PRENE EN COMPTE LA DIMENSION CULTURALA / PRENDRE EN COMPTE LA DIMENSION CULTURELLE

PRENE EN COMPTE LA DIMENSION CULTURALA

Vaquí lo tèxte de contribucion del CA de l’IEO-Aude a la discutida ciutadana dobèrta pel Conselh Departamental d’Aude sul « monde d’aprèp » en 2 versions : occitan, puèi francés.

La pandemia del coronavirus e las mesuras de confinhament son las causas d’una situacion a l’encòp umana, sociala e economica plan marrida.

A mai d’un nivèl, d’Euròpa a las comunas, - e lo Conselh departamental d’Aude i pren sa part - unes plans se meton en plaça per respondre a aquesta situacion per que la vida pòsque tornar prene un cors normal mas en tenent larjament compte de las leiçons a tirar d’aqueles moments malaisits, en particulièr sus las malafachas d’una mondializacion decabestrada sens autra lei que la del profit d’unes rapòrt a las populacions, la necessitat del reviscòl d’una agricultura de proximitat e de la relocalizacion d’unas activitats industrialas e artesanalas sul fons de l’enjòc ecologic bèl que representan las mesuras de prene contra lo rescalfament climatic e per la salvagarda de la biodiversitat.

A parlar de biodiversitat, ne venèm sul tarrenc que nos concernís coma associacion de coneissença e de promocion de la lenga e de la cultura occitanas : la biodiversitat culturala e linguistica. La transmission de la lenga (e l’occitan segon l’UNESCO es en perilh bèl), la relacion de las femnas e dels òmes amb lor territòri de vida, una educacion viva e concrèta pels enfants e pels joves e aicí las referéncias a las nocions de Paratge e de Convivéncia (vectors del viure ensemble e de respècte de totes) devon servir de ligam, de plantolièr a las politicas novèlas per anar cap al « monde d’aprèp ».

Es per aquò que l’Esquèma departamental per l’espandiment de l’occitan deu pas demorar un simple tèxte de referéncia, mas se transformar en un punt-clau d’una accion culturala (e al-delà) de las politicas novèlas. S’agís pas de faire plaser als occitanofònes e als occitanistas : la presa en compte de la dimension occitana visa a una apropriacion per totes a l’encòp coma enrasigament sus un territòri e una dobertura al monde. Sens presa en compte, sens aquela adaptacion a las realitats istoricas, geograficas, socialas, culturalas e umanas d’Aude, coma de totas las regions d’Occitania (de Niça a Bordèu e de Lemòtges a Pau), totas las mesuras perdrián una brava part de pertinéncia e de capacitat de dinamica e de mobilizacion de las Audencas e dels Audencs.

Per una multiplicitat d'Audencas e d’Audencs plan dins lor cap serà pas solament un ben-èsser personal : aquesta identitat assumida regisclarà sul vam economic (amb la possibilitat d’emplecs novèls) e la populacion poirà èsser efectivament una ambaissadora del país per un torisme que siague pas solament de passatge rapide.

Amb aquela presa en compte, lo Volèm Viure Al País serà pas solament sovenir e referéncia a un moviment del sègle 20 mas un engatjament bèl, actiu e constructiu per ara e per deman.

PRENDRE EN COMPTE LA DIMENSION CULTURELLE

La pandémie du coronavirus et les mesures de confinement sont les causes d’une situation à la fois humaine, sociale et économique bien difficile.

À plusieurs niveaux, de l’Europe aux municipalités, et le Conseil départemental de l’Aude yprend sa part, des plans se mettent en place pour répondre à cette situation afin que la vie puissereprendre un cours normal mais en tenant largement compte des leçons à tirer de ces moments complexes, en particulier sur les méfaits d’une mondialisation excessive sans autre loi que celledu profit de certains au détriment des populations, la nécessité du renouveau d’une agriculture de proximité et de la relocalisation d’activités industrielles et artisanales sur fond de l’important enjeu écologique que représentent les mesures à prendre contre le réchauffement climatique et pour la sauvegarde de la biodiversité.

Et, à propos de biodiversité, nous en venons au sujet qui nous concerne en tant qu’association de connaissance et de promotion de la langue et de la culture occitanes : la biodiversité culturelle et linguistique. La transmission de la langue (et l’occitan selon l’UNESCO est en grand danger), la relation des femmes et des hommes avec leur territoire, une éducation vivante et concrète pour les enfants et pour les jeunes et ici les références aux notions de Paratge et de Convivéncia (vecteurs du vivre ensemble et du respect de tous) doivent servir de lien et de socle aux politiques nouvelles pour aller vers le « monde d’après ».

C’est pour cela que le Schéma départemental pour le développement de l’occitan ne doit pas rester un simple texte de référence, mais se transformer en un point-clé d’une action culturelle (et pas seulement) des politiques nouvelles. Il ne d’agit pas de faire plaisir aux occitanophones et auxoccitanistes : la prise en compte de la dimension occitane vise une appropriation par tous à la fois comme un enracinement sur un territoire et une ouverture au monde. Sans prise en compte, sans cette adaptation aux réalités historiques, géographiques, sociales, culturelles et humaines de l’Aude, comme de toutes les régions d’Occitanie (de Nice à Bordeaux et de Limoges à Pau), toutes les mesures perdraient une grande part de pertinence et de capacité de dynamique et de mobilisation des Audoises et des Audois.

Un grand nombre d'Audoises et d’Audois bien dans leur tête ne saura se satisfaire d’une notion de bien-être personnel : cette identité assumée rejaillira sur le dynamisme économique (avec la possibilité d’emplois nouveaux) et la population pourra être effectivement une ambassadrice d’un tourisme qui ne sera pas seulement constitué de passages-éclairs.

Avec cette prise en compte, le Volèm Viure Al País ne sera pas seulement un souvenir et une référence à un mouvement du 20ème siècle mais un engagement fort, actif et constructif pourmaintenant et pour demain.