Overblog
Editer l'article Suivre ce blog Administration + Créer mon blog
occitan-aude.over-blog.com

L’ADIEU AL ROBÈRT MARTÍ (mai de 2021)

8 Mai 2021 , Rédigé par Mirelha

L’ADIEU AL ROBÈRT MARTÍ

 

L’ADIEU AL ROBÈRT MARTÍ (mai de 2021)

Lo Robèrt Martí nos a quitats aqueste dimècres 5 de mai. L’occitan pèrd un de sos grands obrièrs.

Militant cultural, foguèt d’annadas lo president eficaç de l’Institut d’Estudis Occitans. Menèt en particulièr una accion bèla per la professionalizacion de las edicions de l’associacion, amb la mesa en plaça d’IDECO. Noiriguèt la revista Occitans ! de son seguit de l’actualitat dins d’editorials que picavan just. Lo tot sens daissar de caire una òbra escrita personala de qualitat. Butèt a la ròda per la dobertura de l’Ostal Bodon.

Per plan de monde, èra conegut jos son escais d’artista comic : Padena. La berreta sul cap, una blòda e l’aire pèc e aluserpit a l’encòp, exercèt son talent dins son restaurant La Grépia abans de córrer los emponts de tota Occitania per combatre per la fòrça del rire la malasòrt que ne patisson nòstra lenga e nòstra cultura.

Militant engatjat dins la vida sociala e politica, sapièt metre en abans lo ròtle de Puèglaurenç per installar Marianna coma simbòl popular de la Revolucion e de la Republica. Doblidarem pas tanpauc sa dobèrtura sul monde, los ligams fòrts amb Catalonha, mas tanben amb los Indians e plan d’autres.

Robèrt a escrit paginas bèlas de l’accion occitana : a nosaus de plan saupre faire virar e virar encara paginas novèlas.

L’Institut d’Estudis Occitans-Aude fa part de tota son amistat e son sosten a Josiana, a sa familha e a sos amics. (fotografia Domenja Lekuana. Universitat occitana d'estiu, La Grépia 2010)

Partager cet article
Repost0
Pour être informé des derniers articles, inscrivez vous :
Commenter cet article

subils 08/05/2021 16:46

un grand merce a nostra padena per tot ço que faguet per la lenga.Te doblidarèm jamai.

Mirelha 08/05/2021 11:29

La fòto es estada falta a l'Estivada de Rodés e non pas a l'Universitat de la ... Guépia (e non pas La Grépia)...