Overblog
Editer l'article Suivre ce blog Administration + Créer mon blog
occitan-aude.over-blog.com

ANGLADA, ESTIEU, LA BODEGA, LOS CATARS : 4 RENDÈTZ-VOS BÈLS PER ACABAR OCTOBRE

12 Octobre 2018 , Rédigé par Mirelha

ANGLADA, ESTIEU, LA BODEGA, LOS CATARS :

4 RENDÈTZ-VOS BÈLS PER ACABAR OCTOBRE


* Parlem primièr de literatura occitana :
• Lesinhan festeja Josèp Anglada

Josep Anglada https://oc.wikipedia.org/wiki/Josèp_Angladanasquèt (1868) a Lesinhan e moriguèt a Tolosa (1930).

Foguèt un filològue e un romanista de tria. S'interessèt als trobadors. Publiquèt sus Guiraut Riquièr, Pèire Ramon de Tolosa, las Leis d'Amor, la Canso, … Ne faguèt una antologia, mas s'interessèt tanben a la gramatica de l'occitan ancianhttps://gallica.bnf.fr/ark:/12148/bpt6k255748j.r=Occitania.langENen signant obratges que fan uèi encara referéncia. Fondèt l'Institut d'Estudis Meridionals.

De segur, Anglada èra felibre. Jos mai d'un nom d'escais, escriguèt tèxtes mai leugièrs e mai risolièrs que sos libres de saberut. Per completar lo retrait, cal dire qu'es el que menèt lo primièr balon ovala dins la capitala de Corbièras que li dediquèt un monument tre 1933 e balhèt son nom al Collègi local.

En aqueste mes d'octobre, del 11 al 26, la Mediatèca de la vila presenta una mòstra amb documents (meses a disposicion pels Archius d'Aude e lo CIRDOC) e prepausa doas conferéncias :
- dissabte 13, a 11 h : Aurelian Bertrand parlarà sul tèma « Anglada e los trobadors »
- dimècres 17, a 18 h : Joan Tomàs presentarà « Anglada, fondador de l'Institut d'Estudis Meridionals ».

ANGLADA, ESTIEU, LA BODEGA, LOS CATARS :  4 RENDÈTZ-VOS BÈLS PER ACABAR OCTOBRE

• Poètas al pè de la Montanha Negra
A Raissac de Lampin, a la debuta del sègle 20, lo mèstre d'escòla se disiá Prospèr Estieu https://oc.wikipedia.org/wiki/Prospèr_Estieu. Al vilatge, en 1924, s'enterrèt lo Casimir Clòtashttps://www.lindependant.fr/2018/01/13/casimir-clottes-enfant-de-l-aude-et-homme-illustre,3087454.phpque Loís Albèrt ne recampèt sos poèmas dins lo recuèlh A la claror del calelh(1932). Los dos poètas seràn celebrats lo 20 e lo 21d'aqueste mes dins unas jornadas dedicadas als « Escrivans del territòri » ont, a costat del poèta Pierre Reverdy o de l'academician Jean Géhenno, se trapan tanben Ipolit Fargas (cònsol republican d'Alzona al sègle 19)https://gallica.bnf.fr/ark:/12148/bpt6k5723089x.texteImagequ'escriviá en òc e lo curat Nérié que fasiá sermons e cantsoccitanica.eu/omeka/items/show/11744en lenga nòstra a la debuta del sègle 19.

Per Estieu, se veirà la mòstra realizada pel CIRDÒC que lo presenta còsta son mèstre, August Forés ; la Sofia de Dixmude jogarà bodega per apiejar sos poèmas sus aquel instrument ; En Falcó balharà una conferéncia lo dissabte de vèspre (« Fourès, Vidal, Estieu, trois poètes au cœur de l'Occitanie ») e, en seguida, unes de sos tèxtes seràn l'objècte d'una lectura teatralizada.

Lo dimenge de vèspre, se parlarà del Casimir Clòtas e se legirà unes de sos poèmas abans lo concèrt final de l'ensemble vocal Canti-Canta.

De mai, los pichons de la Calandreta de Carcassona son estat filmats a dire sièis poèmas d'Estieu e dos de Clòtas (per ne saber mai : ieo11@ieo-oc.org).

ANGLADA, ESTIEU, LA BODEGA, LOS CATARS :  4 RENDÈTZ-VOS BÈLS PER ACABAR OCTOBRE

* Passem a la musica :

• La bodega a l'onor a Caudabronda, dissabte 20
L’associacion « Patrimoines, vallées des Cabardès » en partenariat amb « Caudebronde Loisirs », vos convida aqueste dissabte20 d'octobrea una descobèrta de la bodega(en français la boudègue), instrument que son istòria es ligada amb la Montanha Negra.
Passaretz lo vèspre e la serada amb Sofia e los escolans de bodega de Vilardonèl. 
Rendètz-vos a 4 e mièja del vèspre sus la plaça dels Tèlhs per un cort passa-carrièra, seguit a 5 oras d'una conferéncia-vidèo al fogal sus l'istòria de la bodega. 

A 7 oras, vendrà lo moment de l'aperitiu-concèrt abans lo sopar (freginat-castanhas) e un brave balèti digestiu en serada.
Pel sopar (15 €) se cal marcar d'aicí diluns 15 : patrimoines.val.descabardes@gmail.com, o 04 68 26 56 33 o 04 68 47 29.

Per ne saber mai : patrimoines.val.descabardes@gmail.com,


* Una granda pagina d'istòria : 

• A las fonts del catarisme, entre Carcassona e Masamet
Al moment ont d'unes fan la una de la premsa locala en escriguent que jamai de la vida i agèt catars en Lengadòc (???!), vaquí la tenguda d'unas jornadas d'estudis (plan mai seriosas) que se debanaràn entre Carcassona e Masamet del 25 al 27 d'octobreper espepissar las fonts del catarisme : « Aux sources du catharisme »

Una manifestacion a l'iniciativa del CIRCAED (Collectif International de Recherche sur le Catharisme Et les Dissidences).

Lo dijòus, las sesilhas de trabalh se tendràn a la Ciutat de Carcassona (castèl comtal). Lo divendres, temps de passejada amb una vesita dels castèls de Cabaret. Lo dissabte 27, novèla jornada d'estudis al Palais dels Congrèsses de Masamet.

Istorian(a)s de la contrada, de París, d'York, de Brno, de Nimèga, d'Ais-Marselha, de Pisa e de Milan prendràn part a aquestas jornadas.

 

ANGLADA, ESTIEU, LA BODEGA, LOS CATARS :  4 RENDÈTZ-VOS BÈLS PER ACABAR OCTOBRE
Partager cet article
Repost0
Pour être informé des derniers articles, inscrivez vous :
Commenter cet article