Overblog Suivre ce blog
Editer l'article Administration Créer mon blog
occitan-aude.over-blog.com

LAS IVERNALAS DE CABARDÉS ENTRE PATRIMÒNI, TIRON E TRUFAS !

19 Janvier 2014 , Rédigé par Mirelha

Las Ivernalas de Cabardés organizan, per l'edicion de 2014,
tres rendètz-vos entre Argon e Puègnautièr.

Dobertura lo dimars 21 de genièr a Argon (Ostal de Cabardés, 18h30) ont, dins l'encastre de l'Estanquet mesadièr de Fasètz la Lenga en Cabardés, se parlarà de tres escrivans occitans audencs de tria : l'Aquiles Mir, lo Josèp Anglada e lo Prospèr Estieu.

L'endeman, dimècres 22, plaça a un espectacle jove public a Puègnautièr (Na Loba, 18h30, participacion liura) amb la representacion d'Es un cicne/signe ! Aqueste conte musical, interpretat per Celestin (paraula) e Claudi (musica), repren la tematica del Pichon tiron aissable d'Andersen que perseguissèm dins un conte meravilhós e filosofic, sostengut per un vintenat de cançons, fòrça instruments de musica et d'animacions interactivas qu'encantaràn pichonets, pichons e grands.

Lo dissabte 25, la serada fraireja amb las Ampelofoliás. Atal, a 7 oras de la nuèit (Na Loba, Puègnautièr), lo contaire peiregordin Danièl Lhomond vendrà dire sos Contes truffés, contes en francés salpicats de pecics d'occitan ont la trufa ten lo primièr ròtle. Se soparà dins una albèrga espauruganta e gostosa. Se vistalharà lo país intime, aquel dels passats compausats e dels futurs pròches. Se perdrà lo camin per las garrigas entre los euses... E puèi se descobrirà enfins la Vertat vertadièra sus l'Istòria de la Trufa... Aqueles Contes Truffés fargan un espectacle per somiar sus las tèrras de Peiregòrd e de Lengadòc, mas tanben per tutejar lo Fantastic... A la fin de l'espectacle, poiretz prendre part al sopar amical que marcarà lo rescontre entre los vins de Cabardés e lo Picapol de Pinet. (Contes : 5 € ; sopar : 15 € ; contes e sopar : 18 €, sus reservacion alprèp de l'IEO-Aude BP 105 11022-Carcassona Cedex ; mèfi : demòra pauc de plaças pel sopar.).

Las Ivernalas de Cabardés son mesas sus pè per l'Institut d'Estudis Occitans d'Aude amb lo sosten del Conselh general d'Aude e de la Comuna de Puègnautièr, en collaboracion amb Fasètz la Lenga en Cabardés e lo Cercle Occitan del País de Carcassona. La serada del 25 es organizada en partenariat amb las Ampelofioliás de Cabardés, los vins de Cabardés, lo FLL-Ventenac e la Calandreta de Ciutat.

Contact : ieo11@ieo-oc.org ; 04 68 25 19 78

Dimenge 26, se tendrà la granda jornada de las Ampelofoliás de Cabardés a Mossolens, la fèsta dels vins de Cabardés e de la trufa negra. L'IEO-Aude i tendrà taulièr, Daniel Lhomond signarà sos libres e la fanfara dels Golamàs se vestirà en Bestiòlas de la Garriga (ampelofolies.over-blog.com)

Partager cet article

Repost 0

Commenter cet article