Overblog
Suivre ce blog Administration + Créer mon blog
occitan-aude.over-blog.com
Articles récents

LO TEMPS DE LAS CERIÈRAS

5 Mai 2021 , Rédigé par Mirelha

LO TEMPS DE LAS CERIÈRAS

• 2 concèrts de Nadau a Esperasan, lo dissabte 22 e lo dimenge 23 de mai.

Totas las entresenhas :

https://www.ladepeche.fr/2021/05/02/pas-un-mais-deux-concerts-de-nadau-les-22-et-23-mai-a-esperaza-9521272.php

 

• RENDÈTZ-VOS OCCITANOCATALAN A PUÈGVERD PEL DILUNS DE PENTACOSTA

Cants e poesia d’Occitania e de Catalonha vos balhan rendètz-vos a Puègverd per aqueste diluns de Pentacosta (24 de mai) al Musèu de Quercòrb amb Paulina Kamakina e lo Carola Ortiz trio.

Al Musèu de Quercòrb, l’associacion La Claranda (en partenariat amb l'Institut d'Estudis Occitans-Aude quetendrà un taulièr de libres e prendrà part als escambis amblo public) vos prepausa un temps de respiracion amb un rescontre dins lo vergièr de l’establiment. Poiretz, a cinc oras del vèspre, escotar las lecturas de la poetessa occitana, Paulina Kamakin aabans lo recital del Carola Ortiz triò.

Aqueles moments marcan lo rescontre de doas femnas, lo rescontre de doas lengas e de doas culturas cosinas (l’occitana e la catalana) e l’expression de poesias contemporanèas femininas e feministas.

A cinc oras, Paulina Kamakina posarà tèxtes dins son antologia« Paraulas de Hemnas ». A la mièja, un moment d’escambis amb lo public vos balharà la paraula. A 6 oras, plaça a Carola Ortiz que presentarà sas creacions e sa mesa en musica de poèmas d'escrivanas catalanas en teissent un univèrs que mescla melodias miègterranèas, musicade cambra, percussions, ritmes folclorics e unas armonias de jazz.
Las consignas sanitàrias en vigor seràn respectadas ; en consequéncia, lo nombre d’espectators es limitat : val mai reservar04.68.74.38.05 o resa@laclaranda.eu(tarifa: 12€ / 8€ redusit / res-non-còsta pels- de 15 ans ; replegament jol cobèrt se plòu)

• Aquesta manifestacion artistica serà presentada dins l’emission Als 4 Ventsde RCF-País d’Aude, difusada lo diluns17 de mai (11h30) e lo dimars18 (19h30), dins un entreten amb LisFrendo (La Claranda).

• Ne saber mai :

- organizacion del 24 de mai : https://laclaranda.eu/programmation/36/concert-et-lectures-entre-poesies-feminines-catalane-et-occitane 

- Carola Ortiz : https://carolaortiz.com

LO TEMPS DE LAS CERIÈRAS
Lire la suite

SASINA DEL CONSELH CONSTITUCIONAL

25 Avril 2021 , Rédigé par Mirelha

SASINA DEL CONSELH CONSTITUCIONAL

 

Es malurosament sens suspresa qu'avèm apresa la sasina del Conselh Constitucional per un seissantenat de deputats de la majoritat En marcha, butats pel ministre de l'Educacion, aprèp l'adopcion per l'Amassada nacionala de la lei per la proteccion patrimoniala de las lengas regionalas e lor promocion.

La nauta autoritat dispausa de tres meses per rendre son verdicte : validar lo tèxte dins son entièr o invalidar unes articles.

Los promotors de la lei e las associacions occitanas esperan que l'instància constitucionala sauprà rebutar lo recors per respondre atal al vòte clar dels parlamentaris e a la larja demanda populara formulada per sortir França de son agach fregeluc e despassat sus l'expression de las lengas de França e sus la biodiversitat culturala.

L'IEO-Aude convida aderentas e aderents, amigas e amics de s'associar a las accions que mancarà pas de metre en plaça lo Collectiu Per Que Visquen Nòstras Lengas.

 

* Un Als 4 Vents sus la lei Molac

• Sus RCF-Pays d’Aude :

- Als 4 Vents : cada setmana, una emission occitana de 25 minutas : lo diluns, 11h30 ; redifusion : dimars, 19h30 sus RCF-Pays d’Aude : Carcassona : 103 ; Castèlnau d’Ari : 89,3 ; Lesinhan : 103 ; Limós 87,7 ; Narbona : 98,2 : St-Peire de la Mar : 98,2 ;

o mercé a https://rcf.fr/programmes/programme/RCF11

Emission de tornar trapar en podcast :https://rcf.fr/vie-quotidienne/als-4-vents

Aqueste diluns 26/04 : Lo vòte del dijòus 8 d’abril

- Rendut-compte de la jornada

- Communiqué de Paul Molac

- Reaccions d’Occitania al vòte de la lei.

- Illustracions musicalas en : breton (Gavoten Paul Molac), basc (Hegoak, per Vox Bigerri), còrse (Parlemu corsu), catalan (Maria del Mar Bonet) e occitan (La Talvera).

- L’emission es represa sus Ràdio-Lenga d’Òc-Narbona : lengadoc.eu

Lire la suite

DIJÒUS 8 D’ABRIL UNA DATA ISTORICA PER L’OCCITAN E PER LAS LENGAS DE FRANÇA

11 Avril 2021 , Rédigé par Mirelha

DIJÒUS 8 D’ABRIL

UNA DATA ISTORICA PER L’OCCITAN

E PER LAS LENGAS DE FRANÇA

 

L’IEO-Aude exprimís son contentament aprèp l’adopcion de la proposicion de lei per la proteccion patrimoniala de las lengas regionalas e lor promocion, portada pel deputat breton Paul Molac.

L’associacion merceja grandament las doas deputadas e lo deputat d’Aude qu’an balhat un vòte favorable e confòrme al tèxte votat pel Senat. An sauput respondre a las demandas dels ciutadans e del territòri e s’opausar a l’atituda negativa e a la marrida fe del ministre de l’Educacion e de lor formacion politica. Na Hérin es intervenguda lo 31/03 a la sesilha de la Comission Cultura e En Perea a la sesilha plenièra.

En ligason amb las associacions occitanas e lo collectiu Per Que Visquen Nòstras Lengas, l’IEO-Aude a pres sa part a la mobilizacion e a la mediatizacion :

- relacion amb los elegits : corrièrs e escambis amb los deputats long del procèssus ; rendètz-vos vidèo conjunt amb Calandreta amb Na Hérin ; proposicion de corrièrs personals de mandar als elegits.

- mandadís d’una letra d’informacion quotidiana PQVNL-IEOAudedempuèi lo 17 de març, al rasal del Jornalièr Audenc.

- crida (seguida) a la participacion al clip de l’umorista breton Simon Cojean : Daissa-nos parlar Joan-Miquèl(de veire : https://www.youtube.com/watch?v=fCLYA8YemgA&t=312s).

- distribucion del papafard Sauvons les pingouins et les baragouins a la manifestacion per la Lei Climat (dimenge 28 de març).

- mediatizacion : articles dins La Semaine du Minervoise Le Petit Journal de l’Aude ; entrevistas sus : Ràdio-Lenga d‘Òc-Narbona, Ràdio-Lenga d’Òc-Erau, RCF-Pays d’Aude : (https://www.facebook.com/watch/live/?v=2863453720591239&ref=watch_permalink)

L’IEO-Aude merceja tanben los Conselhs municipals d’un vintenat de comunas del departament que, dempuèi decembre, an votat una mocion de sosten per l’ensenhament de l’occitan al licèu (http://www.felco-creo.org/01-12-20-des-elus-locaux-sengagent-contre-la-reforme-des-lycees/).

Lo vòte d’aqueste dijòus es una plan bona causa, mas lo cal tradusir ara dins la realitat. Cal comptar amb la promulgacion, un possible recors al Conselh Constitucional, las pressions de faire per la signatura de Convencions Estat-Region per l’ensenhament, las mesas en practica al nivèl departamental (amb mai de concretizacions de l’Esquèma departamental) o local,… Sèm pas al cap del camin,mas sèm en camin !Cal contunhar de demandar e d’obténer laratificacion de la Carta europèa.

L’IEO-Aude compta sus sas aderentas e sos aderents e sus totas las amigas e los amics de la lenga d’Òc per obrar a una preséncia dinamica de la lenga e de la cultura occitanas dins la vida vidanta de la societat. L’IEO-Aude acompanharà totas las iniciativas dins aquel sens e serà al rendètz-vos (coma sapièrem metre sus pè las manifestacions Anem Òc !De 2005 e 2009).

Per l’ora, vos convidam a festejar lo vòte d’aqueste dijòus 8 d’abril amb un còp a beure… virtual.

Lire la suite

Teatre en occitan en viu ! / Théâtre occitan en direct

30 Mars 2021 , Rédigé par Mirelha

EVENIMENT EN VIU : SEGUISSÈTZ UNA REPRESENTACION
D’ISTÒRIAS  DEMPUÈI VÒSTRE OSTAL

La companhia de teatre TIO-La Rampa e Piget-Films presentan una difusion en dirècte d’un eveniment en viu dempuèi lo local de la tropa, aqueste divendres 9 d’abril, a 8 oras e mièja del ser, una representacion d’: ISTÒRIAS

Comedia filosofica per omenets e femnòtas a comptar de6 ans e tanben per totes.

D’aprèMiche et Drate - Paroles blanches” de Gérald Chevrolet (Ed. Théâtrales-Jeunesse) -Adaptacion en Òc per Alan Roch-Direccion d'actors : Felip Cure.

La pèça es jogada per Viviana Allocco e Gèli Buonomò

Per ne saber mai : https://occitanica.eu/items/show/21750

Perseguir l’espectacle, connectatz-vos mercé al ligam seguent :

https://m.facebook.com/larampetio

Pour suivre la représentation, connectez-vous au compte facebook, de La Rampe-TIO. (avec ou sans compte Facebook)

Lire la suite

LEI MOLAC CRIDA DE L’IEO-AUDE A LAS AUDENCAS E ALS AUDENCS/ Loi Molac à l'Assemblée

23 Mars 2021 , Rédigé par Mirelha

LEI MOLAC

CRIDA DE L’IEO-AUDE
A LAS AUDENCAS E ALS AUDENCS

 

Lo dijòus 8 d'abril vendrà en discutida e en segonda lectura a l'Amassada nacionala, la proposicion de lei portada pel deputat breton Paul Molac, lei relativa a la proteccion patrimoniala de las lengas regionalas e a lor promocion.

Lo tèxte prevei unas avançadas sus la senhaletica, la legalizacion dels pichons noms en lenga regionala e unas mesuras positivas per l'ensenhament de las lengas.

En 2019, nasquèt lo collectiu Pour Que Vivent Nos Langues, federator de las energias d'un quarantenat d'associacions de promocion de las lengas de França. La demanda del collectiu es de véser lo tèxte adoptat definitivament dins la version votada al Senat.

En primièra lectura, lo ministèri de l'Educacion faguèt tirar los articles qu'anavan dins lo sens d'un renfortiment de las proposicions d'ensenhament de las lengas, alara que sa politica va puslèu bravament al contra, coma ba mòstra lo demesiment d'efectius dins lo segondari en seguida de las refòrmas dels licèus e del bachileirat.

Pr'aquò, l'Institut d'Estudis Occitans-Aude convida las Audencas e los Audencs de demandar per corrièr o per corrièl a las doas deputadas e al deputat del departament d'èsser presents lo 8 d'abril dins l'emicicle per balhar un vòte positiu a la proposicion (cf article precedent). Podètz tanben signar la peticion mesa en linha pel collectiu PQVNL (http://chng.it/Q8jLXh7nZh).

Un articlòt dins la Constitucion que ditz : « Les langues régionales appartiennent au patrimoine de la France. », mas que balha cap de dreits als ciutadans e cap d'obligacion a l'Estat sufís pas. 

Òc, es ora que França sortigue de son refús de reconeissença vertadièra e dinamica de las lengas de sos territòris, lengas e culturasque son a l'encòp unas riquesas isto-ricas e linguisticas, mas tanben un enjòc bèl d'una vertadièra democracia culturala reconeguda internacionalament siague per la Carta europèa de las lengas minoritàrias o per l'UNESCO.

Audencas, Audencs, un còp de mai : Anem òc per la lenga occitana !

• La lei explicada d'un biais mai risolièr : gaitatz la vidèo de l'umorista breton Simon Cojean : https://www.youtube.com/watch?v=fCLYA8YemgA&t=312s

Lire la suite

Escriure als deputats / Loi MOLAC pour les langues régionales

17 Mars 2021 , Rédigé par Mirelha

PER LA LEI MOLAC, VOS CAL ESCRIURE ALS DEPUTATS AUDENCS

Per que lo vòte de la lei Molac que conten mesuras positivas per las lengas de França siague efectiu lo dijòus 8 d’abril que ven e per que lo govèrn fague pas passar lo refús dels articles fòrts, l’IEO-Aude vos convida a interpelar los elegits audencs e vos propòsa dos exemples de corrièr (una version longa e una version corta) que podètz personalizar.

Mandatz vòstre tèxte

- siá per corrièr :

Danièle Hérin 2 Rue Barbès 11000 Carcassonne
Alain Péréa 5 quai Vallière, appt 4 11100 Narbonne
Mireille Robert 90 Rue Saint-Martin 11300 Limoux

siá per mél :

daniele.herin@assemblee-nationale.fr
alain.perea@assemblee-nationale.fr

mireille.robert@assemblee-nationale.fr

a) version corta

M. lo deputat, /Dòna deputada,

Compti sus vòstra preséncia dins l’emicicle lo dijòus 8 d’abril per votar dins l’estat arrestat pel Senat la proposicion de lei en favor de la proteccion patrimoniala de las lengas regionalas que conten mesuras positivas per nòstra lenga, l’occitan.

Amb l’expression de mas salutacions ciutadanas.

M. le député, Mme la députée,

Je compte sur votre présence dans l’hémicycle le jeudi 8 avril pour voter en l’état adopté par le Sénat la proposition de loi en faveur de la protection patrimoniale des langues régionales qui contient des mesures positives pour notre langue, l’occitan.

Avec l’expression de mes salutations citoyennes, 


 

b) version longa

En o Na ………… , 

Preocupat/daper l’expression de la lenga occitanateni a portar vòstra atencion sul vòte previst lo 8 d’abril sus la proposicion de lei de Proteccion patrimoniala de las lengas regionalas que permetrà avançadas per las lengas de França. 

Vos convidam de marcar vòstre sosten e vòstre engatjament per nòstra lenga e nòstra cultura occitanas en prenent part a la sesilha concernida per dire de votar de òc a un tèxte confòrme a la redaccion trasmesa pel Senat.

De mai, vos fasèm part de nòstras preocupacions rapòrt a las refòrmas del licèu e del bachileirat qu’an menat a un demesiment del nombre d’escolans al licèu e de candidat(a)s al bachileirat per las opcions lenga regionala. Cal tornar véser las mesuras negativas e alinhar lo coeficient a l’espròva finala sus lo de las lengas ancianas.

Vos fau part de mas salutacions ciutadanas, 

M. ou Mme……… ,

Préoccupé par l’expression de la langue occitane, je tiens à attirer votre attention sur le vote prévu le jeudi 8 avril concernant la proposition de loi de Protection patrimoniale des langues régionales qui apporte des avancées pour les langues de France.

Nous vous invitons à marquer votre soutien et votre engagement pour notre langue et notre culture occitanes en étant présent lors de la séance concernée afin de voter positivement un texte conforme à celui qui vous a été transmis par le Sénat.

De plus, nous vous faisons part de nos préoccupations quant aux réformes du lycée et du baccalauréat qui ont mené à une diminution des élèves au lycée et candidat(e)s au baccalauréat dans les options langue régionale et demandons de revoir les mesures négatives et l’alignement du coefficient à l’épreuve finale sur celui des langues anciennes.

Veuillez agréer l’expression de mes meilleurs sentiments citoyens,

Lire la suite

ALS 4 VENTS RECAUP PAULINA KAMAKINE

27 Février 2021 , Rédigé par Mirelha

ALS 4 VENTS RECAUP PAULINA KAMAKINE

A l’escasença de la Jornada dels Dreits de la Femna, la cronica Als 4 Ventsdel Cercle Occitan del País de Carcassona, sus RCF-País d’Aude, reçauprà aqueste diluns 8 de març Paulina Kamakine https://escolagastonfebus.com/paulina-kamakine/, poetèssa e autora de l’antologia de la poesia feminina occitana contemporanèa Paraulas de hemnas(ed. Reclams, tòme 1, 2020 ; http://www.reclams.org/fr/catalogue/nouveautes/produit/124-paraulas-de-hemnas) : retrach de l’autora, istoric de l’antologia, lectura de poèmas s’encadenaràn.

- D’escotar : aqueste diluns 8 de març, a 11h30 (redifusion : dimars 9, a 19h30)Carcassona : 103 ; Castèlnau d’Ari : 89 ,3 ; Lesinhan : 103 ; Limós 87 ,7 ; Narbona : 98,2 : St-Peire de la Mar : 98,2 ; https://rcf.fr/ecouter/RCF11e de tornar trapar puèi en podcast :https://rcf.fr/vie-quotidienne/als-4-vents

 

NOVÈLAS DE MEDÒC

La setmana seguenta (diluns 15 de març, a 11h30 ; redifusion : dimars 16, a 19h30),Als 4 Ventsreçauprà Ian Lespotz per presentar son libre Presqu’îles(edicions Agullo ; http://www.agullo-editions.com/new-index#presquiles) que recampa un trentenat de novèlas que se debanan en Medòc e per parlar de sas lecturas de romans negres.

ALS 4 VENTS RECAUP PAULINA KAMAKINE
ALS 4 VENTS RECAUP PAULINA KAMAKINEALS 4 VENTS RECAUP PAULINA KAMAKINE
Lire la suite

L'Almanac occitan de Quercòrb de 2021

10 Février 2021 , Rédigé par Mirelha

L'Almanac occitan de Quercòrb de 2021

• Presentacion :

 L’Almanac occitan de Quercorb de 2021, realizat e publicat pel Cercle occitan de Quercòrb.

Cent paginas format A4 amb sa tièra de contes, de tèxtes de cançons, de recèptas de cosina (caçolet oriental, soccà, anchoiada, còca chocolat-pèra, dentilhada, mongetada de l’Avelhante, delici a las pomas, forma d’Ambèrt, bonheta de merluça a la portuguesa), bèstias de la contrada (l’eriç, lo singlar, lo taisson), los insèctes, punts de lenga, punts de vista, dessenhs umoristics, los sants,…

Lo grop de realizacion compren : Lidia Bastié, Patric Brabo, Raimonda Chopineau, Avelhana Cumming, Maria-Francesa Cuxac, Silvia de Angelis, Francés Gonse, Sòfia Jacques-Serrano, Ugueta Plantié, Mariana Salon. Amb un còp de man del Joan-Miquèu Espinasse, de Joan-Pèire Pardò, d’Alan Roch, del Cercle occitan d’Esperasan…

 
• Lo comandar : 10 € (+ 3 € de mandadís).
- Comandar al cercle Occitan d’Eissalabra o a IEO-Aude (BP 51042 11860-Carcassona Cedex. Pòrt a gràtis a comptar de 3 exemplars)
 
• A la ràdio :

• Sus RCF-Pays d’Aude, 

- Als 4 Vents : diluns 15 de febrièr, 11h 30 ; redifusion : dimars 16 de febrièr, 19h30 : En virant las paginas de l’Almanac de Quercòrb de 2021

(l’emission se pòt puèi escotar en pòdcast : https://rcf.fr/vie-quotidienne/als-4-vents )

sus : Carcassona : 103 ; Castèlnau d’Ari : 89 ,3 ; Lesinhan : 103 ; Limós 87 ,7 ; Narbona : 98,2 : St-Peire de la Mar : 98,2

• Dins la premsa : Article dins L’Indépendant (07/02/21)
L'Almanac occitan de Quercòrb de 2021
Lire la suite

Un conte ecologic : L'Oliu del giratòri

3 Février 2021 , Rédigé par Mirelha

Un conte ecologic L’Oliu del giratòri

La narbonesa Annick Jahan a escrit un conte ecologic en francésL’olivier du rond-point, un libre, publicat a las edicions L’An Demain, que s’adreiça mai que mai als 9-12 ans mas tanben a totes los que s’interèssan al sòrt dels olius transplantats. Lo libre es disponible tanben dins una version anglesa e, ara, dins la version occitana L’oliu del giratòri, mercé a la revirada de Mirelha Braç e Alan Roch (IEO-Aude).

En 24 paginas, dins un format carrat (21x21 cm), amb d’illustracions (dessenhs de Paul Reig e aqüarèla de Cecília Puig), seguissèm las aventuras de Pablo(es lo pichon nom de l’oliu andalós que li arriba, un còp l’autre, de daissar escapar unes mots dins sa lenga mairala).

« M’an plantat aicí al mièg d’aquel giratòri ont milierats de veiculs de tota mena se preissan en grand tarabast, en redond, s’agís d’una ronda ? Curiosa ronda ! Sonòra, bronzinanta e que pudís… Mon exili… aqueste cercle de missanta tèrra ont los òmes vestits de jaune fluò an escampat, d’aquí entr’aquí, unis blòcs de pèira que fan mina de me protegir de las veituras calugas e retenon coma pòdon lo sòl a mas rasigas. » 

I agèt lo viatge ont los olius promeses a se ganhar una copa bonsaï dins las jardinariás crosavan los camions d’avets d’Escandinavia venguts « festejar » Nadal : « Jol pretèxte del rescalfament climatic, un fum d’espècias vegetalas, e de còps animalas, se tornan trapar dins unes endreitsont procuran l’exotisme recèrcat. Atal, una franja de palmièrs servís de totèm exotic al centre del jardin d’una ostalariá bèla dins una província alemanda ». Los emplegats de la Comuna, amb lor malhòt jaune (« lemons sus patas »), li fan plan de misèrias. Crenta la ventòrla e demanda a sa passatgièra clandestina, una migala, d’anar véser endacòm mai.

Es qu’aquel drollet que passa amb son amic a bicicleta, que s’arrèsta, qu’ensaca sas olivas e que vòl faire venir son papeta, un especialista de la preparacion de las olivas de taula, lo poirà salvar e lo tirar d’aquel giratòri sens èime ?

• Se pòt comandar lo libre a : IEO-Aude BP 51042 11860-Carcassona Cedex : 10 € (+ 3 € de pòrt)

Un conte ecologic : L'Oliu del giratòri
Lire la suite

MAX ROQUETA, LO PRINCE DE LAS ÈRBAS LENTAS en visio conferéncia

27 Janvier 2021 , Rédigé par Mirelha

MAX ROQUETA, LO PRINCE DE LAS ÈRBAS LENTAS

L’IEO-Aude e l’Espaci Gibèrt vos convidan a seguirla visioconferéncia(dempuèivòstreostal, susstre ordenador) :

"Max Rouquette, prince des herbes lentes

Max Roqueta, prince de las èrbas lentas "

presentada per JosianaUbaud 

aqueste divendres29 de genièra 6 oras e mièja del vèspre

(se cal pas connectar abans aquesta ora)

Lnumèro per seguir l’acamp Zoom es 521 548 77 15. Devètz aperabans telecargar l'aplicacion zoom mercé al ligam https://zoom.us/

Aquesta conferéncia èra prevista per la fin de setembre, en ligason amb la presentacion de la mòstra de fotografias del Jòrdi Souche « Max Roqueta-Lo Secret de l’Èrba »http://www.georges-souche.com/series-projets/secret-de-lherbe/

 

* Presentacion de la conferéncia :

MAX ROUQUETTE, PRINCE DES HERBES LENTES 

MAX ROQUETA, PRINCE DE LAS ÈRBAS LENTAS

En parlant de las plantas, èrbas e arbres, Max Roqueta canta los espacis mediterranèus. De l’èrba lmai pichinèla a l’arbre lo pus bèl, cadun e caduna trapa plaça dins son grand teatre de verdura, dins son verd paradís.

Es una òda per la saba escura, a la caparrudisa de las èrbas lentas, a la volontat misteriosa de vida tanplan de las rasigas del falabreguièr grandàs coma de la bauca umila, a la paciéncia inalterabla de las plantas e de las pèiras fàcia al temps que va e ven.

Son agach atentiu a saput transcrire d’un biais poetic unes faits rigorosament scientifics : d’aquesta vertat fonsa, la Josiana Ubaud se ne fa la pòrta-paraula.

Madame, Monsieur,

L’IEO-Aude et l’Espace Gibert vous invitenà rejoindre la visioconférence (depuis votre domicile, sur votre ordinateur) "Max Rouquette, prince des herbes lentes" présentée par Josiane Ubaud ce vendredi 29 janvier à 18h30 (ne pas se connecter avant cette heure)
Le numéro pour suivre la réunion Zoom est 521 548 77 15.
Vous devrez au préalable télécharger l'application zoom via le lien https://zoom.us/

MAX ROQUETA, LO PRINCE DE LAS ÈRBAS LENTAS en visio conferéncia
Lire la suite
<< < 1 2 3 4 5 6 7 8 9 10 20 > >>