Overblog Suivre ce blog
Editer l'article Administration Créer mon blog
occitan-aude.over-blog.com

A LA TAULA OCCITANA ! / A la table occitane

24 Juin 2016 , Rédigé par Mirelha

• TRUFA D'ESTIU : Aqueste dissabte 25 de junh, Mirelha Braç participarà a l'animacion dels talhièrs-cosina de la Fèsta de la Trufa d'Estiu e de l'AOP-Malapèira a Rotlens (www.roullens.fr).

Lo matin, se prepararà lo crostet de Rotlens (tòsta de pan, tapenada trufada o formatge trufat + legums de sason) ; lo vèspre, un pastisson amb de confitura de lait trufada)

 

• PATRIMÒNI E CREACION CULINÀRIA

Dins l'encastre del fòrum Euro-regional, aqueste dimenge 3 de julh, de 10 oras e mièja del matin a miègjorn, Mirelha Braç animarà (sala Paul-Sibra), la taula redonda Patrimòni e creacion culinària qu'i prendràn part : 

- Vicent Marqués : es un autor valencian que s'es dedicat a una antologia de la cosina occitana e catalana que li prend (o prendrà, coma es pas acabada) 50 ans de sa vida. La causa interessanta es qu'investís sovent lo camp de la literatura per i trobar de causas, tèisser de ligams e de relacions. Podètz legir sa cronica setmanièra sus www.jornalet.com

- Roberto Colomero (e son equipa), president de l'Espaci Occitan (Valadas Occitanas). L'Espaci Occitan trabalh sus un projècte de mesa en valor de la gastronomia occitana en ligason amb lo territòri e lo terrador, e amb l'occitan coma lenga de comunicacion. Es un projècte que liga estructuras culturalas occitanas e estructuras de formacion professionala, als mestièrs de la boca, mas tanben a tota la filièra agrò-alimentària, amb una reflexion sus la sason, los "circuits courts" e tot aquò. Projècte de cooperacion transnacionala, entre las Valadas Occitanas d'Itàlia, nosautres aquí e tanben la Catalonha.

- Gerard Nogués, jos-director de la Fundació Insitut Català de la Cuina i de la Cultura Gastronòmica. I a un fum de causas a dire sus aquesta gròssa estructura, lo melhor es d'agachar lor site : http://www.cuinacatalana.eu/

Trabalhan ara sus un dorsièr de classament de la cosina catalana al Patrimòni Mondial de l'Unesco, en integrant la cosina a un panoramà cultural larg.

A la sortida de la sala, a miègjorn, i aurà Lo Barrut qu'esperarà los participants a la taula redonda per los menar al repais de Caçolet, en cantant.

• CUCURBITACÈAS : Las cojas e las cogordetas seràn lo tèma principal de la Setmana de las Sabors de 2016, engimbrada per l'IEO-Aude, a Puègnautièr, del 21 al 25 de novembre. Reservatz vòstra serada del divendres 25 de novembre pel sopar-cojas !

Partager cet article

Repost 0
Pour être informé des derniers articles, inscrivez vous :

Commenter cet article

estada michèle 25/06/2016 10:07

je n'ai jamais goûté à la truffe blanche d'été, je compte sur toi pour me dire ce qu'il en est

Mirelha 25/06/2016 16:51

Il faut en mettre beaucoup pour se régaler ! Le prix étant de 200euros au lieu de 100 en hiver, on peut y aller mais, bon...