – concert avec le groupe Aital-Aital ; 22h – concert-bal avec le groupe Abela/Vidal ;
• samedi 4 mars : 15h – défilé du « Carnaval dels dròlles » dans le village puis jugement et crémation près de la salle des fêtes ; 19h – repas sur réservation ; ; 21h – bal trad avec le groupe Los d'Endacòm à la salle des fêtes.
https://agendatrad.org/e_2017-03/quand-plusieurs-associations-se_16973.html?utm_source=Infotrad_2017-08&utm_medium=event&utm_campaign=Infotrad

* divendres 3 :
- Bélesta (09), bibliothèque, 14h30 : goûter-lecture dédié à André Lagarde (contes, lectures, témoignages sonores, goûter)

* dissabte 4 de març :
- La SERADA (soirée dansante occitane), Narbonne Palais du Travail à partir de 19h. Initiation danses trad, animation Radiò Lengad'Òc, stand d'articles aux couleurs occitanes.
Concèrt-Balèti à 21h avec Les Sulfateurs Occitans. Entrée gratuite
Soirée organisée par Le Cercle Occitan de Narbona avec la participation de la Calandreta et le soutien de la Ville de Narbonne www.cercle-occitan-narbona.fr
- Carcassona, Ostal de las Memòrias, 14 h : Visite commentée (JP. Piniès) de l'exposition photo de Charles Camberoque : L'ethnologue dans la fête (Hommage à Daniel Fabre)
- Carcassona, MJC, 20h30 : balèti amb Trio Abrégé e Remi Geffroy
- Viladubèrt, Fogal, 20h30 : Quina en occitan de la Calandreta La Rosèla
- Parasan, sala polivalenta ; 20h30 : conferéncia Occitans, d'où venons-nous ? : à 21h30 : musique, danse et buvette avec Pierrot la Chanson lepont.unlien@gmail.com
- Foix, à l'Estive, à 20h45, scène Nationale de Foix et de l'Ariège (09) : RDV, la nouvelle création d’Eric Fraj et de la Compagnie Guillaume Lopez.

* dimècres 8 :
- Montpellier, L’occitan – des études et des métiers - Université Paul-Valéry, – 14h à 16h - salle A 105 (bât Azalaïs de Portiragnes) Les études d’occitan ouvrent sur de nombreuses opportunités dans le monde du travail. À l’occasion de la journée portes ouvertes du 8 mars, à 14 h, le département d’occitan accueillera dans la salle A 105 de jeunes professionnels titulaires d’une licence d’occitan qui viendront témoigner du déroulement de leurs études et de l’insertion professionnelle qui les a suivies.

* divendres 10 :
- Ostal Barbacana-Trivala, 18 h : Ases e cavals, conferéncia-lectura-conte d'Alan Roch
- Conques/Orbiel, salle du Conseil, Mairie, 18h15 : Hervé Pujol (Ingénieur de recherche, UMR 5815 « Dynamiques du droit », CNRS, Université Montpellier 1) donne une conférence sur le thème « Litiges dans la vallée de l’Orbiel entre 1930 et 1955 » (RdV Patrimoines, Vallées des Cabardès)

* dimenge 12 :
- Trassanèl : Trufa e Patrimòni
- Rieux en Val de 14h à 20h : Balade-cueillette des plantes sauvages puis préparation collective d'un repas que l'on déguste ensemble en début de soirée. Tarif : 40 €/personne + adhésion à prix libre. Chacun apporte ses couverts. Inscription obligatoire, places limitées. À la cadence de l'herbe (Association d'éducation à l'environnement) alacadencedelherbe@gmail.com ; alacadencedelherbe.blogspot.fr

* dimars 14 :
- Carcassona, Teatre municipal, 14h30 : espectacle de las Calandretas de Carcassona e Viladubèrt consacrat als contes de Pèire Pos.
- Archius departementals d’Aude, 41 avenguda Claude Bernard a Carcassona, a 20h30 : Recital de Claudi Martí, cantaire occitan (dins l'encastre d'Occitan, Occitania)

* dimècres 15 :
- Nissan : rescontre inter-occitan

* divendres 17 :
- Castèlnau d'Ari, Comuna (jardin Galariá Paul-Sibrà), 19h : Contes d'Alan de l'Ors (inscripcion : entrada e aperitiu : castelet@orange.fr o al 04 68 94 03 47 ; 10 € aderents Castelet o 12 € los autres)
- St Marcèl d'Aude : balèti de la prima

* divendres 17 e dissabte 18 :
- Canet d'Aude : festenal occitan amb Almerge, Mans de Breish, Patric e La Sauze
Le 17 Mars 2017 Salle des fêtes de Canet 20h30Pièce de théâtre du FRJEP de Fabrezan : En çò dels Clescamòls. (Entrée Au chapeau)
Le 18 Mars 2017 Salle des fêtes de Canet 18h00 : Quatre artistes occitans vont se produire la même soirée : Almerge Christian ; La Sauze ; Mans de Breish ; Patric
Déroulement de la Soirée : 18h00 : Accueil ; chacun apporte de quoi manger ou boire ; 18h30 : Chorale Jean Camp de Salles d'Aude - Projection de vidéos de chanteurs occitans ; 19h00 : Apéritif offert par la Municipalité de Canet ; 19h30 : Repas "Auberge Espagnole" ; 21h00 : Concert Entrée 10 € ( http://www.oc-en-festa.info)

* del 17 al 19 :
- En Bearn : Hestiv'Òc de nèu http://www.hestivoc.com/hestivoc-de-neu-le-programme/

* dimenge 19 :
- Mossolens : Rendez-vous au Conservatoire trufficole dès 9h du matin
Nettoyage et tronçonnage de la partie à l’est du conservatoire. Apporter : gants, fourche, brouette débroussailleuse pour ceux qui en ont. Le pique-nique sera offert par les Ampélo…

* dimars 21 :
- Argon, 18h30 : Estanquet de Fasètz la Lenga en Cabardés
- Archius departementals d’Aude, 41 avenguda Claude Bernard a Carcassona, a 20h30 : La Santa-Estèla de 1893 a Carcassona. Conferéncia de Felip Martèl, professor de las Universitats (dins l'encastre d'Occitan, Occitania)

* dijòus 23 :
- Carcassona : La Granda Ruscada : « La vida vista d'aicí »

* divendres 24 :
- Moussoulens, Maison du temps Libre , 18h30 : conférence La Sardaigne, histoire et paysages par Anne Réby . La soirée sera suivie pour ceux qui le souhaitent par un repas convivial style « auberge italienne ».
- Lastours, salle polyvalente, 20h45 : AG de Patrimoines, Vallées des Cabardès

* del 24 al 26 :
- La Grassa : 3 jorns dançarèls. Balèti lo divendres amb Folk'en Bulles e Brunò Sentou ; dissabte, amb Khaverim (Isrraël) ; estagi de danças d'Israël, dissabte e dimenge.

* dissabte 25 :
- Asilhanet, Domèni Pech d'André : concèrt-dessenh De l'aire a l'aiga (Laurenç Cavalièr e Laurenç Bonneau)
- Mossolens : Cristian Almerge anima los 30 ans del Fogal Socio-Cultural.

* dimars 28 :
Archius departementals d’Aude, 41 avenguda Claude Bernard a Carcassona, 20h30 : Recital de la corala Canti Canta (dins l'encastre d'Occitan, Occitania)

divendres 31 de març e dissabte 1èr d'abril :
- Montrejau : Passa-pòrts
http://www.arpalhands.org/users/files/medias/2017/Dépliant%20PP%202017.pdf

 

Lire la suite

Primièra setmana de la quinzenada « Fasètz la Lenga en Cabardés-2017 » / Première semaine...

27 Février 2017 , Rédigé par Mirelha

Primièra setmana de la quinzenada
« Fasètz la Lenga en Cabardés-2017 »

Lo dimars 21 de febrièr, inauguracion de la Quinzenada : la novèla placa en occitan a Mossolens (cada annada, una placa novèla es inaugurada : « Placeta de l'Escòla » ) ; los discorses, la corala « Cossí que siaga » e, aprèp-sopar, lo Renat Sette nos contèt, a son biais, l'istòria de Pinocchio. (http://rene.sette.free.fr/RSWAC/popup.html)

Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...

Lo dimècres 22/02, a Argon, un cantaire dels melhors d'Occitania (e ne mancam pas !) : Eric Fraj que balhèt un recital de primièra, sens gaireben parlar francés (normal, non ? Sèm dins la quinzenada de la lenga...). Emocion, sorires, qualitat, calor, tot i èra e lo public ne tornava demandar !

http://www.lecamom.com/eric-fraj/

Primièra setmana de la quinzenada « Fasètz la Lenga en Cabardés-2017 » / Première semaine...

Dijòus 23, a Ventenac de Cabardés, preparacion de las aurelhetas e la telé regionala nos filmèt !

La corala faguèt una pichona repeticion.

 

Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...

Divendres 24 a Puègnautièr dins la polida sala Na Loba (qu'inspirèt tant lo trobador Pèire Vidal), la pèça de teatre « Moi, Gaston Dominici , assassin par défaut », en francés (pauc) e en occitan de Provença, jogada pel Théâtre de la Médierranée, creada e jogada (entre autres) per André Neyton, en patriaca autentic.

http://www.theatremediterranee.fr

Primièra setmana de la quinzenada « Fasètz la Lenga en Cabardés-2017 » / Première semaine...

Dissabte 25, la fèsta dels 20 ans de la Quinzenada : pichons e grands an jogat e dançat e l'Alèm Surre-Garcia resumèt tres mila ans d'istòria en una ora !

https://www.youtube.com/watch?v=vZCziW0B2RU

Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...

Dimenge 26, plaça al talhièr-cosina annual de la Quinzenada : al menut :

Lesquetas de lard de Colonatta, trufadas, Banha-cauda, pissaladièra al ton, mufinets a la ceboleta, pasta d'aseròlas. Las recèptas van venir dins un autre article.

Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Lire la suite

E anèrem escotar Nadau a Pau !

21 Février 2017 , Rédigé par Mirelha

Aqueste dissabte 18 de febrièr, partiguèrem a 54 (mai lo menaire) de Carcassona, endacòm entre Cap'Cinèma e lo Crèdit Agripaire. Montèrem dins lo carri burèl de l'entrepresa Couchouron. Tot lo monde èra a l'ora per partir : sulcòp de 11h19 (per èsser precís).

Faguèrem una pausa sus un airal d'autorota, mas èra pas encara l'ora de sortir la saqueta. Recuperèrem tres collègas a un vira-l'ase a la dintrada de Tolosa. E fai tirar ! Arrèst a l'airal de Volvèstre per manjar assetats sus de pèiras o dreits que la societat d'autorota pensa pas que i age tant de monde a se voler manjar lo crostet. Los Narboneses mostrèron l'entrainament bèl qu'an, amb l'organizacion de lor saqueta mesadièra, sens parlar de la Còca dels Reis. Ieu, m'acontentèri d'un entrepan a la salsissa (amb de mostarda), un entrepan al formatge de La Guiòla (amb tres fuèlhas de doceta), un tròç de quicha (plan quichada), una poma e doas clementinas amb un còp de vin (lo roge dels jogaires de l'ASC XIII).

A l'airal de Comengés, cambièrem de menaire : lo Regís remplacèt lo Cedric e comuniquèt amb los passatgièrs dins la lenga oficiala de l'autobús : l'occitan.

A Juranson, agèt dreit al grand jòc de passar per caminòts estequits amb lo Joan-Bernat Larrieu alertat per telefonilhet per servir de peis-pilòta.
Arribèrem a la cava. A l'entorn, i aviá tièras de branquetas magrinèlas amb d'èrba de pertot, sostengudas per de fials. Lo proprietari ensagèt de nos faire creire qu'aquò èra una vinha. Coma sèm braves, faguèrem mina de lo creire e dobriguèrem plan las aurelhas per comprene sas explicas en bearnés suls tres costals de Juranson, l'exposicion al solelh, la qualitat del sòl, lo biais de vendémiar (a la man, que las maquinas sabon pas encara causir gran per gran !!!), …

Se passèt enfins a las causas seriosas : la tasta dels vins acompanhats d'afogassets (cambajon ; salmon – un bravonet qu'aviá trapat lo biais e la fòrça de tornar al país ; formatge del país ; fetge gras — tant que demorarà un tiron al país !). Se passèt dels Juransons secs als vins umoroses (doces, se l'adjectiu vos va melhor). Se notèt que lo nom de las tinadas son (plan logicament) en lenga nòstra e que las etiquetas son en doas lengas : pas francés-anglés coma apr'aicí mas francés-occitan !

Se passèt a taula que la garbura esperava. Me demandèri que, coma èrem 65 (un grop de 7 Grussanòts-Narboneses èra arribat de son costat) (èsser 65 en 64, dangièr : Bigordans e Biarneses son los melhors amics del monde !). Bon, coma èrem 65, per aver lo bon compte de las cuèissas, s'èra calgut sacrificar un tiron unicambista ? Lo vin aviá virat al roge e s'èra transformat en Madiran, mas degun faguèt pas chabròt. Seguiguèt lo pastís gascon que semblava un pauc escana-crestian, mas que de fait èra mofle e davalava plan pel gargalhòl. D'unes rajustèron lo cafè e la gota (al punt de ne pèrdre la berreta !).

Èra ora de davalar sus Pau (e la larjor dels caminòts aviá pas cambiat !). La dificultat novèla èra que lo bus tocava pel sòl amb totas las cantinas crompadas e clavadas dins la mala (un pauc coma lo numèro de Padena amb lo club del tresen atge que fa la virada de las cavas de Corbièras !).
Arribèrem al Zenith. Nos balhèron de papièrs sus Messmer (pas lo ministre vièlh, mas un magician) e suls Harlem Globe-trotters, mas tanben unes pega-solets de Nadau.

Aprèp los contraròtles costumièrs, se dintrèt dins la sala del Zenit comola coma un uòu (calguèt un caochoc coma per la boèta de sièis uòus de la mameta per faire dintrar tot aquel monde dins l'amfiteatre — e òc, ne sabi de mots complicats — de 3000 plaças).

Una banda montèt sus l'empont e se metèt a tustar suls tamborns. Apuèi, arribèt lo Jan de Nadau, l'acordeon al braç, e amb tota sa freta. Encadenèt pendent doas oradas cançons conegudas e novèlas. A un moment, i agèt un sosten del SC Bastià que venguèt cantar l'Ofelia en còrse e que metèt dins lo roge la sòno. Sèrgi Cabòs imitèt pas lo bruch atissaire de la 205 turbò. Un torn de valsa amb la Ninon ! Los aplaudiments bèls saludèron lo torn de cant, standing ovation, rampèl e tot aquò ! E benlèu que serem sul DVD que se montarà a partir d'aquelas doas seradas de recital.

Demorava una mièja-oreta a passar dins l'entrada al son de la banda, a manjar un sieton preparat per las Calandretas de l'endreit, a beure Juranson (per saupre se càmbia de gost segon l'ora del jorn o de la nuèit), a crompar un camisòt Adishatz !, a crosar coneissenças : la Catarina, la Florença e lo Joan (e òc, lo Joan Lassala èra dins la sala, mas pas lo Franceson qu'èra demorat a la Comuna a jogar a pila o crotz : « i vau o i vau pas ? »), benlèu a sarrar la man al Miquèl (e òc, lo Jan se ditz per de bon Miquèl…).

Caliá tornar prene lo carri e lo Zenit a la bona idèia de se trapar just prèp de la dintrada (o de la sortida depend del sens ont vas) de l'autorota. Mas, dins Pau, òm se pòt pas pèrdre : los panèus d'indicas rotièras son bilengas (francés-occitan, de segur). Agèrem pas lo temps de nos arrestar a la fèsta de Morlana e lo carnaval biarnés aviá pas encara envasit la ciutat paulina.

Dins lo carri, plan de monde dormissiá — mas, pas lo menaire ! Nos tornèrem arrestar a l'airal de Volvèstre (de l'autre costat) e a 2 oras del matin, i aviá plan mens de monde qu'a una ora del vèspre. Talament pauc que la botiga èra tancada ! Daissèrem los collègas a Tolosa.

A 3 oras 14 del matin, lo carri tornèt al punt de despart. Cap doblidèt de prene sas cantinas de Juranson. Al cap de tres minutas, i aviá pas mai degun. La nuèit aviá tornat espandir son mantèl ensomelhat e embrumat. Aquela jornada se passèt de vertat vertadièra o èra un sòmi ?

Anem, vai : dobrirem la pòrta dab lo pè ! Vam caminar de cap tà l'immortèla : la libertat qu'ei lo camin !

Joan-Uc Ranson

Nòta de la secretària : Auretz pas de fòtos del concèrt que daissavan pas passar los aparelhs per fotografiar, mas daissavan passar los telefonilhets e tot lo monde fotografiava ! Lanci un apèl : qual me va far present d'un super-telefonilhet per far fòtos e, eventualament, telefonar ???

Dins las vinhas de Juranson
Dins las vinhas de Juranson
Dins las vinhas de Juranson
Dins las vinhas de Juranson
Dins las vinhas de Juranson
Dins las vinhas de Juranson
Dins las vinhas de Juranson
Dins las vinhas de Juranson

Dins las vinhas de Juranson

Lire la suite

FASÈTZ LA LENGA EN CABARDÉS

20 Février 2017 , Rédigé par Mirelha

LO VAM DELS 20 ANS

DE FASÈTZ LA LENGA EN CABARDÉS

Fasètz la Lenga en Cabardés festeja los 20 ans d'existéncia de l'associacion amb un programa de qualitat del 21 de febrièr al 4 de març. L'associacion s'apièja sus una Carta per la promocion de l'occitan passada amb las cinc comunas partenàrias : Argon, Mossolens, Puègnautièr, Ventenac de Cabardés e Vilagalhenc.

Los 20 ans seràn especialament marcats per la jornada res-non-còsta del dissabte 25 de febrièr que se debanarà a Ventenac de Cabardés de vèspre : jòcs pels enfants (Ludule), mòstras de joguinas e d'objèctes de fusta, un balèti pels mainatges amb Sors Les Mains d'Tes Poches (17h), una conferéncia sus l'istòria occitana per Alèm Surre-Garcia (17h) e lo concèrt-balèti amb Coriandre (21h).

La dobertura de la manifestacion se farà tre lo dimars 21 de febrièr a Mossolens amb un recital del grop vocal Cossí que Siague (18h) e l'espectacle sus Pinòqui del Renat Sette (21h). L'endeman (dimècres 22), l'Ostal de Cabardés d'Argon aculhirà un recital de l'un dels primadièrs de la cançon occitana modèrna : l'Eric Fraj.

Divendres 24, a Puègnautièr, la pèça « Moi, Gaston Dominici, assassin par défaut » tornarà amb un agach provençal sus aqueste famós afar judiciari.

Dimenge 26, a Vilagalhenc, se poirà descobrir de matin lo biais de preparar una banha cauda e lo vèspre vos passejaretz long de Trapèl.

Lo dimars de ser (28 de febrièr, a Ventenac) serà vertadièrament un Dimars-Gras amb la taulejada que virarà a l'entorn d'una gostosa mongetada animada per Tarabastar.

Dimècres 1èr de març, una quina en occitan se debanarà a Argon. Divendres 3 de març, a Mossolens, Maria-Odila Dumeaux farà dintrar dins lo monde magic dels contes.

Novèla serada de tria per clavar amb la prestacion del grop polifonic nissard Corou de Berra, lo dissabte 4 de març a Vilagalhenc.

 

Tot lo programa çai-jos e sus : http://fasetz-la-lenga-en-cabardes.over-blog.com

Per tota entresenha : 06.31.55.58.57

•• A aqueste numèro : inscripcion obligatòria per la taulejada del 28 de febrièr (15 €)

•••Al 04.68.25.19.78 : inscripcion pel talhièr-cosina del dimenge de matin 26 de febrièr a Vilagalhenc.

Alprèp de dominique.alsina@orange.fr : inscripcion per participar a la fabricacion de las aurelhetas, dijòus 23 de febrièr de vèspre a Ventenac.

•••• Carta d'abonament pels espectacles pagants : 38 €

Las ràdios Ràdio-Lenga d'Òc-Narbona et RCF-Pays d'Aude consacran unas cronicas e emissions especificas a la quinzenada.

 

LO PROGRAMA

dimars 21 de febrièr, Mossolens
18h : estrena ; batejalha de La Placeta de l'Escòla
; sala E-Combes : dobertura oficiala ; recital del grope vocal Cossí que siague
21h, sala E-Combes : espectacle Pinocchio
, per René Sette, 8 €

dimècres 22 de febrièr, Argon, ostal de Cabardès
18h30 : talhièr d'occitan
21h : recital d'Eric Fraj, 8 €

divendres 24 de febrièr, Puègnautièr
18h30, sala de la Tor : talhièr d'occitan
21h, Na Loba : Moi, Gaston Dominici, assassin par défaut pel Teatre de la Mediterranèa, 12 €

dissabte 25 de febrièr, Ventenac, la jornada dels 20 ans, animacions a res-non-còsta : Espaci René-Douce e Distillariá
14h : jòcs pels enfants (Ludule), mòstras (joguinas de Rogièr Fages ; òbras d'Estefan Pandolfo)
17h : balèti-mainatges amb Sors Les Mains d'Tes Poches
17h : conferéncia d'Alèm Surre-Garcia Occitania dins l'istòria
19h : aperitiu-sopar (5 €)
21h : concèrt-balèti avec Coriandre

dimenge 26 de febrièr, Vilagalhenc :
10h, pichon fogal : talhièr-cosina animat per Mirelha Braç : la banha cauda (5 € ; sus inscripcion : 04.68.25.19.78)
13h30, sala polivalenta : rendètz-vos per la passejada : bocla entre Vilagalhenc e Argon amb Patrimònis, vals dels Cabardés. Espertinar-confiments e vin caud al retorn

dimars 28 de febrièr, Ventenac de Cabardés, Espaci René-Douce
19h : taulejada animada per Tarabastar (15 €, sus inscripcion : 06.31.55.58.57)

dimècres 1èr de març, Argon, Ostal de Cabardés :
21h : quina en occitan (10 € los 3 cartons)

divendres 3 de març, Mossolens, sala E-Combes :
18h30 : talhièr d'occitan
21h : Los contes de Maria-Odila Dumeaux, 8 €

dissabte 4 de març, Vilagalhenc, sala polivalenta :
21h : recital de polifonias amb lo Corou de Berra, 12 €

 

 

Lire la suite

Occitan-Occitania als Archius d'Aude / Aux Archives de l'Aude

8 Février 2017 , Rédigé par Mirelha

MILA ANS D'UNA LENGA E D'UNA CULTURA
MÒSTRA E RESCONTRES ALS ARCHIUS DEPARTAMENTALS D'AUDE
14 de febrièr – 30 de junh de 2017)

Aqueste dimars 14 de febrièr a 6 oras del vèspre, als Archius departamentals d'Aude, se farà l'estrena de la mòstra « Occitan, Occitania ».
Aprèp los discorses, los afogassets e los vins del país, lo Mans de Breish cantarà.
La mòstra serà presentada dins los locals dels Archius fins al 30 de junh de 2017 (dobèrta al public del diluns al dijòus de 8h30 a 17h30 e lo divendres de 8h30 a 16h30).

De mai, los Archius departamentals d'Aude, en collaboracion amb l'Institut d'Estudis Occitans (Aude), organizan un cicle de conferéncias, de projeccions de films e de recitals a l'entorn de la mòstra.

La mòstra
Los panèls de la mòstra son presentats en dobla version : francés e occitan.
Lengadòc ièr, « Occitania » uèi : la contrada ten son nom, dempuèi sègles, de la lenga que foguèt seuna, qu'es totjorn seuna. Mas de qué sabèm de l'istòria vertadièra de la lenga d'òc, de sas originas, de son espandiment, dels combats qu’engimbrèt ? Los Archius departamentals d’Aude, amb lo concors de l’Institut d’Estudis Occitans-Aude, convidan a trapar responsas a aquestas questions en vistalhant la mòstra consacrada a la lenga occitana, a sos usatges e als moviments que n'assegurèron la desfensa, dempuèi l'Edat mejana (primièras aparicions dins las cartas de tèrmes occitans als sègles 10-11) fins a las annadas 1970-75 (moviments occitanistas), sens doblidar lo Felibritge. Documents originals, objèctes, afichas, papierons, fotografias e òbras d’art son estats recampats per vosaus per vos faire tornar viure un passat recent o vièlh.

D'un panèl l'autre, la mòstra balha entresenhas sus : lo nom de la lenga ; l'unitat de la lenga ; l'aparicion de l'occitan ; la lenga dins la vida vidanta de l'Edat mejana ; los trobadors ; lenga e religion ; la trilogia latin, francés e occitan ; las restriccions dels ustages de l'occitan (sègles 18 e 19) ; lo reviscòl ; lo Felibritge ; los felibres audencs ; las fèstas felibrencas ; l'occitan a l'escòla : los temps de reconquista ; l'òbra de Renat Nèlli ; Federalisme e regionalisme ; l'occitanisme politic ; lo territòri occitan.
Un catalògue en francés e una brocadura acompanhan la mòstra.

A la ràdio
Los tèxtes dels panèls son represes per l'IEO-Aude dins unas cronicas radiofonicas que se poiràn escotar sus Ràdio-Lenga d'Òc-Narbona (a comptar del 15 de febrièr) e RCF-Pays d'Aude (a comptar de la debuta de març).

Los rescontres, recitals e conferéncias
Vaquí la tièra de rescontres que complètan la presentacion de la mòstra :
- dimars 28/02, a 20h30 : Projeccion del film de Yannick Séguier Le Midi viticole - 2 Des lendemains de la Première Guerre mondiale à la reconstruction du vignoble (Ostal del Departament)
- dimars 14/03, a 20h30 : Recital de Claudi Martí (AD : Archius Departamentals)
- dimars 21/03, a 20h30 : La Santa-Estèla de 1893 a Carcassona (conferéncia de Felip Martèl) (AD)
- dimars 28/03, a 20h30 : Recital de la corala Canti Canta (AD)
- dimars 9/05, a 20h30 : Desrabar, colleccionar, descriure ? L'occitan fàcia a las enquistas suls pateses (fin del sègle 18-debuta del sègle 20), conferéncia de Domenge Baudreu (AD)
- dimars 23/05, a 20h30 : L'occitan dins l'escòla francesa , conferéncia de Yann Lespoux (AD)
- dimars 30/05, a 20h30 : Escriure en òc (del sègle 19 a uèi e deman) , conferéncia-lectura d'Alan Roch (AD)
- dimècres 7/06, a 20h30 : recital de la corala Le Chiffon rouge (Narbona) (AD)

Occitan-Occitania als Archius d'Aude / Aux Archives de l'Aude
Lire la suite

LAS FEBREJADAS A L'OSTAL SIRVENTÉS

4 Février 2017 , Rédigé par Mirelha

DEL 3 AL 10 DE FEBRIÈR :

LAS FEBREJADAS A L'OSTAL SIRVENTÉS

Agachadas, cervesas, jornalisme e Alaric al programa

Del 3 al 10 de febrièr, l'Ostal Sirventés (79, la Trivala, Carcassona) se met a l'ora de las Febrejadas, amb quatre rendètz-vos qu'aligan pintura, gastronomia, comunicacion, istòria e etnologia.

Lo divendres 3 de febrièr(18h30) se faguèt l'estrena d'una mòstra de pinturas de Miquèla Fumat : Agachadas / Regards. L’artista, que viu a Narbona, es pastada d'influéncias miègterranencas. Cada gèste se noirís de lum per balhar a cada cara un esclat particulièr. Cada tablèu presenta un retrach de monde d'aicí o d'endacòm mai, de mainatges o d'adultes ont senhoreja la fòrça dels agaches : sensibilitat e umanitat son al rendètz-vos.

 

LAS FEBREJADAS A L'OSTAL SIRVENTÉS

Diluns 6 de febrièr (19 h ; sus reservacion : 04.68.25.19.78 o ostal.sirventes@wanadoo.fr ; participacion : 10 €), se farà una tasta qu'aligarà cervesas (las de la brassariá Ciutat a Carcassona) e formatges : unes maridatges a descobrir e a se ne perlupar !
Dimècres 8 de febrièr (18h30), Ferriòl Massip farà lo punt suls 5 ans de vida del jornal quotidian e informatic Lo Jornalet (jornalet.com) qu'anima dempuèi Barcelona per balhar un agach occitan sus l'actualitat dels pòbles e per ofrir espacis de discutida e tribunas.

Divendres 10 de febrièr (18h30), lo mont Alaric serà presentat per Felip Marcy (Vilatges Al país) jos d'angles divèrses, represes dins l'obratge recentament paregut que met en abans sa plaça particulièra dins lo païsatge audenc entre Corbièras e Menerbés.

Las Febrejadas son organizadas pel Cercle Occitan del País de Carcassona e l'Institut d'Estudis Occitans-Aude, amb lo sosten de la Comuna de Carcassona e del Conselh departamental d'Aude.

 

DU 3 AU 10 FÉVRIER :

LAS FEBREJADAS À L'OSTAL SIRVENTÉS

Du 3 au 10 février, l'Ostal Sirventés (79, la Trivala, Carcassona) accueille les Febrejadas, quatre rendez-vous alliant peinture, gastronomie, communication, histoire et ethnologie.

Le vendredi 3 février (18h30) a eu lieu le vernissage d'une exposition de tableaux de Michèle Fumat : Agachadas / Regards. L’artiste installée à Narbonne est imprégnée de l’influence méditerranéenne, chaque geste se nourrissant de lumière donnant ainsi à chaque visage un éclat particulier. Chaque tableau propose un portrait de gens d'ici ou d'ailleurs, d'enfants ou d'adultes où transparaît la force des regards. : une grande humanité fait la force de la présentation de la quinzaine de tableaux.

Lundi 6 février (19 h ; sur réservation : 04.68.25.19.78 ou ostal.sirventes@wanadoo.fr ; participation : 10 €), aura lieu une dégustation alliant bières (celles de la brasserie Ciutat de Carcassonne) et fromages : des mariages à découvrir et à savourer !

Mercredi 8 février (18h30), Ferriòl Massip fera le point sur les 5 ans d'existence du journal quotidien et informatique Lo Jornalet (jornalet.com) qu'il anime depuis Barcelone pour donner un regard occitan sur l'actualité des peuples et pour offrir des espaces de débat et de tribunes.

Vendredi 10 février (18h30), le mont Alaric sera présenté par Felip Marcy (Vilatges Al país) sous divers angles, repris dans l'ouvrage récemment paru qui célèbre sa place particulière dans le paysage audois entre Corbières et Minervois.

Las Febrejadas sont organisées par le Cercle Occitan del País de Carcassona et l'Institut d'Estudis Occitans-Aude, avec le soutien de la Mairie de Carcassonne et du Conseil départemental de l'Aude.

 

Lire la suite

Calendièr del mes de febrièr de 2017 / Calendrier de février 2017

1 Février 2017 , Rédigé par Mirelha

* fins al 20 de febrièr :
- Carcassonne, Maison de l'Architecture et de l'Environnement : La maison des Super-héros

http://carcassonne.org/fr/caue-la-maison-des-super-heros

* fins al 5 de març :
- Bram, Les Essa(r)ts : mòstra de fotografias de Bernard Bouchard
Exposition ouverte au public du 21 Janvier au 5 Mars 2017 : le mercredi de 11h à 18h et du jeudi au dimanche de 13h à 18h (fermé lundi et mardi). Tarifs : Adulte > 4 € / Enfants (6/15 ans) > 1 €. Groupes (+ de 10 personnes), étudiants, demandeurs d’emploi... > 2 €. Les essar[t]s - espace arts et cultures Avenue Georges Clemenceau 11150 Bram Tél : 04 68 24 40 66

* fins al 2 d'abril :
- Limós : Carnaval. En febrièr, sortidas amb : Las Encantadas, las Popinetas (dissabte 4) ; los Blanquetièrs (dimenge 5) ; los Bronzinaires, los rambalhurs (dissabte 11) ; lo Parador (dimenge 12) ; Los sieurs d'Arques (dissabte 18) ; las Femnas (dimenge 19) ; los Pichons, los Taps (dissabte 25) ; l'Aragon (dimenge 26) ; los Ancians (dimars 28) ; …

* fins al 1èr de mai :
- Cassaignes, Le Chantier : L'exposition Trait(s) d'union - Christian Hadengue (peinture), 
Tony Cassius (sculpture), Martine Trouïs (peinture- gravure)
 et Claude Amaouche (gravure) (14h30-18h30, les vendredis-samedis-dimanches ; sur RdV : 06.74.52.24.71)

* fins al 19 de junh :
- París, Museum d'istòria naturala : mòstra Espèces d'ours ! http://www.mnhn.fr/fr/visitez/agenda/exposition/especes-ours

* dimècres 1èr :
- Narbona, Mediatèca, 17 h : Trobada occitana, amb Franc Bardou, Jacques Privat, Roland Pécout, Sandra Hurtado-Ròs, Gérard Zuchetto. Lectures et illustrations musicales : les trois poètes et les deux musiciens présenteront leurs créations 2016 et interprèteront des extraits des recueils et Cds.
- Carcassona, Mots&Cie, 17h30 : contes en occitan e francés amb Joseta Otto-Codina (a partir de 5 ans)
- Narbona, Ostal Occitan, 19 h : rescontre amb Philippe Villemus per son libre « Midi se meurt, sauvons-le »

* del 3 al 10 :
- Las Febrejadas, a l'Ostal Sirventés
• divendres 3, 18h30 : estrena de la mòstra Agachadas de Miquèla Fumat
• diluns 6, 19h : tasta cervesa (« Ciutat »)-formatge, sus reservacion : 04.68.25.19.78 ; ostal.sirventes@wanaddo)
• dimècres 8, 18h30 : Los 5 ans del Jornalet, amb Ferriòl Massip
• divendres 10, 18h30 : Le Mont Alaric, amb Felip Marcy

* divendres 3 :
- Narbona, Ostal occitan : concèrt de Las Mondinas
- Limós : bal fòlc amb Trad'en Bulles

* dissabte 4 :
- de matin : Mercat de las trufas a Vilanòva de Menerbés
- Concas en Òc : Moussu T e lei Jovents
- Puègserguièr : Golamas'K festeja la sortida de son album Resisténcia. RdV tre 18 h a l'Ostal del Pòble. Concèrt a res-non-c`òsta a 21 h amb Sax Peace Tools, Golamas'K e Karden
- Sant-Ponç, capèla dels Penitents, 21 h : Le Vin Bourru, par Gilles Buonomo, Cie Itinéraire Bis, théâtre (tarifs : 10€/6€/0€ ; réservations : 04 68 91 31 50)
- Villesèquelande, maison presbytérale, 17h : présentation du n° 4 des Cahiers du patrimoine du Cabardès au canal du Midi

* lo 4 e lo 5 :
- St-Gervasi (Gard) : Festenal Rescontres occitans de video (dissabte e dimenge de vèspre)

* dijòus 9 :
- projection au Colisée (21h, Carcassonne) : La caça de l'ós a St-Lorenç de Cerdanç de Pierre Breinanan, Claude Costes et Daniel Fabre, dans le cadre de l'hommage à Daniel Fabre (GARAE)

* divendres 10 :
- Alzonne, médiathèque, 18h : présentation du n° 4 des Cahiers du patrimoine du Cabardès au canal du Midi

* lo 11 e lo 12 :
- estagi de cant a Asilhanet (domèni Pech d'André) : https://www.facebook.com/lepechdandre/photos/pb.523878057645001.-2207520000.1485931584./1416572561708875/?type=3&theater

* dimenge 12 :
- mercat de las trufas a Narbona

* dimars 14 : - estrena de la mòstra als Archius departamentals, a 18 h

mòstra Occitan, Occitanie

Presentada als Archius departementals d’Aude, 41 avenguda Claude Bernard Carcassona
Dobèrta al public del diluns al dijòus de 8h30 a 17h30 e lo divendres de 8h30 a 16h30
Prestacion musicala de Mans de Breish.

Lengadòc ièr, Occitania uèi : nòstra contrada ten son nom, dempuèi sègles, de la lenga que foguèt seuna, qu'es totjorn seuna. Mas de qué sabèm d'aquesta lenga, de sas originas , de son espandiment, dels combats qu’engimbrèt ? Los Archius departementals d’Aude, amb lo concors de l’Institut d’estudis occitans, vos convidan a trapar responsas a aquestas questions en vistalhant la mòstra consacrada a la lenga occitana, a sos usatges e als moviments que n'assegurèron la desfensa, dempuèi l'Edat mejana (primièras aparicions dins las cartas de tèrmes occitans als sègles 10-11) fins a las annadas 1970-75 (moviments occitanistas), sens doblidar lo Felibritge. Documents originals, objèctes, afichas, papierons, fotografias e òbras d’art son estat recampats per vosaus per vos faire tornar viure un passat recent o vièlh.

* dissabte 18 de febrièr :
- Viatge IEO-Aude a Pau (Nadau al Zenit)
- La Dinha d'Aval : Carnaval de las sabors e mercat de las trufas

* del 19 al 26 de febrièr :
- Setmana Occitana del Vilafrancat, en Avairon :
• dimanche 19 février, Compolibat, 15h : théâtre occitan avec lo teatre de pas res et les Z'igues
• mercredi 22 février, à la bibliothèque de Villefranche, 15 h : contes occitans pour les enfants
• vendredi 24 février, salle des fêtes de Cénac, à 21 h : rencontre musiciens-danseurs et balèti
• samedi 25 février, salle des fêtes de Cénac : à 10 h : stage de chant polyphonique (réservez) ; à 21h, balèti avec Les Bouilleurs de Sons, Contrebande et Bassacada
• dimanche 26 février, à l'église de Cénac, 15 h : concert polyphonique avec Lo Barrut
• Contacts : 05 65 29 93 11 ; 05 65 45 41 39

* del 21 de febrièr al 4 de març :
- Fasètz la Lenga en Cabardés : la quinzenada
• dimars 21 de febrièr, Mossolens, sala Combes : 18h30 : Estrena amb Cossí que Siague
21 h : Renat Sette
• dimècres 22 de febrièr, Argon, Ostal de Cabardés : 18h30 : talhièr de lenga
21h : recital d'Éric Fraj
• divendres 24 de febrièr, Puègnautièr, Na Loba : 21h : Moi, Gaston Dominici, assassin par défaut per le Théâtre de la Méditerranée
• dissabte 25 de febrièr, Ventenac de Cabardès, sala René-Douce e Distillariá : 14h : jòcs pels enfants e mòstra de joguinas
17 h : bal pels mainatges Sors les mains de tes poches
17 h : conferéncia d'Alèm Surre-Garcia
-19 h : aperitiu-repais
- 21 h : Coriandre (balèti)
• dimenge 26 de febrièr, Vilagalhenc, 10h, al fogal : talhièr-cosina
13h30, RdV sala polivalenta : Passejada
• dimars 28 de febrièr, Ventenac, sala René-Douce, 19h : taulejada
• dimècres 1èr de març, Argon, Ostal de Cabardés : 21 h : quina en occitan
• divendres 3 de març, Mossolens, sala Combes : 21 h : serada-contes amb Maria-Odila Dumeaux
• dissabte 4 de març, Vilagalhenc, sala polivalenta : 21 h : concèrt Corou de Berra

http://fasetz-la-lenga-en-cabardes.over-blog.com/

* dimècres 22 :
- Ventenac, salle René-Douce, 20h : présentation du n° 4 des Cahiers du patrimoine du Cabardès au canal du Midi
- Asilhanet, Domèni Pech d'André : concèrt del grop Asondar

* dijòus 23 :
- À La maison de la Clape, à Vinassan, à 18h30 : À la recherche des ruchers bâtis dans les garrigues et le patrimoine narbonnais (présentation d'un diaporama).
- Sant-Marcèl : Ases e cavals, conferéncia-lectura-conte d'Alan Roch

* dissabte 25 :
- Nuèit de la Trufa a Vilanòva de Menerbés
- Camplong d'Aude, sala Taudou, 20h30 : balèti amb Nhac e Bruno Sentou
- Grussan, Palais dels Congrès, 20h30 : Las Regaladas amb La Sauze (1èra partida) e Jan de Nadau en acostic (15 € ; reservacions : 06 67 43 61 07 ; nombre de plaças limitat)
- Besièrs, place de la Madeleine, 15h15 : les Calandretas organisent Carnaval sur le thème des contes. Repas et concert en soirée

* dimars 28 :
- Carcassona : a 20 h 30 Projeccion del film de Yannick Séguier Le Midi viticole
Partida 2 Des lendemains de la Première Guerre mondiale à la reconstruction du vignoble
Luòc : Ostal del Departament, alèia Raymond Courrière a Carcassona (sala Gaston Defferre)

Lire la suite