Overblog Suivre ce blog
Editer l'article Administration Créer mon blog
occitan-aude.over-blog.com

Sirventés d'estiu e Rescontres musicals

5 Juillet 2016 , Rédigé par Mirelha

Sirventés d'estiu e Rescontres musicals

SIRVENTÉS D’ESTIU : PINTURAS E RESCONTRES

A l'Ostal Sirventés (79, la Trivala, Carcassona), se tenon, fins al divendres 15 de julh, los rendètz-vos del Sirventés d'Estiu 2016 amb una mòstra de pinturas e quatre rescontres.

Los tablèus presentats son una causida d'òbras de Miquèl Porcel (1938-2001 ; http://porcel.chezgina.com/ ) consacradas a las Corbièras. Aquí l'escasença de tornar trapar un personatge de tria de la vida culturala e artistica de Carcassona. La mòstra es dobèrta (dintrada liura) del diluns al divendres de 15h a 19h.

Aprèp l'estrena del diluns 4, tres rescontres en fin de vèspre (18h30) ritmaràn la quinzenada : 

divendres 8, amb lo cantaire Cristian Almerge a l'entorn del ròtle de la cançon occitana,

diluns 11, amb Claudi Martí e Patrici Cartièr que presentaràn lor libre Je t'écris de Carcassonne-2

divendres 15, l'istorian Paul Tirand parlarà d'Armand Barbés.

Manifestacion organizada per l'Institut d'Estudis Occitans-Aude e lo Cercle Occitan del País de Carcassona (04.68.25.19.78 ; ostal.sirventes@wanadoo.fr)

 

• E TANBEN : Rescontre de musicas tradicionalas

Aqueste dimècres 6 de julh, dins los locals de la Calandreta de Ciutat a Carcassona, l'associacion Canti-Canta organiza la Fèsta de las musicas tradicionalas.

De 10h30 a 17h, se seguiràn concèrts tematics, talhièrs, conferéncias musicalas, mòstras, instrumentarium medieval per descobrir e ausir unes instruments coma calamèls, còrnamusas, laüts, guitara flamenca, ... e tanben cants dels repertòris occitan, egipcian, de las illas Mascarenhas, catalan, irlandés, de las peninsulas italica e iberica… De 18h a 21h30, serà lo temps del balèti ; en primièr pels pichons ; puèi, per totes amb danças d'Occitania e d'endacòm mai, en ronda, en farandòla, en cobles, en pista ! 

Partager cet article

Repost 0

Commenter cet article