D'AICÍ LA FIN DE MARÇ de 2015

• AMASSADA GENERALA 2015 DE L'IEO-AUDE

Las sòcias e los sòcis de la seccion d'Aude de l'Institut d'Estudis Occitans son convidats a prene part a l'Amassada Generala 2015 de l'associacion que se tendrà dissabte 28 de març de matin a l'Ostal Sirventés (79, la Trivala a Carcassona) :

9h : acuèlh dels participants

9h30-11h30 : Amassada generala : Rapòrts (moral, activitats, financièr) ; discutida ; eleccion del CA

11h30 : aperitiu
• LA GRANDA RUSCADA

La Granda Ruscada / La Grande Lessive ® 2015, se debanarà lo dijòus 26 de març al còr de Caracssona (plaça de las Èrbas, Auditorium, Ostal de las Associacions, MJC, Musèu,...). Se cal marcar alprèp del GRAPH que coordona l'operacion.

http://lglcarcassonne.wix.com/lgl-carcassonne?fb_ref=Default  

https://www.facebook.com/pages/La-Grande-Lessive-Carcassonne/208251732690169 

• Precisions IEO :

Per la Granda Ruscada, podètz faire dessenhs, fotografias... mas tanben eslogans, poèmas en occitan per metre la lenga per carrièras.

Podètz tanben faire passar al Cercle occitan del País de Carcassona - Ostal Sirventés 79, la Trivala a Carcassona (adreiça postala : cò d'IEO-Aude BP 105 11022-Carcassona Cedex) qu'assegurarà lo penjar e lo depenjar, dins lo Centre-Vila (plaça de las Èrbas, Ostal dels Joves, …).

Entre las animacions, Alan Roch assegurarà moments-contes d'una mièja-oreta pels grops escolars (de 10h a 12h e de 14h a 15h ; e tanben entre 12h e 14h se necessari ; contact dirècte : ieo11@ieo-oc.org o 04 68 25 19 78). Canti Canta clavarà la manifestacion per un recital a la candèla cap a 17h. Contes e cants se tendràn dins la sala n° 2 de l'Ostal de las Associacions (plaça del pargue de veituras de l'Ostal dels Joves).

• CARNAVAL DE CARCASSONA

Lo COMICC daissa pas tombar e prepara una edicion de Carnaval pel dissabte 11 d'abril a Carcassona. A vòstras masquetas e rendètz-vos a 5 oras del vèspre, plaça de las Èrbas. Contact : carnaval.carcassonne@gmail.com