Overblog Suivre ce blog
Editer l'article Administration Créer mon blog
occitan-aude.over-blog.com

UNA SETMANA EN CABARDÉS

16 Janvier 2016 , Rédigé par Mirelha

UNA SETMANA EN CABARDÉS

Dos rendètz-vos se crosan e se fan responsa en Cabardés entre lo dimars 19 de genièr e lo dimenge 24 de genièr : las Ivernalas e las Ampelofoliás.

IVERNALAS DE CABARDÉS : Paraulas de gigants

Del 19 al 23 de genièr, l'Institut d'Estudis Occitans-Aude e lo Servici Cultural de Puègnautièr vos propausan tres datas e quatre rendètz-vos per celebrar la lenga d'Òc e lo terrador, en direccion de totes los publics, joves e adultes, gens d'aicí et gens d'endacòm mai : las Ivernalas de Cabardés per se rescaufar amb los mots e los gèstes occitans.

• primièr rendètz-vos, lo dimars 19, a Argon (18h30, Ostal de Cabardés), l'Estanquet mesadièr de Fasètz la Lenga en Cabardés serà animat par Mirelha Braç, autora de l'obratge culinari « Afogassets & Trufariás » (ed. Letras d'Òc) www.letrasdoc.org/liv-Afogassets_e_trufariás-88-0-0-0-0.html. Parlarà en detalh de la cosina de la trufa negra.

• segond rendètz-vos, lo dimècres 20 de genièr, a Puègnautièr (sala Na Loba, 18h30) amb Ives Seguièr e unes contes pel jove public (a comptar de 6 ans) e per totes, Estève e los gigants : « Un jove gigant va veire la mameta per li desirar un bon aniversari. En camin, vira las paginas del Libre dels gigants e ne tira contes, contairòlas e cançons. Un conte interactiu en francés e occitan ».

• Lo dissabte 23 de genièr, a Puègnautièr, las Ivernalas coneisseràn dos temps.

* D'en primièr, a 19h (sala Na Loba), Arnaud Cance e Ives Durand balharàn lor spectacle de contes e de cants : « Tè tu ! Tè ieu ! » http://www.sirventes.com/index.php?/contes/yvesdurand.html. Long d'una ora, los dos complicis se panan la paraula a biti e a biò, a tu e a ieu, en francés e en occitan, dins una creacion originala que torna vistalhar los contes e los cants populars lengadocians, amb los ajusts pertinents dels dos companhs. Se tornarà trapar amb fòrça plaser los dos artistas descobèrts e estimats dins d'espectacles diferents dins las edicions passadas de Fasètz la Lenga.

* A 20h30, seguirà (sala de la Tor) una taulejada conviviala, organizada en ligason amb las Ampelofoliás de Cabardés. A l'entorn d'un gostós plat occitan (un brave pol al vin !), se tastaràn los vins de Tursan http://www.vigneronslandais.com/index.php, convidats de l'edicion 2016 de las Ampelofoliás.

* Las Ivernalas, costat practica :

- dimars 19 : dintrada liura ; participacion als fraisses del sopar (7 €)

- dimècres 20 : participacion liura

- dissabte 23 : espectacle : 5 € ; sopar : 15 € (sus reservacion : 04.68.25.19.78 o ieo11@ieo-oc.org; tarifa especiala espectacle + sopar : 18 €

Las Ivernalas de Cabardés son une iniciativa de l'Institut d'Estudis Occitans-Aude e del Servici Cultural de Puègnautièr. An lo sosten del Conselh Departemental d'Aude e comptan sus la participacion e l'ajuda de las Ampelofoliás de Cabardés, la Calandreta de Carcassona, lo Cercle Occitan del País de Carcassona e Fasètz la Lenga en Cabardés.

LAS AMPELOFOLIÁS DE MAI EN MAI BÈLAS

Fèsta dels vins de Cabardés e de la trufa negra, las Ampelofoliás de Cabardés http://ampelofolies.over-blog.com se debanan ongan sus tres jornadas del divendres 22 al dimenge 24 de genièr.

• Se dobriràn a Montoliu www.montolieu-livre.fr/ lo divendres (18h30) amb de lecturas sul tèma del vin que faràn omenatge a l'escrivan Joan-Glaudi Pirotte https://fr.wikipedia.org/wiki/Jean-Claude_Pirotte mòrt en 2014 e qu'animèt lo Vilatge del Libre fa quauquas annadas.

• Pel dissabte 23, es ja tròp tard per ongan per se marcar al talhièr-cosina de la trufa animat per la Mirelha Braç e vos avèm presentat çai-sus la serada amb espectacle e repais en ligason amb las Ivernalas.

• Dimenge 24, es lo jorn bèl a Mossolens (de 9h30 à 17h) : grand mercat del terrador (amb un taulièr de libres de l'IEO-Aude, ont Mirelha Braç signarà Afogassets & trufariás), concors de recèptas trufadas, concors de poda, jòcs e animacions pels enfants, vesita de la glèisa, musicas (amb Tarabastar https://www.facebook.com/Tarabastarfanfare/ per faire ausir las sonoritats occitanas), entrepans trufats, vesita del Conservatòri truficòla, demostracion de cèrca de trufas, tasta de vins (Cabardés, Tursan) e, a doas oras e mièja del vèspre, un còp de fusilh anonciarà la dobertura del mercat bèl de las trufas negras !

Partager cet article

Repost 0

Commenter cet article