AMASSADA GENERALA DE L'IEO-AUDE AQUESTE DISSABTE 12 DE MAI de 2018

PRENÈTZ PART A L'AMASSADA GENERALA
DE L'IEO-AUDE 
AQUESTE DISSABTE 12 DE MAI 

Las aderentas e los aderents de l'Institut d'Estudis Occitans-Aude son convidats a l'Amassada generalade l'associacion per aquesta annada 2018 que se tendrà a l'Ostal Sirventés(79, la Trivala a Carcassona) aqueste dissabte 12 de maia comptar de 9 oras e mièja del matin.

Una Amassada Generala es totjorn un temps fòrt de la vida d'una associacion. L'es d'autant mai per l'IEO-Aude amb un foncionament purament militant dempuèi lo 1èr de genièr e un cambiament de direccion aprèp l'AG de 2017 e lo primièr CA de 2018.

L'es d'autant mai dins un moment ont la regionalizacion novèla a menat a una redefinicion del ròtle de las seccions departamentalas e regionalas de l'IEO, ont avèm una estructura – l'Ofici Public de la Lenga Occitana – per seguir (a son biais) los afars occitans e ont lo Departament trabalha sus un esquèma per l'espandiment de nòstra lenga e de nòstra cultura.

Mai sèm, mai sèm fòrts per soscar, prene decisions e obrar. Alara, comptam de vos véser dissabte de matin a l'Ostal Sirventés.

Ajustarem, per las e los qu'an pas encara renovelat l'escotisson per 2018, qu'es bravament lo moment d'i pensar e aqueles que benefician de l'accion de l'IEO-Aude (recepcion de la letra quotidiana vià Internet Jornalièr Audenc per exemple,…) lor i es pas interdit de nos rejónher 

-----------------------

Per nos contactar :
Ostal Sirventés :
ostal.sirventes@wanadoo.fr ; ieo11@ieo-oc.org
04 68 25 19 78
occitan-aude.over-blog.com
Adreiça novèla : IEO-Aude BP 51042 11860-Carcassona Cedex