Overblog
Editer l'article Suivre ce blog Administration + Créer mon blog
occitan-aude.over-blog.com

Literatura d''òc en setembre / Littérature occitane en septembre

28 Août 2020 , Rédigé par Mirelha

L’ESCRIT OCCITAN A L’ONOR

La situacion actuala permet pas a l’IEO-Aude d’organizar sos rendètz-vos de setembre a l’entorn dels escrivans e dels libres occitans Escritura ; çaquelà, unes rendètz-vos bèls vos espèran.

 ESCRITS OCCITANS A CIUTAT

Diluns 31 d’agost, a 18h30 (dintrada liura), a l’Ostalariá del Donjon, Ciutat de Carcassona, lo rendètz-vos Bulles & Mots es consacrat als Escrits occitans.

Alan Roch presentarà tres obratges que parlan :

d’espòrt : Lo XIII, aquò òc !, obratge collectiu (IEO-Vendémias, 2018)

- d’istòria : Ieu, Joan Pigassa, obrièr del canal, la revirada en òc del libre de Michèle Teysseyre (IEO-Vendémias, 2019)

- de conte popular : Joan de l’Ors/Jean de l’Ours, tèxte d’A. Roch e illustracions d’Elsà Huet (Ed. du Cabardès, 2020).

A l’entorn d’una copa de blanqueta, l’autor parlarà de cada libre e escambiarà amb l’auditòri.

Literatura d''òc en setembre / Littérature occitane en septembre

• MAX ROQUETA E LO SECRET DE L’ÈRBA, A LESINHAN

L’òbra de Max Roqueta serà a l’onor a l’Ostal Gibèrt de Lesinhan amb :

- la presentacion de la mòstra-omenatge de fotografias de Jòrdi Souche : Secret de l’èrba del divendres 4 de setembre al divendres 2 d’octobre (mòstra dobèrta cada vèspre de 2 a 6 oras del dimars al dissabte ; e tanben : de 9 oras a miègjorn, lo dimècres). Per ne saber mai, consultar : http://www.georges-souche.com/

L’estrena se tendrà aqueste divendres 4 de setembre a 6 oras e mièja del vèspre

- una conferéncia de Josiana Ubaud lo divendres 25 de setembre (6 e mièja del vèspre) que presentarà « Max Roqueta, prince de las èrbas lentas ».

Aquestes rendètz-vos son proposats per l’IEO-Aude en partenariat amb l’associacion Espace Gibert e amb lo sosten del Conselh departamental d’Aude e de l’Ofici Public per la Lenga Occitana.

Literatura d''òc en setembre / Littérature occitane en septembre

 OMENATGE AL JOAN-PAU VERDIÈR

Per faire bona mesura, ajustarem l’intervencion de Claudi Martí lo dissabte 12 de setembre a Traussan de Menerbés (cort de l’escòla, 4 oras del vèspre) per parlar del Joan-Pau Verdièr qu’aviá balhat son acòrdi per venir a aqueste rendètz-vos mes sus pè pel Centre Joë Bousquet suls escrits libertaris. 

L’intervencion de Claudi Martí se farà aprèp la presentacion d’un libre que recampa los escrits libertaris d’Albèrt Camus, escrits entre 1948 e 1960.

Partager cet article
Repost0
Pour être informé des derniers articles, inscrivez vous :
Commenter cet article