Overblog Suivre ce blog
Editer l'article Administration Créer mon blog
occitan-aude.over-blog.com

LOS 5 DIJÒUS-ESCRITURA


17 Septembre 2015 , Rédigé par Mirelha

L'Institut d'Estudis Occitans d'Aude e lo Cercle Occitan del País de Carcassona vos convidan a una tièra de rendètz-vos Los 5 Dijòus jol signe de l'Escritura, en fin de vèspre (18h30) a l'Ostal Sirventés (79, la Trivala).
 

Al primièr rendètz-vos, lo dijòus 3 de setembre, se presentèt Las Musas (trabalhs del Grop Aqüarèla del Cercle Occitan) e Mirelha Braç signèt son obratge culinari Afogassets e trufariás (ed. Letras d'Òc).

Al segond rendètz-vos, lo dijòus 10 de setembre, Ròsa Blin-Mioch parlèt de la destinada de la felibrèssa roja Lidia de Ricard (1850-1880) qu'escambièt una brava correspondéncia amb l'August Forés.

Aqueste dijòus 17 de setembre, lo cantaire occitan La Sauze presenta lo recuèlh dels tèxtes de sas cançons, intitolat tot simplament « Cançons en Òc ». S'i trapa tot l'art poëtic, linguistic, ironic e prigondament uman de l'artista.

Lo dijòus 24 de setembre, Sèrgi Gairal parlarà de Dòn Quichòt, l'eròi legendari nascut jos la pluma de Cervantés que ne ven de revirar una part en occitan (IEO-Edicions).

Lo dijòus 1èr d'octobre, l'escrivan (mas tanben contaire e etnològ) de Peirigòrd Micheu Chapduelh serà lo convidat de marca de l'Ostal Sirventés.

A aqueles cinc moments, cal ajustar la jornada Pòrtas dobèrtas de l'Ostal Sirventés lo dimenge 6 de setembre a l'escasença de la fièra dels Trastes de la Trivala. Sèrgi Gairal e Micheu Chapduelh rescontraràn los escolans de la Calandreta de Ciutat.

De mai, Micheu Chapduelh animarà una serada-contes lo divendres 2 d'octobre en Val de Danha e serà l'un dels intervenents de la jornada 2015 dels Companhs de Paratge (dissabte 3 d'octobre, a Montlaur) sul tèma de las bruèissas, dels bruèisses e dels sortilègis.

Unas lecturas en francés (Valérie Schlée) e occitan (Alan Roch) se tenguèron a la librariá Mots & Compagnie (divendres 11 de setembre, a 19 h : Du Languedoc e en lenga d'Òc). Los dos legeires se tornaràn trapar d'aicí la fin de l'an per evocar Joan-Enric Fabre, entomologista e felibre.

Per ne saber mai : ieo11@ieo-oc.org ; 04 68 25 19 78

Partager cet article

Repost 0

Commenter cet article