TOTES A CAMPLONG + D'AUTRAS DATAS PER AGOST

* 14, LOS PÒBLES FÒRTS…
Convit per escotar Nadau (dijòus 7 d'agost) e lo Cristian Almerge (lo 8) a Camplong d'Aude :
« A quina, quand lo n° 14 sortís de la saca, se crida : « 14, l'Òme fòrt ! ». E 2014 serà benlèu l'annada dels pòbles fòrts en Euròpa.
Amb un vòte, los Escoceses e los Catalans van decidir de lor devenir. Se pòt pas faire calhar l'enveja de mai de libertat dels pòbles, lo desir de causir son sòrt e de prene en man sa vida e aquò sens se copar dels autres mas en portant mai de vam a l'accion comuna. E dins aquel grand concèrt, de qué direm los Occitans ? Sèm un pòble fòrt o aflaquit amb nòstra lenga esbocinada ?
Per aver nòstre mot a dire, cal d'en primièr aver consciéncia d'èsser : posar dins l'istòria, lo biais de viure, l'èime, la literatura, l'imaginari, lo viscut... Posar, sens demorar al fons del potz. Sa consciéncia occitana personala es pas un tresaur de se gardar solet dins un canton de sa memòria, de sos remembres o de sos sòmis. Se cal pas contentar de l'exprimir entre monde de la meteissa associacion o amb d'amics o a tal o tal rendètz-vos ritual e costumièr.
Cal pas passar son temps a plorinejar e a se dire que los Bretons, los Basques o los Còrses son plan melhor plaçats : « Comprenes, es pas çò mème per çò que elis... ». E ben, non, pauròts, compreni pas ! L'occitan es pas un ben personal, es aquel d'una societat, es una part de las culturas de França, d'Euròpa e de la planeta (e de mai luènh se jamai los Òmes e las Femnas Verds de Març o d'endacòm mai nos passan véser !).
Alara, tot vòstre occitan, qual que siague vòstre gra d'impregnacion, lo cal metre en moviment, en accion dins la vida vidanta. Pas besonh de moneda per parlar la lenga, per l'escriure... Una volontat per programar espectacles e rescontres occitans dins las mediatècas, dins la programacion culturala de l'an, per unes festenals (coma se fa cada an, a Camplong) ; una volontat per se focalizar pas sus París, mas se dire que i a solidaritats e accions comunas de menar rapòrt als pòbles latins, rapòrt a la Mar nòstra, rapòrt a totes los qu'an las meteissas idèias e envejas prèp o luènh...
Los entristonesits de totas las uniformizacions te respondràn : « Comunautarisme e barradura » : benlèu qu'arribarem pas a lor explicar que sèm dins l'universal e la dobertura ? Qu'impòrte…
Alara, avancem ! Lo cantaire catalan Lluís Llach ditz : « Volem ser per caminar i caminar per poder ser. Volèm èsser per caminar e caminar per poder èsser »
Los cants dels artistas de Camplong nos ajudaràn e nos noiriràn. L'Almerge nos ditz que i a autant de noblesa a rotlar en païsan sus son Massey-Ferguson qu'a faire lo bèl-bèl en Harley Davidson. Nadau afirma que la libertat es lo sol camin que valgue : « Sèi un país e ua flor, 
que l’aperam la de l’amor. Haut, Peiròt, vam caminar, vam caminar de cap tà l’immortèla : lo país vam cercar. »

Agitator Roch
http://www.camplong.com/a-propos/affiche-amicale/
http://www.camplong.com/fichiers/estivales2014.pdf

* D'AUTRAS DATAS PER AGOST :

En complement al calendièr bèl ja mandat :
* dijòus 7 :
- Tolosa, Festival d'été : Artús à 21h30 Jardin Raymond VI

* lo 8 e lo 9 d'agost :
- Sant-Andrieu de Ròcalonga : Rugbí, vin e occitan
amb divendres 8 : mercat artesanal (18h), recital de Patric (21 h)
e dissabte 9 : 10h30 : L'òme de la Justina (teatre) ; 11h30 : Lo rugbí festeja sos 100 ans ; 12 h 15 : aperitiu ; 13h : dinnar ; vespre e serada : espòrts, sopar, balèti...
http://www.st-andre-roquelongue.com/nouvelles/vin-rugby-occitan.-le-programme-des-festivites.html

* dimenge 10 :
- Quintilhan, 10h-18h : mercat païsan

* dimècres 13 :
- au Foyer Municipal de Campagne sur Aude, à 21 h, lors d’une conférence, venez découvrir le Desman des Pyrénées, cette sorte de taupe aquatique jusque-là méconnue. Où est-il présent ? Que sait-on de son mode de vie ainsi que les dernières découvertes sur l'espèce, seront au cœur de cette conférence animée par la Fédération Aude Claire.
Entrée libre et gratuite Renseignements : 04 68 31 29 20

* del 22 al 24 :
- Fèsta occitana a Revèl :
• vendredi 22 août : Bal oc avec Fial de Lana, restauration rapide ; Concert de Nadau à 21h00, salle Claude Nougaro à Revel - 18€ tarif unique, vente des places aux Bureaux d'Information de Revel (05 34 66 67 68), de Sorèze (05 63 74 16 28), de Saint-Félix (05 62 18 96 99) ; reprise du bal Fial de Lana après le concert ;
• samedi 23 août : Le polit Mercat, animation du marché par les Boudègues de la Montagne Noire ; à partir de 15h les Boudègues, initiation aux danses occitanes, la dictada, conférence par Jean Odol, espace enfants, expositions ; 19h ouverture des points de restauration ; 20h Test et Christian Almerge (rock Oc) en concert, gratuit ; 21h30 Bal Oc avec Zinga Zanga ;
• dimanche 24 août : 11h messe avec la participation de Set de Cant (chœur d'hommes) ; 15h, spectacle folklorique gratuit avec les Mainatges de Montréal, la chorale Set de Cant et les Tchanques de Chalosse (échassiers landais)

* Pensatz de vos marcar pel viatge cultural de Fasètz la Lenga en Cabardés en Cevènas, los 11 e 12 d'octobre : http://fasetz-la-lenga-en-cabardes.over-blog.com