Overblog
Editer l'article Suivre ce blog Administration + Créer mon blog
occitan-aude.over-blog.com

INFORMACIONS PER ENTAMENAR JUNH DE 2021

1 Juin 2021 , Rédigé par Mirelha

• ADIEU AL MIQUÈL DECÒR

Nòstre amic e poèta Miquèl Decòr, ancian president de la Seccion audenca de l’Institut d’Estudis occitans nos a quitats aqueste dijòus 27 de mai.

Sos obsèquis se debanaràn aqueste dimècres 2 de junh a 3 oras del vèspre en la glèisa de Bisan de Menerbés.

L’IEO-Aude fa part de son sosten e de tota son amistat a sa familha e a sos amics.

Una biografia-omenatge serà publicada dins l’edicion d’aqueste dimars 1èr de junh del Jornalet(jornalet.com)

L’IEO-Aude e Troba-Vox publicaràn un recuèlh d’omenatges que recamparà poèmas e testimoniatges de sos amics.

 

INFORMACIONS PER ENTAMENAR JUNH DE 2021

• MERCEJAMENTS E MOBILIZACION

L’IEO-Aude merceja totas las e totes los qu’an pres part d’un biais o d’un autre a las manifestacioins d’aqueste dissabte 29 de mai per l’occitan e per que viscan las lengas de França. Demoratz mobilizats que la batèsta serà longa, mas faràn pas plegar nòstra determinacion !

INFORMACIONS PER ENTAMENAR JUNH DE 2021

• BOLEG’AL SÒL A PEPIUS

L’edicion de 2021 de Boleg’Al Sol, a l’iniciativa de Music’Al Sòl e dins l’encastre del Total Festum, amb un programa de tria vos espèra a Pepius :
- dijòus 3 : Paulina Kamakina e lo parelh femenin provençal Ajapron
- divendres : concèrt del Barrut
- dissabte : Miss Guindoules de la Pompette e la creacion Roge de la Mal-Cofada
- dimenge, jornada dels pichons amb las Miss Guindoules e l’espectacle Leona per la mal-Cofada.

Per ne saupre mai : www.musicalsol.fr

INFORMACIONS PER ENTAMENAR JUNH DE 2021

• TOTAL FESTUM EN VAL DE DANHA

Del 29 de mai al 28 de junh, es un programa Total festum plan ric que vos presenta L’Abribus dins 11 comunas amb un vintenat d’animacions.

Per mai d’informacions : https://www.facebook.com/abribus.montlaur

• DEBUTA DEL FESTENAL LOS TROBADORS CANTAN L’ART ROMANIC

Primièr rendètz-vos de la sason 2021 del Festenal Los Trobadors cantan l’Art Romanic aqueste dimenge 6 de junh al castèl de Puègverd (15h30) amb una conferéncia cantada de Sandra Hurtado-Ros e Gerard Zuchetto e los cants del parelh Beatritz-Miliame.

- Autre rendètz-vos audenc del mes : Concèrt a l’abadiá de Sant-Ilari lo dissabte 19 de junh a 6 e mièja del vèspre amb l’ensemble Witiza Concert.
- Per saupre totas las datas, conèisser los luòcs, descobrir los artistas : https://festival-troubadoursartroman.fr/

 

• LO DIMARS 15 DE JUNH EN CABARDÉS

Lo dimars 15 de junh, vos caldrà causir entre :

- la representacion de Leona per la Mal-Cofada al teatre Na Loba de Puègnautièr (programacion ATP, amb lo concors de l’IEO-aude)
- la projeccion en serada a l’Ostal de Cabardés d’Argon del film sus la fanfara de Menerbés « Des couacs et des poètes » a l’iniciativa de Fasètz la Lenga en Cabardés https://www.facebook.com/fasetzlalenga/

Partager cet article
Repost0
Pour être informé des derniers articles, inscrivez vous :
Commenter cet article