Overblog Suivre ce blog
Editer l'article Administration Créer mon blog
occitan-aude.over-blog.com

FESTENAL DE POLIFONIAS EN VAL NAUTA D'AUDE

23 Août 2015 , Rédigé par Mirelha

DEL 29 D'AGOST AL 6 DE SETEMBRE,

14ena edicion del FESTENAL DE POLIFONIAS EN VAL NAUTA D'AUDE

 

Lo Gesppe (grop vocal d'Esperasan) http://gesppe.zic.fr organiza, sus doas dimenjadas, un novèl Festenal de Polifonias (quatorzena edicion) amb una tièra de grops que fan la part bèla a la latinitat, al monde pirenenc e a la dobertura sul monde. La formacion d'Esperasan, menada per la Joana Labatut, assegurarà la primièra part de caduna de las cinc prestacions programadas :

- lo dissabte 29 d'agost, a Quilhan (glèisa, 9 oras de la nuèit) : lo grop masculin de Corsega Cantu Nustrale http://polyphoniescorses.com/le_groupe_cantu_nustrale_140.htm

- lo dimenge 30 d'agost, a Belvianas e Cavirac (glèisa, 4 oras del vèspre) : lo còr de Provençalas La Roquette http://laroquette.co

- lo divendres 4 de novembre, a Codons (glèisa, 9 oras de la nuèit) : lo grop feminin de catalanas Krregades de Romanços http://www.krregades.net

- lo dissabte 5 de setembre, a Eissalabra (jol cobèrt, 9 oras de la nuèit) : los cantaires e percussionistas bascs de Kalakan http://www.kalakan.fr

- lo dimenge 6 de setembre, a Esperasan (glèisa, 4 oras del vèspre) : lo còr masculin La Solorma de Granòble http://solorma.net qu'interprèta cants d'aicí e d'endacòm mai (occitan, còrse, armenian, ebrèu, rus, croata, italian, …)

Cal sotalinhar l'accion del GESPPE sus son territòri de Val nauta d'Aude, alargat ongan al Quercorb (amb Eissalabra) amb una proposicion artistica de qualitat, de tarifas abordablas per totes (10 € lo concèrt ; a res-non-còsta pel rendètz-vos d'Esperasan) e lo tot dins un ambient totjorn convivial qu'afavoriza los escambis e los rescontres.

FESTENAL DE POLIFONIAS EN VAL NAUTA D'AUDE

Partager cet article

Repost 0

Commenter cet article

IEO-Aude 25/08/2015 08:59

Es evidentament :
- lo divendres 4 de setembre, a Codons (glèisa, 9 oras de la nuèit) : lo grop feminin de catalanas Krregades de Romanços http://www.krregades.net