Overblog Suivre ce blog
Editer l'article Administration Créer mon blog
occitan-aude.over-blog.com

Setmana de las cojas / semaine des courges

11 Novembre 2016 , Rédigé par Mirelha

LA SETMANA DE LAS COJAS

Abans de vos parlar de la Setmana de las cojas (21-25 de novembre), vos direm dos mots sus unes rendètz-vos bèls a venir :
- aqueste dijòus 17 de novembre, los Companhs de Paratge organizan un rescontre a l'abadiá de Sant-Ilari sus 1216, Le siège de Beaucaire (a 18h30 : conferéncia, lectura d'extraits de la cançon de la Crosada ; a 20h30 : possibilitat de sopar en comun ; 15 € ; per se marcar : ostal.sirventes@wanadoo.fr)
- divendres 18, a Puègnautièr, dins l'encastre del Festenal Los Trobadors cantan l'art romanic :
- À 18h30 : rencontre avec Franc Bardou et Aurélie Lassaque, à propos de René Nelli (salle de la tour) http://compagnonsparatge.blogspot.fr/2016/10/1216-le-siege-de-beaucaire.html
- 20h45 : spectacle (Na Loba) Òda a Montsegur, sus unes tèxtes de Renat Nèlli https://festival-troubadoursartroman.fr/index.php/event/franc-bardou-oda-a-montsegur-aurelia-lassaque/

SETMANA DE LAS COJAS A PUÈGNAUTIÈR
(21-25 de novembre)

Las cojas, e tota la familha de las cucurbitacèas, seràn a l'onor per l'edicion 2016 de la Setmana de las sabors a Puègnautièr (21-25 de novembre), a l'iniciativa de l'Institut d'Estudis Occitans-Aude.

Una mòstra originala serà consacrada a las cogordas, cogordetas, cornissons, cogombres (mascats o pas) e autres pastissons. La lectura-estrena se farà lo diluns 21 de novembre (a 18h30, sala de la Tor).

**Lo dimècres 23 de vèspre, a Na Loba (15h), Alan Roch dirà unes contes pel jove public L'uòu de cavala e autres carròces de Cendroseta. En fin de vèspre, a l'Ostal Sirventés (carrièra Trivala, 18h30), un talhièr dobèrt d'occitan sera consacrat al vocabulari de las cojas.
**Lo divendres 25, a Na Loba (18h30), conferéncia originala sul cogordon (coja non comestibla transformabla en instrument de musica, esplech culinari o militari,…) : serà a l'encòp musicala, carnavalesca, mas tanben agricòla, botanica, medicinala, etnologica, linguistica. Conferéncia balhada a doas voses : Djé Balèti e Jiròni Desigaud.
Coma de costuma, a 20h30, seguirà un sopar tot a la coja per clavar la setmana.

Totas las animacions seràn a res-non-còst, alevat lo sopar (sus reservacion : 12 € per persona : 04.68.25.19.78 o ieo11@ieo-oc.org)

La manifestacion es organizada per l'Institut d'Estudis Occitans-Aude amb lo concors del Cercle Occitan del País de Carcassona, de Ràdio-Lenga d'Òc-Narbona e de RCF-Pays d'Aude, de la Bibliotèca Departamentala d'Aude, del Servici Cultural de Puègnautièr e lo sosten de la Comuna de Puègnautièr e del Conselh Departamental d'Aude.

Lo programa de la Setmana de las sabors a Puègnautièr (21-25 de novembre)

del diluns 21 al divendres 25, de 15h a 18h30 : sala de la Tor : mòstra originala Visca la cogorda e lo cogordon ! Possibilitat de vesitas (escòlas, grops) sus RdV.
diluns 21 de novembre, a 18h30, sala de la Tor : lectura-estrena Cucurbitacèas
dimècres 23, a 15h a Na Loba (15h), contes pel jove public L'uòu de cavala (Alan Roch) e espertinar.
dimècres 23, a 18h30, a l'Ostal Sirventés (79 carrièra Trivala, Carcassona) : talhièr dobèrt d'occitan Los mots de las cojas.
divendres 25, 18h30, a Na Loba : conferéncia cogordonesca per Djé Balèti e Jiròni Desigaud.
divendres 25, a 20h30, sopar tot a la coja.

Totas las animacions son a res-non-còsta levat lo sopar (sus reservacion : 12 € per persona : 04.68.25.19.78 o ieo11@ieo-oc.org)

 Sus las ondas :

RCF-Pays d'Aude : emission Als 4 vents (diluns 7/11 a 18h ; dissabte 12/11 a 10h ; podcast : https://rcf.fr/vie-quotidienne/als-4-vents )

Ràdio-Lenga d'Òc-Narbona : cronicas Cojas, cornissons e pastissons en multi-difusion del 14 al 25/11 (www.lengadoc.eu).

Partager cet article

Repost 0
Pour être informé des derniers articles, inscrivez vous :

Commenter cet article