MÒSTRAS DE PRIMA / Expositions du printemps

Vos presentam doas mòstras :

- l'una a Lesinhan, a l'Ostal Gibèrt, del 20 d'abril al 18 de mai, consacrada al temps medieval en Occitania

- la segonda a Llançà de nòstra amiga Miquèla Estada.

ALIENÒR E LOS TROBADORS A LESINHAN

• Mòstras presentadas del divendres 20 d'abril al divendres 18 de mai : Camins de Trobar ; Alienòr d'Aquitània
• Estrena aqueste divendres 20, a 6 oras e mièja del vèspre.

• Autras mòstras presentadas a l'encòp : fotografias de Leon Erhardt, esculturas de J. Gosselin, pinturas de Annick Llory

• Conferéncia-lectura lo divendres 4 de mai a 18h30, dintrada liura : Tolosa, 1218 : punt istoric per Joan-Loís Gasc ; lectura (Cançon de la Crosada ; poèma August Forés) : Miquèla Stenta, Mirelha Braç, Alan Roch

* CAMINS DE TROBAR

A l’encòp creators, compositors, jonglaires, cantaires... los trobadors de l’Edat Mejana van donar naissença a una literatura lusenta, sorsa d’inspiracion per Euròpa tota : l’art del Trobar. Monges, senhors, de còps roturièrs, aqueles “trobaires” cantan la fin’amor (amor cortés) dins de poèmas magnifics que revelan un vertadièr trabalh suls mots, las rimas e lo son. Aquela mòstra, realizada pel C.R.E.M.M.-TROBAR, vos convida a descobrir unas de las grandas figuras de l’art del Trobar : Guilhem de Peitieus - primièr dels trobadors coneguts - Jaufré Rudel, Berenguier de Palazol... 

À la fois créateurs, compositeurs, jongleurs, chanteurs... les troubadours du Moyen Âge vont donner naissance à une littérature brillante, source d’inspiration pour l’Europe entière : l’art du Trobar. Moines, seigneurs, et parfois roturiers, ces «trouveurs» chantent la fin’amor (amour courtois) dans de magnifiques poèmes révélant un véritable travail sur les mots, les rimes et le son. Cette exposition, réalisée par le C.R.E.M.M-TROBAR, vous invite à découvrir quelques-unes des grandes figures de l’art du Trobar : Guilhem de Peitieus - premier des troubadours connus - Jaufré Rudel, Berenguier de Palazol... 

Manescrit de la Cançon de la Crosada (París)

Miquèla Estada, amiga del cercle occitan de Carcassona e tanben clavaira-adjunta de la seccion d'Aude de l'Institut d'Estudis Occitans, presentarà sas creacions de mòda (capèls, vestits, ...) a l'Ostal de la Cultura de Llançà en Catalonha sud del 21 d'abril al 8 de mai de 2018. Vos anatz regalar los uèlhs e auretz lo plaser de conversar amb la creatritz. 
Per ne saber mai : http://lesbibisdemimi11.over-blog.com

Comments

[estada michèle]

Merci mille fois c'est super et d'autant plus que mes dernières analyses sont bonnes et j'ai vu ma toubib à Toulouse aujourd'hui qui est très satisfaite . A leu

[Mirelha]

Doncas, tot va plan !