Overblog Suivre ce blog
Administration Créer mon blog
occitan-aude.over-blog.com

Articles récents

Primièra setmana de la quinzenada « Fasètz la Lenga en Cabardés-2017 » / Première semaine...

27 Février 2017 , Rédigé par Mirelha

Primièra setmana de la quinzenada
« Fasètz la Lenga en Cabardés-2017 »

Lo dimars 21 de febrièr, inauguracion de la Quinzenada : la novèla placa en occitan a Mossolens (cada annada, una placa novèla es inaugurada : « Placeta de l'Escòla » ) ; los discorses, la corala « Cossí que siaga » e, aprèp-sopar, lo Renat Sette nos contèt, a son biais, l'istòria de Pinocchio. (http://rene.sette.free.fr/RSWAC/popup.html)

Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...

Lo dimècres 22/02, a Argon, un cantaire dels melhors d'Occitania (e ne mancam pas !) : Eric Fraj que balhèt un recital de primièra, sens gaireben parlar francés (normal, non ? Sèm dins la quinzenada de la lenga...). Emocion, sorires, qualitat, calor, tot i èra e lo public ne tornava demandar !

http://www.lecamom.com/eric-fraj/

Primièra setmana de la quinzenada « Fasètz la Lenga en Cabardés-2017 » / Première semaine...

Dijòus 23, a Ventenac de Cabardés, preparacion de las aurelhetas e la telé regionala nos filmèt !

La corala faguèt una pichona repeticion.

 

Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...

Divendres 24 a Puègnautièr dins la polida sala Na Loba (qu'inspirèt tant lo trobador Pèire Vidal), la pèça de teatre « Moi, Gaston Dominici , assassin par défaut », en francés (pauc) e en occitan de Provença, jogada pel Théâtre de la Médierranée, creada e jogada (entre autres) per André Neyton, en patriaca autentic.

http://www.theatremediterranee.fr

Primièra setmana de la quinzenada « Fasètz la Lenga en Cabardés-2017 » / Première semaine...

Dissabte 25, la fèsta dels 20 ans de la Quinzenada : pichons e grands an jogat e dançat e l'Alèm Surre-Garcia resumèt tres mila ans d'istòria en una ora !

https://www.youtube.com/watch?v=vZCziW0B2RU

Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...

Dimenge 26, plaça al talhièr-cosina annual de la Quinzenada : al menut :

Lesquetas de lard de Colonatta, trufadas, Banha-cauda, pissaladièra al ton, mufinets a la ceboleta, pasta d'aseròlas. Las recèptas van venir dins un autre article.

Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Primièra setmana de la quinzenada « Fasètz la Lenga en Cabardés-2017 » / Première semaine...
Lire la suite

E anèrem escotar Nadau a Pau !

21 Février 2017 , Rédigé par Mirelha

Aqueste dissabte 18 de febrièr, partiguèrem a 54 (mai lo menaire) de Carcassona, endacòm entre Cap'Cinèma e lo Crèdit Agripaire. Montèrem dins lo carri burèl de l'entrepresa Couchouron. Tot lo monde èra a l'ora per partir : sulcòp de 11h19 (per èsser precís).

Faguèrem una pausa sus un airal d'autorota, mas èra pas encara l'ora de sortir la saqueta. Recuperèrem tres collègas a un vira-l'ase a la dintrada de Tolosa. E fai tirar ! Arrèst a l'airal de Volvèstre per manjar assetats sus de pèiras o dreits que la societat d'autorota pensa pas que i age tant de monde a se voler manjar lo crostet. Los Narboneses mostrèron l'entrainament bèl qu'an, amb l'organizacion de lor saqueta mesadièra, sens parlar de la Còca dels Reis. Ieu, m'acontentèri d'un entrepan a la salsissa (amb de mostarda), un entrepan al formatge de La Guiòla (amb tres fuèlhas de doceta), un tròç de quicha (plan quichada), una poma e doas clementinas amb un còp de vin (lo roge dels jogaires de l'ASC XIII).

A l'airal de Comengés, cambièrem de menaire : lo Regís remplacèt lo Cedric e comuniquèt amb los passatgièrs dins la lenga oficiala de l'autobús : l'occitan.

A Juranson, agèt dreit al grand jòc de passar per caminòts estequits amb lo Joan-Bernat Larrieu alertat per telefonilhet per servir de peis-pilòta.
Arribèrem a la cava. A l'entorn, i aviá tièras de branquetas magrinèlas amb d'èrba de pertot, sostengudas per de fials. Lo proprietari ensagèt de nos faire creire qu'aquò èra una vinha. Coma sèm braves, faguèrem mina de lo creire e dobriguèrem plan las aurelhas per comprene sas explicas en bearnés suls tres costals de Juranson, l'exposicion al solelh, la qualitat del sòl, lo biais de vendémiar (a la man, que las maquinas sabon pas encara causir gran per gran !!!), …

Se passèt enfins a las causas seriosas : la tasta dels vins acompanhats d'afogassets (cambajon ; salmon – un bravonet qu'aviá trapat lo biais e la fòrça de tornar al país ; formatge del país ; fetge gras — tant que demorarà un tiron al país !). Se passèt dels Juransons secs als vins umoroses (doces, se l'adjectiu vos va melhor). Se notèt que lo nom de las tinadas son (plan logicament) en lenga nòstra e que las etiquetas son en doas lengas : pas francés-anglés coma apr'aicí mas francés-occitan !

Se passèt a taula que la garbura esperava. Me demandèri que, coma èrem 65 (un grop de 7 Grussanòts-Narboneses èra arribat de son costat) (èsser 65 en 64, dangièr : Bigordans e Biarneses son los melhors amics del monde !). Bon, coma èrem 65, per aver lo bon compte de las cuèissas, s'èra calgut sacrificar un tiron unicambista ? Lo vin aviá virat al roge e s'èra transformat en Madiran, mas degun faguèt pas chabròt. Seguiguèt lo pastís gascon que semblava un pauc escana-crestian, mas que de fait èra mofle e davalava plan pel gargalhòl. D'unes rajustèron lo cafè e la gota (al punt de ne pèrdre la berreta !).

Èra ora de davalar sus Pau (e la larjor dels caminòts aviá pas cambiat !). La dificultat novèla èra que lo bus tocava pel sòl amb totas las cantinas crompadas e clavadas dins la mala (un pauc coma lo numèro de Padena amb lo club del tresen atge que fa la virada de las cavas de Corbièras !).
Arribèrem al Zenith. Nos balhèron de papièrs sus Messmer (pas lo ministre vièlh, mas un magician) e suls Harlem Globe-trotters, mas tanben unes pega-solets de Nadau.

Aprèp los contraròtles costumièrs, se dintrèt dins la sala del Zenit comola coma un uòu (calguèt un caochoc coma per la boèta de sièis uòus de la mameta per faire dintrar tot aquel monde dins l'amfiteatre — e òc, ne sabi de mots complicats — de 3000 plaças).

Una banda montèt sus l'empont e se metèt a tustar suls tamborns. Apuèi, arribèt lo Jan de Nadau, l'acordeon al braç, e amb tota sa freta. Encadenèt pendent doas oradas cançons conegudas e novèlas. A un moment, i agèt un sosten del SC Bastià que venguèt cantar l'Ofelia en còrse e que metèt dins lo roge la sòno. Sèrgi Cabòs imitèt pas lo bruch atissaire de la 205 turbò. Un torn de valsa amb la Ninon ! Los aplaudiments bèls saludèron lo torn de cant, standing ovation, rampèl e tot aquò ! E benlèu que serem sul DVD que se montarà a partir d'aquelas doas seradas de recital.

Demorava una mièja-oreta a passar dins l'entrada al son de la banda, a manjar un sieton preparat per las Calandretas de l'endreit, a beure Juranson (per saupre se càmbia de gost segon l'ora del jorn o de la nuèit), a crompar un camisòt Adishatz !, a crosar coneissenças : la Catarina, la Florença e lo Joan (e òc, lo Joan Lassala èra dins la sala, mas pas lo Franceson qu'èra demorat a la Comuna a jogar a pila o crotz : « i vau o i vau pas ? »), benlèu a sarrar la man al Miquèl (e òc, lo Jan se ditz per de bon Miquèl…).

Caliá tornar prene lo carri e lo Zenit a la bona idèia de se trapar just prèp de la dintrada (o de la sortida depend del sens ont vas) de l'autorota. Mas, dins Pau, òm se pòt pas pèrdre : los panèus d'indicas rotièras son bilengas (francés-occitan, de segur). Agèrem pas lo temps de nos arrestar a la fèsta de Morlana e lo carnaval biarnés aviá pas encara envasit la ciutat paulina.

Dins lo carri, plan de monde dormissiá — mas, pas lo menaire ! Nos tornèrem arrestar a l'airal de Volvèstre (de l'autre costat) e a 2 oras del matin, i aviá plan mens de monde qu'a una ora del vèspre. Talament pauc que la botiga èra tancada ! Daissèrem los collègas a Tolosa.

A 3 oras 14 del matin, lo carri tornèt al punt de despart. Cap doblidèt de prene sas cantinas de Juranson. Al cap de tres minutas, i aviá pas mai degun. La nuèit aviá tornat espandir son mantèl ensomelhat e embrumat. Aquela jornada se passèt de vertat vertadièra o èra un sòmi ?

Anem, vai : dobrirem la pòrta dab lo pè ! Vam caminar de cap tà l'immortèla : la libertat qu'ei lo camin !

Joan-Uc Ranson

Nòta de la secretària : Auretz pas de fòtos del concèrt que daissavan pas passar los aparelhs per fotografiar, mas daissavan passar los telefonilhets e tot lo monde fotografiava ! Lanci un apèl : qual me va far present d'un super-telefonilhet per far fòtos e, eventualament, telefonar ???

Dins las vinhas de Juranson
Dins las vinhas de Juranson
Dins las vinhas de Juranson
Dins las vinhas de Juranson
Dins las vinhas de Juranson
Dins las vinhas de Juranson
Dins las vinhas de Juranson
Dins las vinhas de Juranson

Dins las vinhas de Juranson

Lire la suite

FASÈTZ LA LENGA EN CABARDÉS

20 Février 2017 , Rédigé par Mirelha

LO VAM DELS 20 ANS

DE FASÈTZ LA LENGA EN CABARDÉS

Fasètz la Lenga en Cabardés festeja los 20 ans d'existéncia de l'associacion amb un programa de qualitat del 21 de febrièr al 4 de març. L'associacion s'apièja sus una Carta per la promocion de l'occitan passada amb las cinc comunas partenàrias : Argon, Mossolens, Puègnautièr, Ventenac de Cabardés e Vilagalhenc.

Los 20 ans seràn especialament marcats per la jornada res-non-còsta del dissabte 25 de febrièr que se debanarà a Ventenac de Cabardés de vèspre : jòcs pels enfants (Ludule), mòstras de joguinas e d'objèctes de fusta, un balèti pels mainatges amb Sors Les Mains d'Tes Poches (17h), una conferéncia sus l'istòria occitana per Alèm Surre-Garcia (17h) e lo concèrt-balèti amb Coriandre (21h).

La dobertura de la manifestacion se farà tre lo dimars 21 de febrièr a Mossolens amb un recital del grop vocal Cossí que Siague (18h) e l'espectacle sus Pinòqui del Renat Sette (21h). L'endeman (dimècres 22), l'Ostal de Cabardés d'Argon aculhirà un recital de l'un dels primadièrs de la cançon occitana modèrna : l'Eric Fraj.

Divendres 24, a Puègnautièr, la pèça « Moi, Gaston Dominici, assassin par défaut » tornarà amb un agach provençal sus aqueste famós afar judiciari.

Dimenge 26, a Vilagalhenc, se poirà descobrir de matin lo biais de preparar una banha cauda e lo vèspre vos passejaretz long de Trapèl.

Lo dimars de ser (28 de febrièr, a Ventenac) serà vertadièrament un Dimars-Gras amb la taulejada que virarà a l'entorn d'una gostosa mongetada animada per Tarabastar.

Dimècres 1èr de març, una quina en occitan se debanarà a Argon. Divendres 3 de març, a Mossolens, Maria-Odila Dumeaux farà dintrar dins lo monde magic dels contes.

Novèla serada de tria per clavar amb la prestacion del grop polifonic nissard Corou de Berra, lo dissabte 4 de març a Vilagalhenc.

 

Tot lo programa çai-jos e sus : http://fasetz-la-lenga-en-cabardes.over-blog.com

Per tota entresenha : 06.31.55.58.57

•• A aqueste numèro : inscripcion obligatòria per la taulejada del 28 de febrièr (15 €)

•••Al 04.68.25.19.78 : inscripcion pel talhièr-cosina del dimenge de matin 26 de febrièr a Vilagalhenc.

Alprèp de dominique.alsina@orange.fr : inscripcion per participar a la fabricacion de las aurelhetas, dijòus 23 de febrièr de vèspre a Ventenac.

•••• Carta d'abonament pels espectacles pagants : 38 €

Las ràdios Ràdio-Lenga d'Òc-Narbona et RCF-Pays d'Aude consacran unas cronicas e emissions especificas a la quinzenada.

 

LO PROGRAMA

dimars 21 de febrièr, Mossolens
18h : estrena ; batejalha de La Placeta de l'Escòla
; sala E-Combes : dobertura oficiala ; recital del grope vocal Cossí que siague
21h, sala E-Combes : espectacle Pinocchio
, per René Sette, 8 €

dimècres 22 de febrièr, Argon, ostal de Cabardès
18h30 : talhièr d'occitan
21h : recital d'Eric Fraj, 8 €

divendres 24 de febrièr, Puègnautièr
18h30, sala de la Tor : talhièr d'occitan
21h, Na Loba : Moi, Gaston Dominici, assassin par défaut pel Teatre de la Mediterranèa, 12 €

dissabte 25 de febrièr, Ventenac, la jornada dels 20 ans, animacions a res-non-còsta : Espaci René-Douce e Distillariá
14h : jòcs pels enfants (Ludule), mòstras (joguinas de Rogièr Fages ; òbras d'Estefan Pandolfo)
17h : balèti-mainatges amb Sors Les Mains d'Tes Poches
17h : conferéncia d'Alèm Surre-Garcia Occitania dins l'istòria
19h : aperitiu-sopar (5 €)
21h : concèrt-balèti avec Coriandre

dimenge 26 de febrièr, Vilagalhenc :
10h, pichon fogal : talhièr-cosina animat per Mirelha Braç : la banha cauda (5 € ; sus inscripcion : 04.68.25.19.78)
13h30, sala polivalenta : rendètz-vos per la passejada : bocla entre Vilagalhenc e Argon amb Patrimònis, vals dels Cabardés. Espertinar-confiments e vin caud al retorn

dimars 28 de febrièr, Ventenac de Cabardés, Espaci René-Douce
19h : taulejada animada per Tarabastar (15 €, sus inscripcion : 06.31.55.58.57)

dimècres 1èr de març, Argon, Ostal de Cabardés :
21h : quina en occitan (10 € los 3 cartons)

divendres 3 de març, Mossolens, sala E-Combes :
18h30 : talhièr d'occitan
21h : Los contes de Maria-Odila Dumeaux, 8 €

dissabte 4 de març, Vilagalhenc, sala polivalenta :
21h : recital de polifonias amb lo Corou de Berra, 12 €

 

 

Lire la suite

Occitan-Occitania als Archius d'Aude / Aux Archives de l'Aude

8 Février 2017 , Rédigé par Mirelha

MILA ANS D'UNA LENGA E D'UNA CULTURA
MÒSTRA E RESCONTRES ALS ARCHIUS DEPARTAMENTALS D'AUDE
14 de febrièr – 30 de junh de 2017)

Aqueste dimars 14 de febrièr a 6 oras del vèspre, als Archius departamentals d'Aude, se farà l'estrena de la mòstra « Occitan, Occitania ».
Aprèp los discorses, los afogassets e los vins del país, lo Mans de Breish cantarà.
La mòstra serà presentada dins los locals dels Archius fins al 30 de junh de 2017 (dobèrta al public del diluns al dijòus de 8h30 a 17h30 e lo divendres de 8h30 a 16h30).

De mai, los Archius departamentals d'Aude, en collaboracion amb l'Institut d'Estudis Occitans (Aude), organizan un cicle de conferéncias, de projeccions de films e de recitals a l'entorn de la mòstra.

La mòstra
Los panèls de la mòstra son presentats en dobla version : francés e occitan.
Lengadòc ièr, « Occitania » uèi : la contrada ten son nom, dempuèi sègles, de la lenga que foguèt seuna, qu'es totjorn seuna. Mas de qué sabèm de l'istòria vertadièra de la lenga d'òc, de sas originas, de son espandiment, dels combats qu’engimbrèt ? Los Archius departamentals d’Aude, amb lo concors de l’Institut d’Estudis Occitans-Aude, convidan a trapar responsas a aquestas questions en vistalhant la mòstra consacrada a la lenga occitana, a sos usatges e als moviments que n'assegurèron la desfensa, dempuèi l'Edat mejana (primièras aparicions dins las cartas de tèrmes occitans als sègles 10-11) fins a las annadas 1970-75 (moviments occitanistas), sens doblidar lo Felibritge. Documents originals, objèctes, afichas, papierons, fotografias e òbras d’art son estats recampats per vosaus per vos faire tornar viure un passat recent o vièlh.

D'un panèl l'autre, la mòstra balha entresenhas sus : lo nom de la lenga ; l'unitat de la lenga ; l'aparicion de l'occitan ; la lenga dins la vida vidanta de l'Edat mejana ; los trobadors ; lenga e religion ; la trilogia latin, francés e occitan ; las restriccions dels ustages de l'occitan (sègles 18 e 19) ; lo reviscòl ; lo Felibritge ; los felibres audencs ; las fèstas felibrencas ; l'occitan a l'escòla : los temps de reconquista ; l'òbra de Renat Nèlli ; Federalisme e regionalisme ; l'occitanisme politic ; lo territòri occitan.
Un catalògue en francés e una brocadura acompanhan la mòstra.

A la ràdio
Los tèxtes dels panèls son represes per l'IEO-Aude dins unas cronicas radiofonicas que se poiràn escotar sus Ràdio-Lenga d'Òc-Narbona (a comptar del 15 de febrièr) e RCF-Pays d'Aude (a comptar de la debuta de març).

Los rescontres, recitals e conferéncias
Vaquí la tièra de rescontres que complètan la presentacion de la mòstra :
- dimars 28/02, a 20h30 : Projeccion del film de Yannick Séguier Le Midi viticole - 2 Des lendemains de la Première Guerre mondiale à la reconstruction du vignoble (Ostal del Departament)
- dimars 14/03, a 20h30 : Recital de Claudi Martí (AD : Archius Departamentals)
- dimars 21/03, a 20h30 : La Santa-Estèla de 1893 a Carcassona (conferéncia de Felip Martèl) (AD)
- dimars 28/03, a 20h30 : Recital de la corala Canti Canta (AD)
- dimars 9/05, a 20h30 : Desrabar, colleccionar, descriure ? L'occitan fàcia a las enquistas suls pateses (fin del sègle 18-debuta del sègle 20), conferéncia de Domenge Baudreu (AD)
- dimars 23/05, a 20h30 : L'occitan dins l'escòla francesa , conferéncia de Yann Lespoux (AD)
- dimars 30/05, a 20h30 : Escriure en òc (del sègle 19 a uèi e deman) , conferéncia-lectura d'Alan Roch (AD)
- dimècres 7/06, a 20h30 : recital de la corala Le Chiffon rouge (Narbona) (AD)

Occitan-Occitania als Archius d'Aude / Aux Archives de l'Aude
Lire la suite

LAS FEBREJADAS A L'OSTAL SIRVENTÉS

4 Février 2017 , Rédigé par Mirelha

DEL 3 AL 10 DE FEBRIÈR :

LAS FEBREJADAS A L'OSTAL SIRVENTÉS

Agachadas, cervesas, jornalisme e Alaric al programa

Del 3 al 10 de febrièr, l'Ostal Sirventés (79, la Trivala, Carcassona) se met a l'ora de las Febrejadas, amb quatre rendètz-vos qu'aligan pintura, gastronomia, comunicacion, istòria e etnologia.

Lo divendres 3 de febrièr(18h30) se faguèt l'estrena d'una mòstra de pinturas de Miquèla Fumat : Agachadas / Regards. L’artista, que viu a Narbona, es pastada d'influéncias miègterranencas. Cada gèste se noirís de lum per balhar a cada cara un esclat particulièr. Cada tablèu presenta un retrach de monde d'aicí o d'endacòm mai, de mainatges o d'adultes ont senhoreja la fòrça dels agaches : sensibilitat e umanitat son al rendètz-vos.

 

LAS FEBREJADAS A L'OSTAL SIRVENTÉS

Diluns 6 de febrièr (19 h ; sus reservacion : 04.68.25.19.78 o ostal.sirventes@wanadoo.fr ; participacion : 10 €), se farà una tasta qu'aligarà cervesas (las de la brassariá Ciutat a Carcassona) e formatges : unes maridatges a descobrir e a se ne perlupar !
Dimècres 8 de febrièr (18h30), Ferriòl Massip farà lo punt suls 5 ans de vida del jornal quotidian e informatic Lo Jornalet (jornalet.com) qu'anima dempuèi Barcelona per balhar un agach occitan sus l'actualitat dels pòbles e per ofrir espacis de discutida e tribunas.

Divendres 10 de febrièr (18h30), lo mont Alaric serà presentat per Felip Marcy (Vilatges Al país) jos d'angles divèrses, represes dins l'obratge recentament paregut que met en abans sa plaça particulièra dins lo païsatge audenc entre Corbièras e Menerbés.

Las Febrejadas son organizadas pel Cercle Occitan del País de Carcassona e l'Institut d'Estudis Occitans-Aude, amb lo sosten de la Comuna de Carcassona e del Conselh departamental d'Aude.

 

DU 3 AU 10 FÉVRIER :

LAS FEBREJADAS À L'OSTAL SIRVENTÉS

Du 3 au 10 février, l'Ostal Sirventés (79, la Trivala, Carcassona) accueille les Febrejadas, quatre rendez-vous alliant peinture, gastronomie, communication, histoire et ethnologie.

Le vendredi 3 février (18h30) a eu lieu le vernissage d'une exposition de tableaux de Michèle Fumat : Agachadas / Regards. L’artiste installée à Narbonne est imprégnée de l’influence méditerranéenne, chaque geste se nourrissant de lumière donnant ainsi à chaque visage un éclat particulier. Chaque tableau propose un portrait de gens d'ici ou d'ailleurs, d'enfants ou d'adultes où transparaît la force des regards. : une grande humanité fait la force de la présentation de la quinzaine de tableaux.

Lundi 6 février (19 h ; sur réservation : 04.68.25.19.78 ou ostal.sirventes@wanadoo.fr ; participation : 10 €), aura lieu une dégustation alliant bières (celles de la brasserie Ciutat de Carcassonne) et fromages : des mariages à découvrir et à savourer !

Mercredi 8 février (18h30), Ferriòl Massip fera le point sur les 5 ans d'existence du journal quotidien et informatique Lo Jornalet (jornalet.com) qu'il anime depuis Barcelone pour donner un regard occitan sur l'actualité des peuples et pour offrir des espaces de débat et de tribunes.

Vendredi 10 février (18h30), le mont Alaric sera présenté par Felip Marcy (Vilatges Al país) sous divers angles, repris dans l'ouvrage récemment paru qui célèbre sa place particulière dans le paysage audois entre Corbières et Minervois.

Las Febrejadas sont organisées par le Cercle Occitan del País de Carcassona et l'Institut d'Estudis Occitans-Aude, avec le soutien de la Mairie de Carcassonne et du Conseil départemental de l'Aude.

 

Lire la suite

Calendièr del mes de febrièr de 2017 / Calendrier de février 2017

1 Février 2017 , Rédigé par Mirelha

* fins al 20 de febrièr :
- Carcassonne, Maison de l'Architecture et de l'Environnement : La maison des Super-héros

http://carcassonne.org/fr/caue-la-maison-des-super-heros

* fins al 5 de març :
- Bram, Les Essa(r)ts : mòstra de fotografias de Bernard Bouchard
Exposition ouverte au public du 21 Janvier au 5 Mars 2017 : le mercredi de 11h à 18h et du jeudi au dimanche de 13h à 18h (fermé lundi et mardi). Tarifs : Adulte > 4 € / Enfants (6/15 ans) > 1 €. Groupes (+ de 10 personnes), étudiants, demandeurs d’emploi... > 2 €. Les essar[t]s - espace arts et cultures Avenue Georges Clemenceau 11150 Bram Tél : 04 68 24 40 66

* fins al 2 d'abril :
- Limós : Carnaval. En febrièr, sortidas amb : Las Encantadas, las Popinetas (dissabte 4) ; los Blanquetièrs (dimenge 5) ; los Bronzinaires, los rambalhurs (dissabte 11) ; lo Parador (dimenge 12) ; Los sieurs d'Arques (dissabte 18) ; las Femnas (dimenge 19) ; los Pichons, los Taps (dissabte 25) ; l'Aragon (dimenge 26) ; los Ancians (dimars 28) ; …

* fins al 1èr de mai :
- Cassaignes, Le Chantier : L'exposition Trait(s) d'union - Christian Hadengue (peinture), 
Tony Cassius (sculpture), Martine Trouïs (peinture- gravure)
 et Claude Amaouche (gravure) (14h30-18h30, les vendredis-samedis-dimanches ; sur RdV : 06.74.52.24.71)

* fins al 19 de junh :
- París, Museum d'istòria naturala : mòstra Espèces d'ours ! http://www.mnhn.fr/fr/visitez/agenda/exposition/especes-ours

* dimècres 1èr :
- Narbona, Mediatèca, 17 h : Trobada occitana, amb Franc Bardou, Jacques Privat, Roland Pécout, Sandra Hurtado-Ròs, Gérard Zuchetto. Lectures et illustrations musicales : les trois poètes et les deux musiciens présenteront leurs créations 2016 et interprèteront des extraits des recueils et Cds.
- Carcassona, Mots&Cie, 17h30 : contes en occitan e francés amb Joseta Otto-Codina (a partir de 5 ans)
- Narbona, Ostal Occitan, 19 h : rescontre amb Philippe Villemus per son libre « Midi se meurt, sauvons-le »

* del 3 al 10 :
- Las Febrejadas, a l'Ostal Sirventés
• divendres 3, 18h30 : estrena de la mòstra Agachadas de Miquèla Fumat
• diluns 6, 19h : tasta cervesa (« Ciutat »)-formatge, sus reservacion : 04.68.25.19.78 ; ostal.sirventes@wanaddo)
• dimècres 8, 18h30 : Los 5 ans del Jornalet, amb Ferriòl Massip
• divendres 10, 18h30 : Le Mont Alaric, amb Felip Marcy

* divendres 3 :
- Narbona, Ostal occitan : concèrt de Las Mondinas
- Limós : bal fòlc amb Trad'en Bulles

* dissabte 4 :
- de matin : Mercat de las trufas a Vilanòva de Menerbés
- Concas en Òc : Moussu T e lei Jovents
- Puègserguièr : Golamas'K festeja la sortida de son album Resisténcia. RdV tre 18 h a l'Ostal del Pòble. Concèrt a res-non-c`òsta a 21 h amb Sax Peace Tools, Golamas'K e Karden
- Sant-Ponç, capèla dels Penitents, 21 h : Le Vin Bourru, par Gilles Buonomo, Cie Itinéraire Bis, théâtre (tarifs : 10€/6€/0€ ; réservations : 04 68 91 31 50)
- Villesèquelande, maison presbytérale, 17h : présentation du n° 4 des Cahiers du patrimoine du Cabardès au canal du Midi

* lo 4 e lo 5 :
- St-Gervasi (Gard) : Festenal Rescontres occitans de video (dissabte e dimenge de vèspre)

* dijòus 9 :
- projection au Colisée (21h, Carcassonne) : La caça de l'ós a St-Lorenç de Cerdanç de Pierre Breinanan, Claude Costes et Daniel Fabre, dans le cadre de l'hommage à Daniel Fabre (GARAE)

* divendres 10 :
- Alzonne, médiathèque, 18h : présentation du n° 4 des Cahiers du patrimoine du Cabardès au canal du Midi

* lo 11 e lo 12 :
- estagi de cant a Asilhanet (domèni Pech d'André) : https://www.facebook.com/lepechdandre/photos/pb.523878057645001.-2207520000.1485931584./1416572561708875/?type=3&theater

* dimenge 12 :
- mercat de las trufas a Narbona

* dimars 14 : - estrena de la mòstra als Archius departamentals, a 18 h

mòstra Occitan, Occitanie

Presentada als Archius departementals d’Aude, 41 avenguda Claude Bernard Carcassona
Dobèrta al public del diluns al dijòus de 8h30 a 17h30 e lo divendres de 8h30 a 16h30
Prestacion musicala de Mans de Breish.

Lengadòc ièr, Occitania uèi : nòstra contrada ten son nom, dempuèi sègles, de la lenga que foguèt seuna, qu'es totjorn seuna. Mas de qué sabèm d'aquesta lenga, de sas originas , de son espandiment, dels combats qu’engimbrèt ? Los Archius departementals d’Aude, amb lo concors de l’Institut d’estudis occitans, vos convidan a trapar responsas a aquestas questions en vistalhant la mòstra consacrada a la lenga occitana, a sos usatges e als moviments que n'assegurèron la desfensa, dempuèi l'Edat mejana (primièras aparicions dins las cartas de tèrmes occitans als sègles 10-11) fins a las annadas 1970-75 (moviments occitanistas), sens doblidar lo Felibritge. Documents originals, objèctes, afichas, papierons, fotografias e òbras d’art son estat recampats per vosaus per vos faire tornar viure un passat recent o vièlh.

* dissabte 18 de febrièr :
- Viatge IEO-Aude a Pau (Nadau al Zenit)
- La Dinha d'Aval : Carnaval de las sabors e mercat de las trufas

* del 19 al 26 de febrièr :
- Setmana Occitana del Vilafrancat, en Avairon :
• dimanche 19 février, Compolibat, 15h : théâtre occitan avec lo teatre de pas res et les Z'igues
• mercredi 22 février, à la bibliothèque de Villefranche, 15 h : contes occitans pour les enfants
• vendredi 24 février, salle des fêtes de Cénac, à 21 h : rencontre musiciens-danseurs et balèti
• samedi 25 février, salle des fêtes de Cénac : à 10 h : stage de chant polyphonique (réservez) ; à 21h, balèti avec Les Bouilleurs de Sons, Contrebande et Bassacada
• dimanche 26 février, à l'église de Cénac, 15 h : concert polyphonique avec Lo Barrut
• Contacts : 05 65 29 93 11 ; 05 65 45 41 39

* del 21 de febrièr al 4 de març :
- Fasètz la Lenga en Cabardés : la quinzenada
• dimars 21 de febrièr, Mossolens, sala Combes : 18h30 : Estrena amb Cossí que Siague
21 h : Renat Sette
• dimècres 22 de febrièr, Argon, Ostal de Cabardés : 18h30 : talhièr de lenga
21h : recital d'Éric Fraj
• divendres 24 de febrièr, Puègnautièr, Na Loba : 21h : Moi, Gaston Dominici, assassin par défaut per le Théâtre de la Méditerranée
• dissabte 25 de febrièr, Ventenac de Cabardès, sala René-Douce e Distillariá : 14h : jòcs pels enfants e mòstra de joguinas
17 h : bal pels mainatges Sors les mains de tes poches
17 h : conferéncia d'Alèm Surre-Garcia
-19 h : aperitiu-repais
- 21 h : Coriandre (balèti)
• dimenge 26 de febrièr, Vilagalhenc, 10h, al fogal : talhièr-cosina
13h30, RdV sala polivalenta : Passejada
• dimars 28 de febrièr, Ventenac, sala René-Douce, 19h : taulejada
• dimècres 1èr de març, Argon, Ostal de Cabardés : 21 h : quina en occitan
• divendres 3 de març, Mossolens, sala Combes : 21 h : serada-contes amb Maria-Odila Dumeaux
• dissabte 4 de març, Vilagalhenc, sala polivalenta : 21 h : concèrt Corou de Berra

http://fasetz-la-lenga-en-cabardes.over-blog.com/

* dimècres 22 :
- Ventenac, salle René-Douce, 20h : présentation du n° 4 des Cahiers du patrimoine du Cabardès au canal du Midi
- Asilhanet, Domèni Pech d'André : concèrt del grop Asondar

* dijòus 23 :
- À La maison de la Clape, à Vinassan, à 18h30 : À la recherche des ruchers bâtis dans les garrigues et le patrimoine narbonnais (présentation d'un diaporama).
- Sant-Marcèl : Ases e cavals, conferéncia-lectura-conte d'Alan Roch

* dissabte 25 :
- Nuèit de la Trufa a Vilanòva de Menerbés
- Camplong d'Aude, sala Taudou, 20h30 : balèti amb Nhac e Bruno Sentou
- Grussan, Palais dels Congrès, 20h30 : Las Regaladas amb La Sauze (1èra partida) e Jan de Nadau en acostic (15 € ; reservacions : 06 67 43 61 07 ; nombre de plaças limitat)
- Besièrs, place de la Madeleine, 15h15 : les Calandretas organisent Carnaval sur le thème des contes. Repas et concert en soirée

* dimars 28 :
- Carcassona : a 20 h 30 Projeccion del film de Yannick Séguier Le Midi viticole
Partida 2 Des lendemains de la Première Guerre mondiale à la reconstruction du vignoble
Luòc : Ostal del Departament, alèia Raymond Courrière a Carcassona (sala Gaston Defferre)

Lire la suite

Ivernalas de Cabardés (Puègnautièr, del 18 al 21 de genièr)

13 Janvier 2017 , Rédigé par Mirelha

Ivernalas de Cabardés (Puègnautièr, del 18 al 21 de genièr)

Una cabussada dins l'imaginari occitan

Las Ivernalas de Cabardés vos convidan, entre lo 18 e lo 21 de genièr, a Puègnautièr, a quatre rendètz-vos per cabussar dins l'imaginari occitan.

Lo dimècres 18 de genièr (Na Loba, 18h30), lo Teatre de las Originas presentarà sa creacion pel jove public Cap a l'aucèl-Un oiseau dans la tête. Un espectacle ont se mesclan occitan, francés e lenga dels signes per explicar e comprendre lo necessari ritme de las sasons, la corsa del temps, lo retorn de las fèstas : unes moments indispensables per s'opausar a aqueles que voldrián mestrejar e aseptizar lo temps.

Lo divendres 20 de genièr (Na Loba, 19h), plaça al cinèma amb la projeccion del documentari d'Estefan Valentin : « Tempestaires et faiseurs de pluie » que conta cossí en Pirenèus los òmes e mai que mai las femnas ensajavan de domdar lo cèl en fasent venir la pluèja e en arrestant los auratges.

Dissabte 21 de genièr (Na Loba, 19 h), Florant Mercadièr sortirà sos Contes du placard. Amb poesia e umor, lo contaire parlarà de son vilatge que sembla al nòstre, dels grilhs qu'escotan Bob Marley, del site internet dels diablotons, de las bèstias que se baton per la satisfaccion de lor talent, o la nòstra : nòstra talent grandarassa de rires e de sòmis…

En ligason amb las Ampelofoliás, un sopar convivial seguirà (20h30, sala de la Tor ; sus reservacion : 04.68.25.19.78 o ieo11@ieo-oc.org)

Las Ivernalas de Cabardés son organizadas per l'Institut d'Estudis Occitans-Aude amb lo concors del Cercle Occitan del país de Carcassona, de la Calandreta de Carcassona e del Servici Cultural de Puègnautièr, en ligason amb las Ampelofoliás de Cabardés (dissabte al ser) e amb lo sosten de la Comuna de Puègnautièr e del Conselh Departamental d'Aude.
dimècres 18, Cap a l'aucèl : participacion liura
divendres 20, film Tempestaires : dintrada : 5 € ; 2 € pels mainatges
dissabte 21 : Contes del placard : 5 € ; sopar : 15 € ; contes + sopar : 18 € (sopar sus reservacion : 04.68.25.1.78 o ieo11@ieo-oc.org)

En Cabardés, tanben : Estanquet de Fasètz la Lenga e Ampelofoliás

dimars 17, a 18h30, Ostal de Cabardés, a Argon : l'Estanquet de Fasètz la Lenga en Cabardés presentarà lo programa de la quinzenada d'animacion dels 20 ans de l'associacion (21 de febrièr al 4 de març). Dintrada liura ; participacion de 7 € al sopar que seguirà.
Los 21 e 22 de genièr, se debanan las Ampelofoliás de Cabardés :
* lo dissabte 21 :
- de matin, a Ventenac de Cabardés, talhièr « Cosinar la trufa » (complèt)
- de vèspre (16h30), a Montoliu, Colette Olive parlarà de la cosina del rasim e de la cosina de la polarda.
- lo ser, rendètz-vos a Puègnautièr per la serada comuna amb las Ivernalas (contes e sopar ; veire çai-sus).

* dimenge 22, serà lo rendètz-vos bèl de Mossolens amb una fièra del terrador e de l'artesanat tota la jornada (l'IEO-Aude i ten taulièr), lo mercat de las trufas negras (en debuta de vèspre), un concors de recèptas trufadas, una demostracion de poda de vinha, tasta de vins (grop convidat Las « Vinifilles »), de jòcs pels enfants, las vesitas del conservatòri truficòla, la preséncia del cap-cosinièr estelat Jiròni Ryon http://www.cite-hotels.com/hotels/hotel-de-la-cite/la-barbacane/ , unes entrepans e autras sopas ont la trufa ten una plaça de primièra, una mòstra de fotografias, d'animacions musicalas asseguradas per Tonton a faim https://www.youtube.com/watch?v=j1BZiZ9SuA8 e la fanfara dels Golamàs www.goulamas-k.com/ .

Lire la suite

Calendièr de Genièr de 2017 / Calendrier de Janvier 2017

1 Janvier 2017 , Rédigé par Mirelha

PER ENTAMENAR 2017

Per l’An que ven
Un còp de vent
Sus tot çò que, de l’an passat,
De maranhas nos a portat,
E que la tina
E lo lenhièr
Vos siaguen
Plens !
Miquèl Decòr

Pour l’An prochain / Un coup de vent / Sur tout ce que l’an dernier, / De malheurs nous a apporté / Et que la cuve / Et le bûcher / Vous soient remplis.

Los Reis
L’Institut d’Estudis Occitans d’Aude e lo Cercle Occitan del País de Carcassona vos desiran una bona annada 2017 e vos convidan a l’Ostal Sirventés (79, la Trivala – Carcassona) lo divendres 6 de genièr de 2017 a 6 oras del vèspre per : LOS REIS DE 2017
Presentacion dels rendètz-vos de 2017 - Còca dels Reis e blanqueta.

Los rendètz-vos de genièr

* fins al 14 de genièr :
Carcassona, Musèu : mòstra de pinturas d'Eugène Pech http://www.carcassonne.org/fr/eugene-pech-une-vie-de-peinture

* fins al 15 de genièr :
Paris, Musèu Maillol : Mòstra de Ben : « Tout est art ? »
www.museemaillol.com/fr/tout-est-art-ben-au-musee-maillol

* fins al 20 de febrièr :
- Carcassonne, Maison de l'Architecture et de l'Environnement : La maison des Super-héros
http://carcassonne.org/fr/caue-la-maison-des-super-heros

* fins al 19 de junh :
- París, Museum d'istòria naturala : mòstra Espèces d'ours ! http://www.mnhn.fr/fr/visitez/agenda/exposition/especes-ours

* divendres 6 :
- Ostal Sirventés, 18 h : Los Reis de 2017

* del 6/01 al 4 de febrièr :
- Lesinhan, Ostal Gibèrt, mòstras de fotografias : « Commerces et commerçants lézignanais d'hier » (Mémoire Lézignanaise) e « Regards d'ici et d'ailleurs » (Club-Photo-MJC-Lézignan) (estrena : divendres 6/01, 18 h)

* dissabte 7 :
- de matin : Mercat de las trufas a Talairan

* dimars 10 :
- Carcassona, GARAE, 18 h : projeccion del film La pendule à Salomon (cycle Les métiers à l'écran)

* divendres 13 :
- Limós, Monte-Cristò, 20h30 : Balèti Trad'en Bulles

* dissabte 14 :
- de matin : Mercat de las trufas a Vilanòva de Menerbés
- CIRDOC, Besièrs : Nuèit de la lectura

* diluns 16 :
- Carcassonne, à la Maison des associations - 89 rue de Verdun , 18h15 : Une conférence d'Anne Réby : Le long voyage des Rois mages. Tarif 10€ - réduit pour les adhérents du Graph

* dimars 17 :
- Argon, 18h30 : Estanquet de Fasètz la Lenga en Cabardés

* dimècres 18 :
- Narbona : Rescontre inter-occitan
a 15 h : presentacion del Breviari d'Amor al CIRDÒC ; a 18h, a l'Ostal Occitan : Retrobar lo Trobar, conferéncia a tres voses amb Sandra Hurtado-Ròs, Gérard Zuchetto e Felip Hammel.

* del 18 al 21 :
- Puègnautièr : Las Ivernalas de Cabardés
dimècres 18, 18h30 : Cap a l'aucèl (Teatre de las Originas ; espectacle jove public)
divendres 20, 19h : film Lo Tempestaire
dissabte 21 : 19h, Contes del Placard (Florant Mercadièr) ; 20h30 : repais
(contes : 5 € ; repais : 15 € ; contes + repais : 18 €. Se marcar : 04.68.25.19.78o ieo11@ieo-oc.org)

* del 20 al 22 :
- Somièiras : Las Trad'Ivernalas wp.coriandre.info/pages/tradhiv/

* del 21 al 22 :
- Ventenac, Montoliu,Puègnautièr (lo 21) e Mossolens (lo 22) : Ampelofoliás de Cabardés http://ampelofolies.over-blog.com

* del 22 de genièr al 2 d'abril : Carnaval de Limós

Programme du Carnaval de Limoux 2017 (PDF - 752,53 kB)

* dimars 24 :
- projection au Colisée (21h, Carcassonne) : Le tour de l'âne (Cité) de Roger Morillère ; Le bufoli de Ladern, de François Verlet, dans le cadre de l'hommage à Daniel Fabre (GARAE)
- Hôtel du Département, allée Raymond Courrière à Carcassonne (salle Gaston Defferre) : Projection du film de Yannick Séguier Le Midi viticole (Partie 1 : Du Ier siècle avant Jésus-Christ à la Première Guerre mondiale)

* divendres 27 :
- Sant Marcèl, a partir de 19 h : Lo Balèti d'Ivèrn amb La Nilha

* dissabte 28 :
- de matin : Mercat de las trufas a Talairan
- Narbona (luòc de precisar) : Dictada occitana (coma dins un quarantenat d'endreits en Occitania) http://www.cercle-occitan-narbona.fr

En 2017
Quauques moments que marcaràn l'annada 2017 (e que demòran de precisar per d'unes) :

del 3 al 10 de febrièr : Las Febrejadas a l'Ostal Sirventés
dissabte 4 de febrièr : Moussu T a Concas d'Orbièl
dimars 14 de febrièr : estrena de la mòstra Occitan, Occitanie als Archius Departamentals (veire article precedent)
del 21 de febrièr al 4 de març : Fasètz la Lenga en Cabardés – Los 20 ans
dissabte 22 d'abril : Nadau canta a Vilamostausson
del 26/05 al 9/06/17 : Mòstra « Escrivans d’Òc : Forés, Estieu, Còrdas » a Lesinhan (Ostal Gibèrt, Lesinhan)
mes de junh : los rendètz-vos Total festum
dissabte 24 de junh : fèsta de la Trufa a Rotlens
dissabte 24 de junh : espectacle Sant-Joan a Bisan
debuta de julh : Sirventés d'Estiu. Tèma : los peisses
setembre : Escritura-Los (4/5) dijòus, a Carcassona
novembre : Setmana de las sabors-Los caulets a Puègnautièr
decembre : Temps de Nadal a l'Ostal Sirventés

Lire la suite

VINS, CHOCOLATS E MÈL

21 Décembre 2016 , Rédigé par Mirelha

VINS, CHOCOLATS E MÈL

• Per la tasta vins-chocolat de diluns 19 de decembre a l'Ostal Sirventés, un vintenat de personas de la Trivala a Norvègia, de Cavanac a Fabresan, an pogut apreciar :
- los chocolats Nougalet de 5 categorias
- los vins del Domèni La Tour Boisée de Lauran de Menerbés amb lo vinhairon Joan-Loís Podon que presentèt 6 cantinas :

Marselan ; Histoire de famille-Rouge 2015 ; Marielle et Frédérique 2015 ; Marie-Claude-Rouge 2015 ; Jardin secret-2007 ; Jardin secret-2004

https://www.domainelatourboisee.com/

• Los chocolats Nougalet e los vins Tour boisée son en venda a Carcassona al magasin Chez Julien (390 Rue Edouard Branly, fàcia a Décathlon ; www.chez-julien-carcassonne.fr/
• En projècte : una passejada-descobèrta del terrador de Lauran de Menerbés a la prima de 2017 (lo jorn de l'Ascension : 25 de mai?). De seguir…

MÈL E DOÇORS

Dins l'encastre de la Fèsta del Mèl de Carcassona (17-18 de decembre), l'Institut d'Estudis Occitans-Aude a revirat un dotzenat de recèptas a basa de mèl que traparetz çai-jos.
De mai, l'associacion Les Abeilles de l'Aude met a disposicion de caduna e cadun un quarantenat de recèptas a basa de mèl (Las demandar al president de l'associacion l'Abeilel de l'Aude : gerard.dector@gmail.com). Ne traparetz la tièra dins l'article dedicat a la Fèsta del Mèl sus http://cosina-cuisine-ventenac.over-blog.org

Las recèptas

Pomas al forn al mèl d'aspic e brot de romanin
Per 4 personas, vos caldrà : 4 pomas (de las biò) ; 4 biscuèits boudoirs ; 1 culhieron de mèl d'aspic ; 1 brot de romanin ; un culhieron de confiment d'albricòt.
Preparacion : un quart d 'ora. Coseson : 40 minutas

Aprèp aver lavat e eissugat las pomas, tirar mercé a un voida-pomas la part centrala amb las granetas sens traucar la basa de la frucha ; dins un bòl, mesclatz los biscuèits embrenicats amb la mèl, lo romanin capolat e lo confiment. Emplenatz las pomas amb la mescla preparada. Metètz las pomas dins un plat pel forn, ajustatz un pauc d'aiga (dins los 2 cm) e enfornatz per un quarantenat de minutas (180°, T6).
Majofas padenadas al mèl
Per 6 personas, vos caldrà : 800 g de majofas (biologicas), 150 g de mèl d'aspic, 15 cl de vin blanc, 3 dòlças de vanilha
Preparacion : 10 minutas. Coseson : 15 minutas
Lavatz e descoetatz las majofas e botatz-las a secar sus un papièr chucaire. Vojatz lo mèl dins un pade, ajustatz lo vin blanc e menatz al bolh. Daissatz cuèire unas 5 minutas. Fendasclatz la vanilha en dos per ne tirar las granas al cotèl. Ajustatz-las dins lo siròp e contunhatz de faire cuèire per 5 minutas. Ajustatz las majofas dins lo pade, mesclatz docetament per plan enraubar las majofas, puèi daissatz cuèire 3 a 5 minutas a fuòc pichon. Pausatz las majofas dins unas copas e servissètz sul pic. Podètz acompanhar d'una bòla de glacet a la vanilha, de crocants de Sant Paul de Fenolhet o de teules a las amètlas.
Còca al mèl
Per 6 personas, vos caldrà : 130 g de burre, 150 g de mèl liquide de romanin, d'aspic o de montanha, 120 g de farina, mièg-litre de lait entièr, un pecic de sal
Preparacion : 15minutas. Coseson : 55 minutas

Fasètz fondre lo burre e reservatz. Precalfatz lo forn (150°, T5). Burratz vòstre mòtle. Separatz las claras dels mujòls. Batètz los mujòls amb lo mèl e un culhierat d'aiga fins a çò que l'ensemble mosse e vire al blanc. Incorporatz en seguida lo burre fondut, la sal, la farina e lo lait en contunhant de barrejar.
Montatz las claras en nèu que tengue, puèi ajustatz-las delicadament a la pasta amb lo foet sens las espetar. La pasta deu èsser plan liquida e los blancs formar coquèls en susfàcia. Daissatz pausar un quart d'ora, puèi vojatz la pasta obtenguda dins vòstre mòtle. Alisatz la susfàcia amb la lama d'una espatula. E zo ! al forn per mai o mens 55 minutas.
Tiratz la còca del forn (pas de lagui se vos sembla encara tremolar al centre). Botaz al refrigerador per doas oradas. La poiretz atal tirar aisidament del mòtle. Salpicatz de sucre glaça e ornatz amb las cambas de noses abans de servir los convidats.
Crèma brutlada al romanin e al mèl
Per 4 personas, vos caldrà : 20 cl de crèma floreta entira, 20 cl de lait entièr, 4 gròsses mujòls, 3 culhierats de mèl de romanin, dos culhierats de sucre en polvera, un brot de romanin fresc (5 cm), un pauc de cassonada o de sucre per caramelizar.
Precalfatz lo forn a 210°. Faguètz just fremir lait, crèma, mèl e lo brot de romanin. Daissatz infusar unas 10 minutas. D'aquel temps, fasètz blanquir los mujòls amb lo sucre en polvera. Tiratz lo branquet de romanin e vojatz doçamenton la mescla lait-crèma suls mujòls batuts amb lo sucre. Mesclatz plan coma cal mas sens tròp. Partir en 4 ramequins per crèma brutlada. Botatz al forn fins a çò que la crèma prenga (cal plan un quarantenat de minutas). Tiratz los ramequins del forn, los daissatz refregir puèl los botatz al refrigerador.
Al moment de servir, salpicatz las crèmas amb de cassonada o de sucre, puèi fasètz caramelizar (al forn o amb un calamèl).
Bananas al mèl
Per 4 personas, vos caldrà : 4 bananas (biologicas, de segur !), 3 culhierats de mèl totas flors, lo chuc d'un lemon.
Preparacion : 2 minutas ; coseson : 10 minutas.

Fasètz fondre lo mèl dins una caçairòla en i incorporant lo chuc del lemon. Quand la mescla es plan liquida, ajustatz las bananas plumadas e trencadas en 2 dins lo sens de la longor ; daissatz daurar tot docetament las bananas dins la mescla, en las virant de temps en temps (cal comptar dins las 5 minutas). Servissètz sul pic en vojant sus las bananas lo demai de mèl citronat, mas daissatz refregir un momenton abans de tastar se que non : mèfi la cremadura !

Còca a las avelanas, mèl e chocolat
Per 6 personas, vos caldrà : 150 g de chocolat, 3 uòus, 50 g de farina, 100 g de mèl (val mai de cacièr), 100 g de crèma fresca espessa, 125 g d'avelanas en polvera. Napatge al chocolat o al sucre glaça.
Fasètz calfar lo forn a 180° e burratz un mòtle de 20 cm de diamètre. Copar lo chocolat a tròces, puèi lo faire fondre al banh-maria amb 2 culhierats d'aiga. Trencatz los uòus e separatz claras e mujòls. Botatz las claras dins un ensaladièr e los mujòls dins un autre. Batre los mujòls al mesclaire en i ajustant lo mèl, fins a çò que la mescla vengue blanca e mosse. Ajustatz lo chocolat e la crèma. Mesclatz. Batètz las claras en nèu que se tenga, puèi las incorporatz dins la preparacion al chocolat, en alternant amb la farina e la podra d'avelanas. Vojatz dins un mòtle e daissatz cuèire 40 minutas.
Quand es cuèit, sortir la còca del forn e daissatz-la pausar dètz minutas abans de tirar del mòtle. Salpicatz de sucre glaça o napatz al glaçatge de chocolat. Servissètz tebés o freg.

Còca de mèl e d'anogas
Per 8 personas, vos caldrà : 100 g de burre, 100 g de sucre, 160 g de farina, 3 uòus, un saquet de levadura, 150 g d'anogas, 3 culhierats de mèl de montanha, un culhierat de ròm, quauques rasims passarilhats
Preparacion : un quart d'ora ; coseson : tres quarts d'ora.

Batètz lo sucre amb lo burre fondut. Incorportaz mèl, farina e levadura, puèi los uòus. Ajustatz las anogas esclafadas e los rasims. Vojatz la pasta dins un mòtle burrat e enfarinat. Fasètz cuèire dins un forn caud a 180 ° pendent tres quarts d'ora.

Coquetas sabladas a las fruchas confidas e a las anogas crocarèlas al mèl
Per 18 coquetas, vos caldrà
- per la pasta sablada : 225 g de burre doç, 70 g de sucre brun, 280 g de farina e un culhieron de flor de sal
- per las anogas crocarèlas : 170 g de mèl de tardor, dos culhierat de burre, un mièg-culhieron d'extrait de vanilha, un pecic de flor de sal e mièja-liura d'anogas, amètlas e pistachas.
- fruchas confidas a l'idromèl : 165 g de frucha secadas barrejadas (figas, albricòts e rasims) e 60 ml d'idromèl liquorós.
Cobrissètz una placa a bescuèits de papièr sulfurizat. Botatz las fruchas e l'idromèl dins un bòl e mesclatz. Daissatz confir una orada, mas pensatz de remenar un còp l'autre.
Botatz lo mèl e lo burre dins una caçairòla. Fasètz cuèire a fuòc mejan en remenant de longa (8 a 10 minutas). Atudatz lo fuòc e ajustatz dins l'òrdre la vanilha, la flor de sal, las fruchas secas. Mesclatz que las fruchas banhen dins lo mèl.
Tiratz del fuòc e espandissètz la mescla sus la placa preparada. Daissatz refregir una orada. Capolatz lèu-fait las anogas al mèl.
Botatz lo burre e lo sucre dins un bòl. Batètz al foet electric 3 minutas.
Escorrissètz las fruchas, las ajustatz a la mescla e remenatz coma cal. Ajustatz farina e sal e mesclatz a la man pendent una minuta. Incorporatz las anogas capoladas al mèl.
Pausatz la pasta sus un fuèlh de papièr cirat o sulfurizat. Formatz un rotlèu de pasta en quichant amb los dets. Replegatz lo papièr sul rotlèu e rotlatz de tal biais a fargar un cilindre de 6 cm de diamètre. Metètz al refregidor al mens una ora abans la coseson.
Botatz una grasilha al centre del forn. Precalfatz lo forn a 200°. Botatz un novèl fuèlh de papièr sulfurizat sus la placa de las coquetas.
Talhonatz lo cilindre de pasta en rodèlas de 2 cm d'espés. Pausatz las rodèlas sus la placa e fasètz cuèire (12 a 15 minutas). Tiratz del forn e daissatz refregir.

Còca a las cerièras e al mèl
Per 6 personas, vos caldrà : 3 uòus, 120 g de farina, un iogort natura, 100 g de compòsta de pomas non sucrada, 120 g de mèl de montanha o de cacièr, mièg-saquet de levadura quimica, 450 g de cerièras descloscadas e escorridas.
Precalfatz lo forn a 180°. Dins un ensaladièr, mesclatz la farina, la levadura e un pecic de sal. Puèi ajustatz los uòus, la compòsta e lo iogort. Barrejatz plan coma cal lo tot. Ajustatz lo mèl, mesclatz tornarmai, puèi ajustatz las cerièras e mesclatz just per que dintrèssen dins la pasta. Vojatz lo tot dins un mòtle en silicòn e botaz al forn per 40 minutas a 180°. Servissètz un pauc atebesit.

Còca de pomas, mèl e amètlas
Per 6 a 8 personas, vos caldrà : 150 g de farina, 5 culhierats de mèl, 100 g de burre, un saquet de sucre vanilhat, un saquet de levadura quimica, 150 ml de lait, 50 g de podra d'amètla, 3 pomas, amètlas primas, sucre glaça
Preparacion : 10 minutas. Coseson : 15 minutas
Precalfatz lo forn a 180°. Burratz e enfarinatz un plat per tarta. Plumatz las pomas, trencatz-las en 2, enlevatz lo còr e entalhatz sens anar al fons per gardar las mièja-pomas entièras ; reservatz lo temps de preparar la pasta.
Dins un grand bòl, batètz los uòus amb lo sucre vanilhat e lo mèl. Foetatz, puèi ajustatz lo burre fondut. Ajustatz puèi la podra d'amètla e la farina qu'avètz mesclada a la levadura. Mesclatz. Ajustatz lo lait pauc a cha pauc en contunhant de mesclar per obténer una pasta lissa e omogèna. Vojatz la pasta dins un plat a tarta. Pausatz las pomas sus la pasta. Salpicatz amb las amètlas. Al forn per una mièja-orada. A la sortida del forn, salpicatz de sucre glaça.

Figas rostidas a la canèla e al mèl
Per 4 personas, vos caldrà : 16 a 20 figas (4 o 5 per personas), 60 g de burre, 8 culhierats de mèl liquide e doç (cacièr, romanin,…), 4 culhierons de canèla.
Dins un bòl, prestissètz lo burre per l'amolir. Ajustatz lo mèl e la canèla, puèi mesclatz lo tot per aver una pasta plan omogèna. Eissugatz plan coma cal las figas, puèi las entalhar en quatre en partent del pecol sus
de tres parts doas de la nautor. Escartatz los quatre quartièrs delicadament per dobrir coma una flor. Pausatz las figas sus una placa del forn o dins un plat de tarta. Emplenatz cada figa del farçum de mèl e de canèla. Daissatz cuèire 5 minutas dins un forn precalfat a 2010° ; pensatz de cobrir regularament las figas amb lo burre fondut pendent la coseson. Servissètz las figas amb una bòla de glacet vanilha.

Glacet mèl e lemon verd
Per 4 personas, vos caldrà : 2 o 3 lemons verds (cal aver 35 cl de chuc) ; 100 g de mèl de montanha ; 200 g de sucre en polvera ; 2 claras d'uòu ; 100 g de sucre glaça ; 60 cl d'aiga
Preparacion : 20 minutas ; coseson : un quart d'ora ; pausa : mièja-ora
Quichatz los lemons que servaretz aprèp los aver voidats. Fasètz calfar lo chuc obtengut, lo sucre, lo mèl e l'aiga fins a çò que lo sucre fonde a fèt. Puèi, daissatz cuèire un desenat de minutas a pichon bolh. Un còp refregit, mesclatz l'ensemble de temps en temps a la forqueta. Montatz las 2 claras d'uòu en nèu que tenga, ajustatz lo sucre glaça e contunhatz de foetar. Quand lo glacet comença de prene, ajustatz las claras en nèu, mesclatz plan, e zo ! al congelador.
Sortissètz mièja-ora abans de servir. Fasètz bòlas polidetas que n'emplenaretz vòstres mièg-lemons voides. Podètz decorar amb una fuèlha de menta.

Lire la suite

Occitan, Occitanie Programme des manifestations culturelles (janvier-juin 2017)

16 Décembre 2016 , Rédigé par Mirelha

Occitan, Occitanie Programme des manifestations culturelles (janvier-juin 2017)

Occitan, Occitania
Programa de las manifestacions culturalas (genièr-junh de 2017)

Los Archius departamentals d’Aude, en collaboracion amb l’Institut d’Estudis Occitans (Aude), organizan un cicle de conferéncias, de projeccions de films e de recitals a l'entorn de la mòstra presentada dins los locals del 14 de febrièr al 30 de junh de 2017,
24 de genièr de 2017, a 20h30
Projeccion del film de Yannick Séguier Le Midi viticole
Partida 1 Du Ier siècle avant Jésus-Christ à la Première Guerre mondiale
Luòc : Ostal del Departament, alèia Raymond Courrière a Carcassona (sala Gaston Defferre)

14 de febrièr de 2017, a 18h
Estrena de la mòstra Occitan, Occitania
Presentada als Archius departamentals d’Aude, 41 avenguda Claude Bernard Carcassona
Dobèrta al public del diluns al dijòus de 8h30 a 17h30 e lo divendres de 8h30 a 16h30
Prestacion musicala de Mans de Breish.
Lengadòc ièr, Occitania uèi : nòstra contrada ten son nom, dempuèi sègles, de la lenga que foguèt seuna, qu'es totjorn seuna. Mas de qué sabèm d'aquesta lenga, de sas originas, de son espandiment, dels combats qu’engimbrèt ? Los Archius departamentals d’Aude, amb lo concors de l’Institut d’estudis occitans, vos convidan a trapar responsas a aquestas questions en vistalhant la mòstra consacrada a la lenga occitana, a sos usatges e als moviments que n'assegurèron la defensa, dempuèi l'Edat mejana (primièras aparicions dins las cartas de tèrmes occitans als sègles 10-11) fins a las annadas 1970-75 (moviments occitanistas), sens doblidar lo Felibritge. Documents originals, objèctes, afichas, papierons, fotografias e òbras d’art son estats recampats per vosaus per vos faire tornar viure un passat recent o vièlh.

28 de febrièr de 2017, a 20h30
Projeccion del film de Yannick Séguier Le Midi viticole
Partida 2 Des lendemains de la Première Guerre mondiale à la reconstruction du vignoble
Luòc : Ostal del Departament, alèia Raymond Courrière a Carcassona (sala Gaston Defferre)

14 de març de 2017, a 20h30
Recital de Claudi Martí, cantaire occitan
Luòc : Archius departamentals d’Aude, 41 avenguda Claude Bernard a Carcassona

21 de març de 2017, a 20h30
La Santa-Estèla de 1893 a Carcassona
Conferéncia de Felip Martèl, professor de las Universitats
Luòc : Archius departamentals d’Aude, 41 avenguda Claude Bernard a Carcassona

28 de març de 2017, a 20h30
Recital de la corala Canti Canta
Luòc : Archius departamentals d’Aude, 41 avenguda Claude Bernard a Carcassona

9 de mai de 2017, a 20h30
Desrabar, colleccionar, descriure ? L’occitan fàcia a las enquistas suls pateses (fin del sègle 18-debuta del sègle 20)
Conferéncia de Domenge Baudreu, director del Centre d'arqueologia medievala de Lengadòc (C.A.M.L.)
Luòc : Archius departamentals d’Aude, 41 avenguda Claude Bernard a Carcassona

23 de mai de 2017, a 20h30
L’occitan dins l’escòla francesa
Conferéncia de Yann Lespoux, mèstre de conferéncias a l’Universitat Paul Valéry de Montpelhièr
Luòc : Archius departamentals d’Aude, 41 avenguda Claude Bernard a Carcassona

30 de mai de 2017, a 20h30
Escriure en òc (del sègle 19 a uèi e deman)
Conferéncia-lectura d’Alan Roch, Institut d’Estudis Occitans (Carcassona)
Luòc : Archius departamentals d’Aude, 41 avenguda Claude Bernard a Carcassona

7 de junh de 2017, a 20h30
Recital de la corala Le Chiffon rouge (Narbona)
Luòc : Archius departamentals d’Aude, 41 avenguda Claude Bernard a Carcassona

Occitan, Occitanie
Programme des manifestations culturelles (janvier-juin 2017)

Les Archives départementales de l’Aude, en collaboration avec l’Institut d’Etudes Occitanes (Aude), organisent un cycle de conférences, de projections de films et de récitals autour de l’exposition présentée dans leurs locaux du 14 février au 30 juin 2017,
24 janvier 2017, à 20h30
Projection du film de Yannick Séguier Le Midi viticole
Partie 1 Du Ier siècle avant Jésus-Christ à la Première Guerre mondiale
Lieu : Hôtel du Département, allée Raymond Courrière à Carcassonne (salle Gaston Defferre)

14 février 2017, à 18h
Inauguration de l’exposition Occitan, Occitanie
Présentée aux Archives départementales de l’Aude, 41 avenue Claude Bernard à Carcassonne
Ouverte au public du lundi au jeudi de 8h30 à 17h30 et le vendredi de 8h30 à 16h30
Prestation musicale de Mans de Breish.
Languedoc hier, Occitanie aujourd’hui, notre région tire son nom, depuis des siècles, de la langue qui fut la sienne, qui est toujours la sienne. Mais que sait-on de cette langue, de ses origines, de sa diffusion, des combats qu’elle suscita ? Les Archives départementales de l’Aude, avec le concours de l’Institut d’études occitanes, vous invitent à répondre à ces questions en visitant l’exposition consacrée à la langue occitane, à ses usages et aux mouvements qui en ont assuré la défense, depuis le Moyen Age (premières apparitions dans les chartes de termes occitans aux Xe-XIe siècles) jusqu’aux années 1970-75 (mouvements occitanistes), sans oublier le Félibrige. Documents originaux, objets, affiches, tracts, photographies et œuvres d’art ont été réunis à votre intention pour vous faire revivre ce passé proche ou lointain.
28 février 2017, à 20h30
Projection du film de Yannick Séguier Le Midi viticole
Partie 2 Des lendemains de la Première Guerre mondiale à la reconstruction du vignoble
Lieu : Hôtel du Département, allée Raymond Courrière à Carcassonne (salle Gaston Defferre)
14 mars 2017, à 20h30
Récital de Claude Marti, chanteur occitan
Lieu : Archives départementales de l’Aude, 41 avenue Claude Bernard à Carcassonne
21 mars 2017, à 20h30
La Sainte-Estelle 1893 à Carcassonne
Conférence de Philippe Martel, professeur des Universités
Lieu : Archives départementales de l’Aude, 41 avenue Claude Bernard à Carcassonne
28 mars 2017, à 20h30
Récital de la chorale Canti Canta
Lieu : Archives départementales de l’Aude, 41 avenue Claude Bernard à Carcassonne
9 mai 2017, à 20h30
Éradiquer, collectionner, décrire ? L’occitan face aux enquêtes sur les patois (fin XVIIIe-début XXe siècle)
Conférence de Dominique Baudreu, directeur du Centre d'archéologie médiévale du Languedoc (C.A.M.L.)
Lieu : Archives départementales de l’Aude, 41 avenue Claude Bernard à Carcassonne
23 mai 2017, à 20h30
L’occitan dans l’école française
Conférence de Yann Lespoux, maître de conférences à l’Université Paul Valéry à Montpellier
Lieu : Archives départementales de l’Aude, 41 avenue Claude Bernard à Carcassonne
30 mai 2017, à 20h30
Écrire en oc (du 19e siècle à aujourd’hui et demain)
Conférence-lecture d’Alan Roch, Institut d’Études Occitanes (Carcassonne)
Lieu : Archives départementales de l’Aude, 41 avenue Claude Bernard à Carcassonne
7 juin 2017, à 20h30
Récital de la chorale Le Chiffon rouge (Narbonne)
Lieu : Archives départementales de l’Aude, 41 avenue Claude Bernard à Carcassonne

Lire la suite
<< < 1 2 3 4 5 6 7 8 9 10 > >>