Overblog Suivre ce blog
Editer l'article Administration Créer mon blog
occitan-aude.over-blog.com

TEMPS DE NADAL a Carcassona

2 Décembre 2015 , Rédigé par Mirelha

TEMPS DE NADAL a Carcassona

TEMPS DE NADAL

E DECEMBRE OCCITAN

Lo Temps de Nadal es un brave moment per faire ausir la lenga d'Òc. Vos presentam aicí una tièra de rendètz-vos nadalencs en país d'Aude que fasèm seguir del calendièr general de las activitats occitanas en país d'Aude per aqueste darrièr mes de 2015.

 

TEMPS DE NADAL A L'OSTAL SIRVENTÉS

L'IEO-Aude e lo Cercle Occitan del País de Carcassona an mes sus pè un programa plan fornit per l'edicion 2015 del Temps de Nadal, que se debanarà a l'Ostal Sirventés (79, la Trivala, a Carcassona).

La dobertura se farà aqueste divendres 4 de decembre (a 6 e mièja del vèspre) amb l'estrena de la mòstra de fotografias del Joan-Loís Gasc (http://almouni.blogzoom.fr) consacrada a Montsegur. Se poirà en seguida sopar a la medievala al restaurant 37 dins la meteissa carrièra Trivala (sus reservacion : 20 €).

Divendres 11 (6 e mièja del vèspre), Felip Calàs presentarà las fèstas de Lengadòc e de Catalonha long de l'an, tradicionalas o recentas (http://www.ocmusic.org/boutique/festas-d-oc-fetes-et-traditions-languedoc-et-roussillon-livre-/product_info.php/products_id/137?osCsid=iexjvmuihpnjbvi). Divendres 18 (6 e mièja del vèspre), serà al torn de l'istoriana d'art Anna Réby (http://www.aplt.fr) de parlar dels plafons pintrats de Carcassona.

Mas caduna e cadun pòt tanben venir cantar, contar, parlar de Nadal (en occitan o dins una autra lenga) lo dimècres 16 (6 e mièja del vèspre) al rendètz-vos de las Paraulas de Nadal. Parlarem pas de la tasta de vins de Menerbés (Château Mirause) e chocolats (Belin) del diluns 14 qu'aficha ja complet.

Poiretz descobrir tanben la grépia originala de l'Ostal Sirventés e notar ja lo primièr rendètz-vos de 2016 : lo divendres 8 de genièr (18 h) per festejar los Reis e l'An novèl !

(Contact e reservacions : 04.68.25.19.78 ; ostal.sirventes@wanadoo.fr ; http://occitan-aude.over-blog.com)

 

AMB LA CALANDRETA DE CIUTAT

La Calandreta de Carcassona vos convida :

- a un recital del Cristian Almerge, lo dissabte 12 de decembre, a 9 oras de la nuèit, al Capèl-Roge (carrièra Trivala) http://www.carcassonne.org/fr/concert-christian-almerge

- a una vesprada Nadal lo dimècres 16 de decembre, a 3 oras del vèspre, a la Comuna de Carcassona

http://www.carcassonne.org/fr/la-calendreta-festeja-nadal

 

EN CANÇONS

La Calandreta Los Cascamèls (Peiriac de Menerbés) pren part a l'organizacion del 5en Rescontre de còrs occitans en Menerbés. Prendràn part al rendètz-vos : La Mal-Cofada, Du Bartàs, La B.I.V, Tant que Li Siam, Naroca.

Lo divendres 11, aperitiu cantat al Fogal de Peiriac. Lo dissabte 12, passa-carrièra en cançons a Felinas de Menerbés, seguit d'un concèrt al Fogal del vilatge.

 

EN CORBIÈRAS

L'Associacion L'Abribus de Montlaur vos permet de realizar santons al biais de Portugal (dimècres 9 de decembre, de vèspre) e vos convida a una passejada de Nadal lo dimenge 20 de decembre que se clavarà per un repais e un balèti animat per Miss Guindoule de la Pompette (abribus.montlaur@gmail.com)

 

 

MARCELIN DOBRÍS LO CAFÈ

A Argelièrs, Marcelin Albèrt tornarà dobrir son cafè lo dimenge 20 de decembre a comptar de 6 oras del vèspre. Romièg Pech parlarà del cap-de-fila dels vinhairons abans una serada que mesclarà castanhada, contes, sopas, cants e lums

http://www.cafemarcelinalbert.com

 

TRUFAS NEGRAS

Per que las fèstas siaguen complètas, doblidètz pas de faire las crompas als mercats del gras (lo mai bèl es a Bèlpuèg los 12 e 13 de decembre) e als mercats de las trufas negras que reprenon lo dissabte 12 de decembre de matin a Mossolens http://ampelofolies.over-blog.com. Seguiràn mercats a Talairan (dissabte 19), Vilanòva de Menerbés (dimècres 23) e tornar a Mossolens (dimècres 30). Dins l'encastre de la jornada internacionala Terra Madre, lo dissabte 12, lo dinnar (13h) de Mossolens ramosarà (a l'iniciativa de las Ampelofoliás de Cabardés, de Slow-Food-Aude e l'IEO-Aude) los lipets a l'entorn d'un asinat e de sa rosòla (15 € ; inscripcions : ieo11@ieo-oc org).

Partager cet article

Repost 0

Commenter cet article