Leguminosas e Cartagena en novembre de 2019

LEGUMINOSAS E CARTAGÈNA

• Aquesta setmana, del 12 al 15 de novembre, a Puègnautièr, l'IEO-Aude organiza sa Setmana de las Sabors consacrada a las leguminosas : césers, dentilhas, favas, mongetas, peses…

- Aqueste dimars a 6 e mièja del vèspre, sala de la Tor : estrena de la mòstra originala ; lecturas pel grop Parlatge-IEO ; aperitiu leguminós

- Aqueste dimècres a 3 oras del vèspre, sala Na Loba : contes jove public La princessa e la dentilha per l'Alan Roch ; espertinar leguminós

- Aqueste dimècres, a 6 e mièja del vèspre, a l'Ostal Sirventés : talhièr dobèrt d'occitan sul vocabulari de las leguminosas

- Divendres 15, a 6 e mièja del vèspre, sala Na Loba : los Contes del Manjafavas del Joan-Jaume Delpotz ; en seguida, sala de la Tor : lo sopar-leguminosas (12 € ; sus inscripcion : 04.68.25.19.78 o ostal.sirventes@wanadoo.fr)

Manifestacion a l'iniciativa de l'IEO-Aude e del Cercle Occitan del País de Carcassona, amb lo sosten de la Comuna de Puègnautièr, del Departament d'Aude e de l'OPLO ; amb la participacion del Grop Aqüarèla, de Ràdio-Lenga d‘Òc-Narbona, de RCF-Pays d'Aude e del Servici Cultural de Puègnautièr.

BATEJALHAS DE LA CARTAGÈNA DE CARLESMANHE

• Lo divendres 22 de novembre, al Celièr del Licèu Carlesmanhe, se debanaràn las batejalhas de la cartagèna de l'establiment etiquetada en occitan.

Al programa : 

18h : Acuèlh

18h30 : Conferéncia destimborlada del Professor Chumaire : La cartagèna, aquò òc !

19h : Cants de vinha e de vin, pel grop vocal Cossí que Siague

19h30 : Presentacion de la cartagèna e dels vins del Licèu, per Livia Hustaix, celairièra

20h : Un pichon còp de cartagèna !

Lo Celièr del Licèu se trapa rota de Sant-Ilari a Carcassona.