Overblog
Editer l'article Suivre ce blog Administration + Créer mon blog
occitan-aude.over-blog.com

Temps de Nadal 2017 al Cercle occitan de Carcassona

11 Décembre 2017 , Rédigé par Mirelha

SOPA DE PEISSES PER NADAL

A l’Ostal Sirventés (79, la Trivala, Carcassona), lo Temps de Nadal serà virat ongan cap a la mar, als rius e als peisses amb tres animacions entitoladas “Sopa de peisses” :

- Lo divendres 15 de decembre (18 h 30) se farà l’estrena d’una mòstra de pinturas e fotografias de Maxime Poulain  que balharà a l’encòp una conferéncia suls peisses e lor maire qu’es tanben la nòstra : la maire-mar.
- Lo divendres 22 (18 h 30), se poirà tastar (amb las aurelhas) un “ Bolhabaissa poetic mediterranèu”, version poetica de la celèbra sopa preparada als fornèls pel pescafin Brunò Peiràs.


Los dos intervenents explican : “ Los peisses... Aqueles abitants de l’aiga, que i son coma un peis... dins l’aiga, o coma un aucèl dins l’aire, es a eles que volèm rendre omenatge. Peisses d’argent, peisses de lum, peisses que los pescaires espèran la nuèit e lo jorn. Peisses que n’i a de mens en mens e que los cal salvar, coma plan maitas bèstias, de la predacion e de la pollucion umanas.”
 

Temps de Nadal 2017 al Cercle occitan de Carcassona

Grépia, vins, chocolats e còca
 
De mai, lo Temps de Nadal serà tanben :

* La grépia occitana
- lo diluns 18 (a 19 h) : una tasta de chocolats (chocolatièr Belin, d’Albi) e vins de Maurin/Maury (sus inscripcion : 04 68 25 19 78 o ostal.sirventes@wanadoo.fr)
* lo dimècres 20, 18h30 : Paraulas de Nadal (cadun(a) conta, canta, ditz Nadal…)
* E 2018, se dobrirà lo divendres 5 de genièr (18 h), amb las còcas dels Reis del Cercle Occitan del País de Carcassona e de l’IEO Aude e las cantinas de blanqueta de Limós amb, al bèl mitan de la taula, la Copa de França de rugbí de XIII emportada en 2017 per l’AS Carcassona.

Partager cet article
Repost0
Pour être informé des derniers articles, inscrivez vous :
Commenter cet article