Overblog
Editer l'article Suivre ce blog Administration + Créer mon blog
occitan-aude.over-blog.com

ENTRE SETEMBRE E OCTOBRE de 2017

26 Septembre 2017 , Rédigé par Mirelha

ENTRE SETEMBRE E OCTOBRE

Aquí sièis informacions interessantas :
- l'emission D'Òc Show enregistrada per Òc-Tele a Carcassona (dijòus 28 de setembre)
- la mòstra dels artistas de la Trivala e de la Barbacana
- los 10 ans de la Calandreta Lo Cigal (dissabte 30/09)
- lo film Ernèst e Celestina presentat a Castèlnòu d'Ari (1/10)
- lo viatge cultural a Seta de Fasètz la Lenga en Cabardés (7 e 8/10)
- los rendètz-vos d'octobre dels Companhs de Paratge

Sens doblidar que l'Amassada Generala de 2017 de l'Institut d'Estudis Occitans d'Aude se debanarà lo dissabte 21 d'octobre de matin a l'Ostal Sirventés.

ÒC-TELE A CARCASSONA (dijòus 28/09)

Òc-Tele (octele.com) es una television qu'emet en occitan sul Net : octele.com. I podètz gaitar un fum d'emissions, reportatges, filmes en lenga nòstra e en pòdcast. Un còp o l'autre, ÒC-Tele fa un dirècte dempuèi una manifestacion o una vila ; serà lo cas amb son emission D'Òc Show aqueste dijòus 28 de setembre dempuèi Carcassona de 20 h a 22h.
Lo tèma de l'emission serà « L'eiretatge dels trobadors a Carcassona ». Pendent doas oras 20h30-22h15, se mesclaràn intervencions en platèu (los Calandrons, Mirelha Braç, Marion Ficat, Marie Lavit, Joan-Francés Albèrt, Aurélien Bertrand, Andrieu Denat, Mans de Breish, Brunò Peiràs, Cristian Salès, Gerard Zuchettò…) e enregistraments ja virats.
L'estudiò se tendrà a l'Auditorium-Capèla dels Jesuitas (carrièra dels Estudis, en centre-vila). Per balhar mai de vam a l'emission, la preséncia del public es desirada. Podètz (devètz) doncas venir assistir a l'enregistrament e a la difusion (podètz arribar a comptar de 20h).

D'Òc Show clava a l'encòp los rendètz-vos dels 5 Dijòus-Escritura.

A LA CAPÈLA SANT-GIMÈR

Lo Grop Aqüarèla del Cercle Occitan del País de Carcassona pren part a la mòstra dels artistas dels barris Trivala e Barbacana, a la Capèla Sant-Gimèr (Barbacana).
Estrena : lo divendres 29 de setembre, a 18h. Mòstra dobèrta de 14h a 18h, cada jorn, fins al 8 d'octobre.

10 ANS PER LA CALANDRETA LO CIGAL

Aqueste dissabte 30 de setembre, la Calandreta de Bisan de Menerbés – Lo Cigal festeja sos 10 ans :
15h : Acuèlh ; 16h : Presentacion de la mòstra Los amics de Joan de l'Ors (Alan Roch) ; 16h30 : Patrimòni cultural immaterial en dialòg, amb lo CIRDÒC ; 18h : Discorses oficials ; 18h30 : Visita guidada dels locals ; 19h : Aperitiu ofèrt.
Se poirà beure e manjar sus plaça al benefici de la Calandreta Lo Cigal que vos espera nombroses e nombrosas !

ERNÈST E CELESTINA, VERSION OCCITANA

Dins l'encastre del festenal Cinéma d'Automne a Castelnòu d'Ari, projeccion de la version occitana del dessenh animat Ernèst e Celestina http://capoc.crdp-aquitaine.fr/articles.php?lng=fr&pg=424&tconfig=0 , dimenge de matin 1èr d'octobre, a 11h, al Mercat dels grans. Presentacion del film per Alan Roch.

* VIATGE CULTURAL A SETA DE FASÈTZ LA LENGA EN CABARDÉS, los 7 e 8 d'octobre
Tot es aprestat per que siague lo mai agradiu possible : visitas, espectacles, tastas ... Manca pas pus que d'emplenar lo carri (demòran qualques plaças) lo dissabte matin. Entresenhas al 06 31 55 58 57

Dissabte 7 d’octobre : 8h30 : Départ de Villegailhenc ; 10h30 : Visite des chais Noilly-Prat à Marseillan ; Repas tiré de la saquette ; 14h : Rencontre de notre guide sétoise (Isabelle François) au Mont St Clair ; 17h : visite commentée de Sète en bateau ; 19h : installation au centre d’hébergement du Lazaret ; Repas en commun au centre ; 20h30 : Soirée autour de Brassens en occitan animée par Felipe Carcassès, Corne d’Aur’òc
• Dimenge 8 d’octobre : 10h : visite de l’Espace Brassens ; 12h : Repas tiré de la saquette, poursuite de la visite de Sète ; 16h : départ de Sète ; 16h30 : visite du Musée de l’étang de Thau et des voiles latines à Bouzigues ; 19h : visite d’un mas conchylicole, avec possibilité de dégustation (prévoir une petite participation).
Prix du séjour : 78 euros + 12 adhésion obligatoire =  90 euros,
p
ayable à l’inscription : adhésion-FLLC 12 euros + arrhes 38 euros, soit 50 euros non remboursables
Pour vous inscrire, contacter :
Chantal Canal 06 87 37 03 79 -  
chantal.canal2@orange.fr
Babé Montel 06 14 39 16 39 - babemontel@yahoo.fr
André Denat 06 31 55 58 57 - andre.denat@orange.fr

AMB LOS COMPANHS DE PARATGE

- divendres 13, a la Librariá Mots & Cie (Carcassona), a 18h30 : rescontre amb Philippe de Tonnac e Roland Feuillas per la sortida del libre À la recherche du pain vivant (éd. Actes-Sud)
- dissabte 14, a Mossolens : rescontres sul tèma « Vents e molins » (a comptar de 10h) ; a 17h30, contes del Joan-Jaume Delpotz
- dijòus 19, a Vilespin, 18h30 : conferéncia-lectura « Las batèstas de la Crosada en Lauragués »
- Per ne saber mai : http://compagnonsparatge.blogspot.com/

ENTRE SETEMBRE E OCTOBRE de 2017

---------------
Per nos contactar :

Ostal Sirventés :
ostal.sirventes@wanadoo.fr ; ieo11@ieo-oc.org
04 68 25 19 78
occitan-aude.over-blog.com
Adreiça novèla : IEO-Aude BP 51042 11860-Carcassona Cedex

Partager cet article
Repost0
Pour être informé des derniers articles, inscrivez vous :
Commenter cet article