JORNADA DEL DISSABTE 10 D’OCTÒBRE POUR QUE VIVENT NOS LANGUES

JORNADA DEL DISSABTE 10 D’OCTÒBRE

POUR QUE VIVENT NOS LANGUES

L’Institut d’Estudis Occitans-Aude lança una crida a sas aderentas e aderents e a totas las amigas e los amics de la lenga d’Òc per prene part als recampaments organizats a l’iniciativa del collectiu d’associacions de las lengas de França : Pour Que Vivent Nos Langues (http://www.pourqueviventnoslangues.com) e, en particulièr, als recampaments de Montpelhièr e Carcassona.

• MANIFESTACION A MONTPELHIÈR

https://www.facebook.com/events/752071805341210

- a 11h : acamp public (sala Pelloutier a Antigòna) en preséncia de la premsea e dels elegits (mèfi : en rason de la COVID, 80 personas al mai poiràn prene part a l’acamp)

- a comptar de 12h30, passa-carrièra fins a l’Esplanada : recampament festiu, poetic e musical

• RECAMPAMENT A CARCASSONA

La Calandreta de Carcassona, lo Cercle Occitan del País de Carcassona e l’IEO-Aude vos convidan a participar al recampament d’una mièja-orada darrièr la bandeiròla « Pour Que Vivent Nos Langues » aqueste dissabte de matin 10 d’octòbre, a 11 h del matin, a la pòrta de la Prefectura de Carcassona.

Fasètz seguir bandièras, vestissètz-vos de roge e de jaune,…: la tòca es, en mai de la protèsta per demandar una organizacion eficaça de l’ensenhament de las lengas de França, de mostrar la dinamica del moviment (mercé a las fotografias que seràn presas).

Respectatz los gèstes-cledas.