Overblog Suivre ce blog
Editer l'article Administration Créer mon blog
occitan-aude.over-blog.com

ESCRITURA 2017

29 Août 2017 , Rédigé par Mirelha

ESCRITURA 2017
PINTURA, ISTÒRIA, POËSIA E TELEVISION AL PROGRAMA

Escritura es un moment fòrt de rescontres e d'escambis mes en plaça per l'Institut d'Estudis Occitans d'Aude a l'entorn mai que mai de la literatura occitana o de libres sus Occitania.
La manifestacion se dobrirà a l'Ostal Sirventés (79, la Trivala a Carcassona), aqueste dijòus 31 d'agost, a 6 e mièja del vèspre, amb l'estrena de la mòstra
Las Musas de 2017 de las òbras del Grop Aqüarèla del Cercle Occitan del País de Carcassona.
Dimenge 3 de setembre, a l'escasença de la Fièra als Trastes del barri, l'Ostal Sirventés jogarà a « pòrtas dobèrtas » long de la jornada.

Una aqüarèla del Robèrt Auriòl que se'n es anat tròp leu veire las novels...

Una aqüarèla del Robèrt Auriòl que se'n es anat tròp leu veire las novels...

Los tres rendètz-vos mai literaris seguiràn : 

- lo dijòus 7 de setembre, a 6 oras e mièja del vèspre, per descobrir, a travèrs la lectura d'unes passatges, lo libre de Jules Rivals L'âme terrienne (CS Prod ; 
https://www.groupe-oc.com/fr/106-1907-lame-terrienne-jules-rival-livre-en-souscription.html?search_query=l%27ame+terrienne&results=2 ) consacrat a 1907, eveniments contats amb estrambòrd e transformats per l'autor en una epopèia populara.

- lo dimècres 13 de setembre, a 6 oras e mièja del vèspre, per parlar de la naissença del moviment obrièr a Seta amb Alan Cameliò, autor de l'estudi Una Séença a la borsa plata (ed. IEO-Lengadòc) https://ceucleoccitansetori.wordpress.com/creations/ . Un obratge ont, a partir d’una pèça de propaganda anarquista publicada en 1905 per lo carretièr Pascau Verdale, Alan Cameliò descriu l’ambient e l’istòria sociala, economica e culturala d’aqueste moment ont, a Seta coma endacòm mai, l’idèa de crear una societat novèla grelhava dins l’èime dels trabalhadors.
- lo dijòus 21 de setembre, a 6 oras e mièja del vèspre, per rescontrar Miquèla Stenta, autora de l'obratge Marcelle Delpastre, à fleur de l'âme (cò de Vent Terral ; fotografias : Charles Camberoque) 
http://www.vent-terral.com/blog/themes/hommes-femmes/marcelle-delpastre-a-fleur-de-lame/ 
qu'evocarà la granda escrivana lemosina e occitana Marcèla Delpastre per contribuir a la coneissença e a l'espandiment de son òbra bèla (poësia, contes, sovenirs, etnografia,…

- lo dijòus 28 de setembre, a comptar de 8 oras del ser, en dirècte dempuèi Ciutat, Òc-Tele www.octele.com  virarà en dirècte una emission consacrada a l'eiretatge dels trobadors a Carcassona.

---------------------------
Per nos contactar :

Ostal Sirventés :
ostal.sirventes@wanadoo.fr ; ieo11@ieo-oc.org
04 68 25 19 78
occitan-aude.over-blog.com
Adreiça novèla : IEO-Aude BP 51042 11860-Carcassona Cedex

Partager cet article

Repost 0
Pour être informé des derniers articles, inscrivez vous :

Commenter cet article