Overblog
Editer l'article Suivre ce blog Administration + Créer mon blog
occitan-aude.over-blog.com

RENDÈTZ-VOS D'ESTIU E VIATGE DE TARDOR / Rendez-vous de l'été et Voyage d'automne

10 Juillet 2018 , Rédigé par Mirelha

RENDÈTZ-VOS D'ESTIU E VIATGE DE TARDOR

Aquí quauquas novèlas per vòstras sortidas del mes de julh e una idèia de dimenjada pel mes d'octobre :

• Òc-Catars-L'eiretatge

Lo Grop Òc presenta un espectacle sus la Crosada (1209-122') al castèl de Saissac ont senhoregèt Bertand de Saissac, Bon Òme, tutor puèi conselhièr de Trencavèl ! Quatre representacions se faràn los dijòus 12, 19 e 26 de julh e 2 d'agost a 9 oras e mièja de la nuèit.

http://www.audetourisme.com/diffusio/fr/a-voir-a-faire/fetes-et-manifestations/saissac/groupe-oc-cathare-heritage_TFOFMALAR011V50HETX.php

• Dobertura del Cafè del Marcelin Albèrt

Diluns 16 de julh, a Argelièrs, lo Marcelin Albèrt tornarà dobrir son cafè : a 6 oras del vèspre, estrena d'un trompa-l'uèlh ; a 18h15, lecturas ; a 19h, corala ; a 20h30, sopar 15 €) ; a 2 h, balèti 1900.http://www.cafemarcelinalbert.com/une-soiree-dete/une-soiree-dete-16-juillet-2015/

• Concors de sermon a Cucunhan

Dimècres 18 de julh de vèspre (3 oras), a Cucunhan, un concors de sermon dobrirà las 3 jornadas consacradas al conte a Cucunhan e Padèrn. Vos es pas interdit de venir proclamar en lenga nòstra :http://contoirduconte.fr/concours-de-sermons-conte-cucugnan/

• Mòstra Occitan, Occitania a Fanjaus

La mòstra realizada pels Archius Departamentals d'Aude en 2017 es presentada a l'Ostal Grammont de Fanjaus fins al 16 de setembre. Tres conferéncias (dintrada liura) acompanharàn la presentacion :

- dimars 24 de julh, 18h30 : Avètz dit occitan, Occitania ? (Alan Roch)

- dimars 31 de julh, 18h30 : Cosinas d'Occitania (Mirelha Braç)

- dimars 7 d'agost, 18h30 : L'imaginari occitan (Alan Roch)

• Viatge en Conflent e Cerdanya

Lo dissabte 13 e lo dimenge 14 d'octobre, Fasètz la Lenga en Cabardés organiza un viatge cultural en Conflent e Cerdanya. Totas las informacions e condicions d'inscripcion de veire sus :https://fr-fr.facebook.com/fasetzlalenga/

Partager cet article
Repost0
Pour être informé des derniers articles, inscrivez vous :
Commenter cet article