/image%2F0692203%2F201307%2Fob_4a4629c514317bd0331e885ab787edb4_ostal.JPG)
TEMPS DE CONFINHAMENT E DE DESCONFINHAMENT
25 Juin 2020 , Rédigé par Mirelha
TEMPS DE CONFINHAMENT
E DE DESCONFINHAMENT
Lo blòg de l’IEO d’Aude s’es bravament aconsomit dempuèi la debuta del confinhament qu’aviam pas mai de manifestacions, rescontres, mòstras, espectacles, balètis… de vos anonciar.
Per l’ora, sabèm pas brica quora tornarà un temps de normalitat.
Pas de Concas en Òc, pas de Boleg’Al Sòl, pas de manifestacions Total festum, pas de quina Fasètz la Lenga en Cabardés (que l’associacion a pas pogut anar tanpauc a Malhòrca), pas de manifestacion per marcar los 100 ans de la naissença de Joan Bodon, pas d’AG de la seccion d’Aude (qu’èra prevista a la debuta de mai).
Avèm obrat via Internet en ajustant Suplements de vocabulari e provèrbis a l’edicion quotidiana del Jornalièr Audenc (per la reçaupre, se marcar alprèp de : ieo11@ieo-oc.org) ; unas fichas de trabalh del talhièr de lenga del Cercle occitan del País de Carcassona circulèron tanben e contunhan de circular.
Unes libres d’editar son sul taulièr e vos farem un punt exacte lèu sus las edicions possiblas e en cors.
Tre qu’aurem una idèia de çò qu’es possible de faire a la dintrada e una data per l’AG de l‘associacion, vos avisarem.
E per botar una masqueta, comandatz-la a Macarèl : https://www.macarel.org/actualites/32-les-masques-de-protections-macarel-sont-l-
