Overblog
Editer l'article Suivre ce blog Administration + Créer mon blog
occitan-aude.over-blog.com

CONTES A GREFUÈLH

10 Août 2018 , Rédigé par Mirelha

CONTES A GREFUÈLH

A l'iniciativa de la Comuna e de la Bibliotèca de Grefuèlh, en collaboracion amb lo Servici Environament del Conselh departamental d'Aude e la Bibliotèca departamentala, de la Comunautat de Comunas del Limosenc, aqueste divendres 17 d'agost de 2018 se debanarà la passejada del camin dels Plòs. Rendètz-vos a 5 oras del vèspre al punt d'acuèlh del camin amb lo contaire Alan Roch.

Auretz lo privilègi de veire desvelat lo secrèt bèl del bòsc de Grefuèlh, una istòria dessenhada sus las parets de l'ostalon de fusta. Una abelhòta partís en cèrca de l'indispensabla grana de la prima. Qual l'ajudarà dins sa quista : l'agla, l'esquiròl, la lèbre, lo taisson, lo cabiròl, lo singlar, lo rainal o lo pic ? D'autres contes, ont las bèstias tenon un ròtle de primièra, acompanharàn la passejada per la sèlva.

Un sopar clavarà la manifestacion (Inscripcions :  06 83 56 05 17 o 04 68 69 40 40 o  mairiedegreffeil@orange.fr).Pichons e grands pòdon prene part a la passejada sens dificultat.

• La grana de la prima – Lo secrèt del bòsc de Grefuèlh es tanben una brocadura de la colleccion Farfadet (IEO-Aude) : setze paginas illustradas per Enrico Cangini (coma l'esquiròl qu'illustra aqueste article) que compren lo conte signat per Alan Roch, una pagina d'informacions sul camin dels Plòs e doas paginas de Dires de las bèstias.

Lo libre : 5 € (+ 1,60 € pel mandadís) se pòt comandar a l'IEO-Aude BP 51042 11860-Carcassona Cedex

La brocadura serà presentada a Grefuèlh aqueste divendres 17 d'agost.

Esquiròl

Esquiròl

Partager cet article
Repost0
Pour être informé des derniers articles, inscrivez vous :
Commenter cet article