FÈSTA DE LA MUSICA A LA CIUTAT DE CARCASSONA 21 de junh de 2021

FÈSTA DE LA MUSICA A LA CIUTAT DE CARCASSONA

Aqueste diluns 21 de junh, lo Cercle Occitan del País de Carcassona e lo còr Canti Canta vos balhan rendètz-vos per festejar la musica a 19h15 o a 21h15 dins la cort de la Calandreta de Ciutat (carrièra del Plò, a la Ciutat de Carcassona).

Un encastre tranquille e significatiu per compartir unes cants tradicionals d’Occitania e del sud d’Euròpa.

L’associacion carcassonesa Canti-Canta a per tòca la preservacion e la mesa en valor dels cants, danças e instruments de las musicas de tradicions oralas, d’aicí o d’endacòm mai. Se trabalha principalament sul Patrimòni Cultural Immaterial occitan, los escambis amb d’autres airals culturals son fondamentals e instructius. Estagis, projèctes pedagogics e talhièrs setmanièrs de transmission son proposats long de l’an.

En aqueste primièr jorn d’estiu, vos cal pas mancar aqueste moment musical original que metrà en abans cants e lenga d’Òc.

Rendètz-vos mes sus pè per Canti-Canta, amb la participacion de la Calandreta de Carcassonae de l’IEO-Aude, amb lo sosten de la vila de Carcassona e del Conselh Departamental d’Aude – Dintrada liura – Respècte de las nòrmas sanitàrias en vigor. Nombre d’espectators limitat. Public assetat. Durada del concèrt : 3/4 d’ora.