NOVEMBRE EN BLANC : LO NON-CALENDIÈR

NOVEMBRE EN BLANC : LO NON-CALENDIÈR

Aurem pas la missantisa de vos dire tot çò qu’èra previst d’animacions occitanas dins lo mes de novembre e que se farà pas en rason del reconfinhament.

• L’IEO-Aude aviá prevista l’AG de 2020 (ja remandada de la prima) al 14 de novembre. Fin finala, a mandat lo rapòrt d’activitats a las aderentas e als aderents en los convidant de votar per correspondéncia.

• Lo monde que son pas encara abonats a la letra quotidiana Internet d’informacion de l’IEO-Aude : Lo Jornalièr Audenc se pòdon faire marcar : ieo11@ieo-oc.org

• Profitatz del confinhament per legir occitan. Vos senhalam :

- la reedicion de l’Òbra poetica del Leon Còrdas cò d’IEO-IDECO

https://ideco-dif.com/ieo_edicions/classics_occitans/obra_poetica/

- l’edicion en francés del Batèu de pèira : Le bateau de pierre, de Georges Gros

- la reedicion del roman de Joan Bodon : Lo libre dels grands jorns

- unas reviradas, dins la colleccion Flor envèrsa :

del castelhan : Miguel de Unamuno : Sant Manuel lo Bon, martir

del portugués : José Maria Eça de Queiroz : Lo mandarin

- una plega novèla d’A Tots https://www.facebook.com/IEO1945/posts/191067262432770/ :

Joan Ganhaire : Vent de sable, roman

Romièg Jumèu : La granda timonariá, raconte

Florian Vernet : Metaf(r)iccions a Collisioncity, roman

Sèrgi Viaule : Dança amb los voltres, novèlas

Totas las informacions sus : https://ideco-dif.com/

• Prenètz part al concors de novèlas del Lector del Val :

- frasa de debuta : "Aquel jorn, se n'èra anada vendre los uòus al mercat, coma cada dijòus."

- tèxte de mandar d’aicí lo 10 de febrièr de 2021

- règlament e inscripcion : https://www.lecteurduval.org/pdf/reglament_2020-21.pdf

Anem : amb l’esper de vos balhar a la fin de novembre una tièra d’activitats e de rendètz-vos per decembre e per 2021.

Tenètz-vos fièrs !